تكلفة البناء الحالية

[الأبطح]

السرداب يحتاج كمية حديد كبيرة اضافة الى العزل
لان حوائط السرداب راح تكون خرسانة مسلحة
ونفس ما تفضل اخوي خالد اذا جارك باني قبلك وماعنده سرداب
راح تحتاج انك تدعم جوانب الحفر حتى ما تهيل التربة اللي تحت
بيت جارك وتحدث مشاكل في البناء
انا ما بنيت سرداب لكن اللي اسمعه
انك تحسب مساحة السرداب بتكلفته بناء عادي وتضيف عليها 10 آلاف
واعتقد 10 آلاف متغيرة حسب سعر طن الحديد
واسأل اللي بخاطرك ما يردك الا الكي بورد

وكل التوفيق لك ان شاء الله

 

[محمد 525]

اخوى بو صالح فيه طريقة ممكن توفر عليك الكثير بس متعبة جداً
وهى انك انت تكون المقاول الرئيسى يعنى تتفق على الحفر مع
الكرين مبارشرة والنجارة مع النجار والحدادة مع الحداد والبنا بروح
والخلاطة بروح والصحى بروح والكهرباء بروح على الاسود طبعاً
مع ظرورة وجود اشراف هندسى على الاسود من قبل مكتب
هندسى معتمد من البلدية وبذالك تستطيع انك توفر على نفسك
الكثير .

 

[AL_nasser]

اخوى بو صالح فيه طريقة ممكن توفر عليك الكثير بس متعبة جداً
وهى انك انت تكون المقاول الرئيسى يعنى تتفق على الحفر مع
الكرين مبارشرة والنجارة مع النجار والحدادة مع الحداد والبنا بروح
والخلاطة بروح والصحى بروح والكهرباء بروح على الاسود طبعاً
مع ظرورة وجود اشراف هندسى على الاسود من قبل مكتب
هندسى معتمد من البلدية وبذالك تستطيع انك توفر على نفسك
الكثير .

اتفق مع اخوي محمد بخصوص الاتفاق مع النجار والحداد افضل من المقاول مباشره وفيها توفير لايقل عن 4000الف اذا مو اكثر بعد والتنسيق مع البنا والخلاط او الصبه الجاهزه امرها سهل والتنسيق ويا الكهربائي والصحي من البدايه اما بالنسبه لتوفير المواد اعتقد كلها توصلك بالتلفون اعتمد علي نفسك افضل من مقاول والتعب واحد بالنهايه وبالتوفيق

 

[الأبطح]

فعلا هذي الطريقة موفرة
لكن تحتاج شخص مجرب البنيان من قبل
وعنده علاقات قوية يعني اذا خارها النجار مثلا
ما يتعطل يجيب غيره بسرعة
وهي متعبة جدا خاصة للجديد على البنيان
يعني قسيمة وحده وتشوف شعرك صار ابيض

 

[طارق55]

لاتوهقون الرجال وهو توه جديد .. خله يجيب مقاول جيد .. وهو الي يتولي شراء المواد بنفسه .. بمعني تأخذ مقاول مصنعيه فقط لاغير ..
أخوي كاتب الموضوع .. البيت الي حاط انت صورته يكلفك اقل شئ 80 الي 90 حسب موادك .. لانه ثلاث لأدوار .. هذا وأنت ماسك نفسك بعد .. يعني حاط مواد معقوله وليست غاليه .. والبنيان مثل السير كل مامطيته ينمط معاك .. يعني تقدر تخلص البيت ب 80 الف وتقدر تزيد المبلغ الي 150 الف علي نفس البيت .. أنا شفت بيت عادي ثلاث ادوار .. حاط عليه التكسيه الخارجيه تقريبا 25 الف .. وفيه بيت تكسيته الخارجيه 4 الالاف دينار نفس المساحه .. عموما .. اخذها قاعده ثلاث ادوار من 80 الف الي ال90 تبي بيتك يخلص بدون افلوس زياده يعني بس ال 70 الف تسويلك دورين وربع أو دورين ونصف بالغصب بعد .. تسويه خلطه ايرانيه .. والتكسيه مزاييك ..والتكييف اخذه كولكس من موزع معتمد ..,ولاتبالغ بالخرسانه لانها مكلفه .. وهلم جرا تحاول توفر بالتشطيبات .. والله يعينك وأي سؤال انا حاضر

 

[busalih]

جعله الله في ميزان حسناتكم ، و الله ردود مفيدة بارك الله فيكم

فعلا متابعة المقاولين شي متعب ولكن بالنسبة لي اهيه مسألة عدم تفرغ بسبة الدوام،

اشرايكم بشركة المساكن ( الخالد اعتقد) بيوتهم تنبني بالخرسانة الخلوية ، عندهم عروض على المفتاح اب 55 ألف ، يعني لو نزيدهم 15 الف ممكن شغلهم نظيف عدل؟ سمعت من واحد من الربع ان صعب اتغير فيه

 

[جرينتش]

مشكورين على الردود ومنكم نستفيد

اضافة على ما تفضل به الاخ kaled9977
البناء الاسود بالتوسعة يفرق اذا كان فيه قواعد او لا
يعني ممكن تكون التوسعة عبارة عن دور ثاني على بناء قائم
اذا دور ثاني راح يقل سعر متر مسطح البناء
تقريبا بتكلفك 6000 بالمواد بناء اسود
لكن انت اخذفكرة من اكثر من مقاول

لا البناء ملحق من الاساس دور وربع

المقاولين سعروه بين 8.500 وال 12 مع المواد