نبي من كل واحد يقول لنا قصة أقوى خسارة له بالبورصة!

[boali]

اشريت بيان 1400
وبعتها بخساره
وفي الوقت الحالي عوضت فلوسي منها
اشتريها بالنازل
تصعد ابيعها
يعني تقدر تقول مضاربه
وشكرا

 

[ابومانع]

ما أظن في شي أسمه خساره ببورصه الكويت ،، في شي أسمه أنخفاض السهم وإذا بعت عندم يكون السهم منخفض وهسرت هذا أستعجال منك مايسومنه خساره لانك أنت أتخذت القرار بس لو تبي تصبر عليه راح يرجع إلى السعر اللي شريته فيه ويمكن أكثر بس السالفه يبيلها وقت فقط لاغير ،،،،

الخساره على أصوله مثل ماقال لك الاخ ببورصه ولول ستريت ههههاي شي موطبيعي تحط فلوسك يمكن بعد 5 دقايق الشركه تعلن أفلاسه شي عادي

انا اتفق معاك

 

[السهم الخطير]

.

بالنسبة لي: زميلي نصحني بسهم خفيف جداً (خسران).......

وقالي لو صعد فلسين؛ راح تصير مليونير! ....................

شريت وحدة؛ و الشركة أعلنت إفلاسها و راحت فلوسي بالكامل؛

بس هالكلام مو ببورصة الكويت!

شركة منتجات غذائية صاحبها ولد قبازرد!
بالنسبة لي المهذب جدا نصحنا بالمال العقارية واليوم حد أدنى عرضتها وما راحت الله يستر . بس موذنب المهذب ذنب التوزيعة البايخة!!!!!!!

 

[الدليل القاطع]

انا اول ما دخلت السوق وكانت عندي أحلام وردية اني راح احقق واسوي واربح .....الخ . وصاني صديق لي ولكن اعتقد انه عدو لي هه. قالي اشتر جيزان وشريتها قبل الجمعية بثلاث اسابيع وقال انها بتوزع وتعطي وراح يرتفع لكن مع الاسف خسرت خسارة مالها اول ولاتالي وقعدت طول الفترة اللي طافت حاط ايدي على خدي وبعتها بخسارة مالاسف بالنهاية الحين ماراح ادش الا بقناعتي الشخصية واعرف شنهو السهم والازمات التي تاثر على السوق المقومات وكل شي اركز عليه ................وسلامتكم

 

[Costa Coffee]

اول خسارة لي كانت وطنية عقارية (مجموعة المخازن )....
وبعديها اسماك شريتها ب 400 وبعتها ب 380 ومن ثم بدا الفلم ....
وبعديها قلت ستوب للخسائر وبديت افكر تفكير منطقي ولله الحمد اضارب بشي بسيط جدا كل اسبوع او اسبوعين تقريبا تكة وانا مرتاح والله وانشاءالله باجر راح اخذ امتيازات على سعر 350 وراحاقطها الاربعاء على 360




وطبعا نشكر الحبيب المهذب جدا استثمرت بالمجموعه الدولية والحمدلله ربحان واتمنى الربح للجميع والبعد عن الخسائر ..

موفقين كوستا

 

[tariq9999]

السلام عليكم
انا طبعا حالي حال كثير من الشباب في البورصة اللي خسرتهم المخازن ومجموعتها مثل مع ربحتنا لكم الخسارة اكثر بكثير من الربح وبعدها اجا دور الاوبشن وخسرت في خسارة تكسر الظهر الحمد لله على كل حال وعلى الستر والصحة العافية اللهم ديمها نعمة يا الله
انا لاني خسران كثير في الاوبشن ولما شفت عنوان الموضوع حبيت ادخل واشارك واوصي اخواني انه يديروا بالهم من الاوبشن حيل حيل حيل ولا يدخلون عليه الا لما يكون في خبر قوي واكيد على السهم ولا لا تدخلون يا اخوان . انصحكم لوجه الله لانه كما تعرفون الاوبشن يتآكل زمنيا يعني كل يوم ينزل سعره سواء السهم سعره في السوق الرسمي ثابت او لا. هذا غير انه في كلام على انه الابوشن في شبهة حرام انا حبيت اذكر اللي عندي والله يا رب يوفقني ويوفقكم جميعا ويعوض علينا
موفقين

 

[chocoholik]

العربية العقارية وما ادراك ما العربية

كان يا ما كان في قديم الزمان سهم اسمه العربية العقارية واتتني توصية عليه(لابارك الله فيه من سهم) و صار اني اخذت كمية وقدرها....... ولكن قدر الله وما شاء فعل انه السوق بدء بالنزول الى ان وصلت خسارتي الوف مؤلفة الى هذا اليوم ولكن ما اقول الا الحمدلله على كل حال والله يعوض علي وعلى كل من اخذ هالسهم التعيس.

 

[wafrawi]

اماانا ف ما احب الخساير الله وكيلك كني هامور ميفرة يبلع الييمة و ينام عليها اللي اقصدة اني اصبر على السهم و اعطيه الخيط ... بس مرة واحد من الربع صج دثوي ابتاريخ مايو 2005 قالي اشتر اسمنت ام القيوين والله راح توصل 1200 ف شريت اب 560 فلس الله وكيلك و اتغرز غرازة مو طبيعية و بعتها ابخسارة 40 فلس بس بس الحمدلله المخازن الاشهر اللي طافت كانت كنها عروسه اتونسسسسسسس يوم تنزل و يوم تصعد و اشتر بالنازل و ذب بالصاعد واللهم لك الحمد

 

[المناور]

الى يبى يعرف الخساره يروح للسوق الامريكى والله اذا ربحت هذا ويهى كل ماتطقها تطلع معاك عويه جربت كل الطرق ماكو فايده

سويت عمليه شراء وبيع خلال 5 دقايق مره شفت سهم توه صاعد ببدايته قمت وطلبته اول مادرى انى دشيت فيه جان يقوم وينزل جان اقوم وابيعه بعد مانزل اول ماطلعت منه جام يقوم يرد يصعد

مره شريت سهم نازل طايح حده قلت بنطر عليه جم يوم ليم يثبت على سعر نطرته اهو ثابت على سعر معين لمده ثلاث ايام قلت خل ادش فيه يمكن يصعد والله اول مادشيت فيه جان يقوم ينزل مع انه صار له ثابت 3 ايام على السعر جان اقوم ارد ابيع بخساره

مره شريت سهم عليه عقد كبير جان اقوم واطلبه ببدايه السوق عطونى استانست جان يصعد نتفه فوق السعر الى شريته فيه جان يرد ينزل جنه مينون جان اقوم ابيع بخساره واول ماطلعت منه جان يرد يصعد

بس مره ربحت خوش ربح بعد ماطيرت كل فلوسى شريت من اسهم pk سعره على 0002 وبعته على 0008 طلعت خوش مبلغ بالصدفه طبعا مو شطاره

الأخ ابى لقمه

انت كل ماتبيع السهم يرد يصعد غريبه .........................................

بس ياليت تبلغنا بالأسهم اللى ناوى تبيعها بخساره ..... نبى انترزق الله

بالنسبه لى أكبر خساره لى

تذكرون عقد الجامبو اللى حصلت عليه المخازن هنا غلطتى حاولت اول يوم

اشترى مركز سلطان ولم أستطع كان معلق ومحد راضى يبيع

وثانى يوم نفس الحكايه .... لم أيأس واسبوع معلق

ألى أن شريت السهم 1960 ومن بعدها ارتفع 100 فلس

وبعد ذلك هات يانزول الى ان بعته قبل حوالى الشهرين 1.220

عرفت من بعد ذلك أنه من الخطأ الدخول على سهم معلق اسبوع

لأنه سيعقبه حتما نزول

ارجو ان تتجنبوا ماحصل لى وتبتعدوا عن الأسهم اللى تعلق اسبوع

وأنت تأتى فى مرحلة جنى الأرباح وتشترى السهم




بخساره

 

[سلااااااااام]

المال العقاريه

الحمدلله أولا وآخرا

المثل يقول اللي مايخسر مايربح

أنا خسرت بأسهم لكن نفس المال العقاريه مالقيت وخسارتي فيها في أقل من شهرين أربع آلاف دينار عداً ونقداً (

لكن تعلمت درس لايمكن أنساه إني ما أمشي على كلام الغير ولازم أسأل عن أي شركه قبل الدخول فيها

وأنا ماقلت قصة خسارتي عشان أحد يواسيني لكن عشان تكون درس لغيري ( السعيد من إتعظ بغيره والشقي من إتعظ بنفسه)

والله يعوضنا وإياكم جناته