متابعة تداول يوم الخميس تاريخ 2 - 4 - 2009

[nawaf454]

السلام عليكم

ماشاء الله القمية ممتازه مع عدم نسيان وقف كم شركة عن التداول

 

[البورصه مرض]

شسوي انا خذيت عمياني سئلت الرع قالول اخذ الشركه لفلانيه ولفلانيه اهما ماخذينهم على اياه الغلا وانا يعني شاطر خذيتهم وجني توهقت شركتين توقفت وابيارماخذها بنحس مقاومه مادري دعم بس يالله اذا انطر عليها 3 شهور ولا 6 شهور ماتتوقع يرتفعون اييبون سعر زين

 

[adventurer]

والله انا توني داش بالبورصه بس هم مرضت ماقمت اطلع من البيت كلا مجابل الكمبيوتر ولا الاسهم الي شريتهم كلهم وقفو لووووووووول واخر شي الي عندي كله قطيته اب ابيار خذيته اب 106 الحين قاعد واطق اصبع لوووول

اللي يعجبني فيك مع وقوف اسهمك و تدبسك بابيار مع ذلك عندك روح رياضية و تقط نكت
الله يوفقك و تطلع دبلات اللي حطيتهم

 

[البورصه مرض]

سنلت يعني سئلت الرع يعني الربع قالول يعني قالولي

 

[هاوي تداول]

يجماعه واحد ايفهمني شنو هالصفقات الضخمه شلي صار!!!!!!!!

 

[المهنـــــدس]

السلام عليكم

ماشاء الله القمية ممتازه مع عدم نسيان وقف كم شركة عن التداول

كثر منها <<<<<< فاطس من الضحك

 

[AL.MOUSAWI]

صباح الخير على الجميع

ابو النصح ........شلونك حبيبي شخبارك ......سهمك صفاة طاقة ....فتح والا للحين معلق .......اذا تبي مساعدة ماعندي مانع اذا معلق للحين وماعطاك شي أدش عليه وانت عارف الباقي

 

[البورصه مرض]

والله لفلوس تروح واتيي بس اهم شي الصحه والعافيه والضحكه والحمد الله على كل حال امورنا طيبه بس اموت واعرف الاسهم الي وقفوهم شنو مصرهم مادري هذا الي شوي معور قلبي لوووووووول

 

[Local Invetor]

القيمه 95 مليون

الشركات الموقوفه 35

 

[nawaf454]

كثر منها <<<<<< فاطس من الضحك

معلش ياباش مهندس من كثر مانى مددوده من سالفة الوطنى ووساطتهم اللى يتعذرون ان المواصلات اقطعت الخط نعنبوا دارهم حتى البقاله ماينقطع خطها بالكويت سالفه غريبه صراحه

المهم مالك بالطويله انا جمعت بين الكميه والقيمه بس تبى الصج بدليه قويه

 

[adventurer]

والله لفلوس تروح واتيي بس اهم شي الصحه والعافيه والضحكه والحمد الله على كل حال امورنا طيبه بس اموت واعرف الاسهم الي وقفوهم شنو مصرهم مادري هذا الي شوي معور قلبي لوووووووول

ان شاءالله يقدمون الب اند ال والبالانس شيت مالوتهم و يردون السوق و ينطلبون بالاعلى و تطلع فلوسك و ربح فوقهم ان شاء الله

 

[مفتاح]

شسوي انا خذيت عمياني سئلت الرع قالول اخذ الشركه لفلانيه ولفلانيه اهما ماخذينهم على اياه الغلا وانا يعني شاطر خذيتهم وجني توهقت شركتين توقفت وابيارماخذها بنحس مقاومه مادري دعم بس يالله اذا انطر عليها 3 شهور ولا 6 شهور ماتتوقع يرتفعون اييبون سعر زين

عمياني ؟ الربع ؟ اخوي هذا حلالك انت تديره مو الربع

مايدهور الناس الا يقولون السهم الفلاني رايح يروح فوق

نصيحه تعلم التحليل وتابع الاسهم وخل القرار بيدك


والله يوفقك

 

[المهنـــــدس]

معلش ياباش مهندس من كثر مانى مددوده من سالفة الوطنى ووساطتهم اللى يتعذرون ان المواصلات اقطعت الخط نعنبوا دارهم حتى البقاله ماينقطع خطها بالكويت سالفه غريبه صراحه

المهم مالك بالطويله انا جمعت بين الكميه والقيمه بس تبى الصج بدليه قويه

ههههههههههههههههههه


حيلك فيهم

اللة يوفقك ان شاء اللة

 

[Navigator]

صباح الخير على الجميع

ابو النصح ........شلونك حبيبي شخبارك ......سهمك صفاة طاقة ....فتح والا للحين معلق .......اذا تبي مساعدة ماعندي مانع اذا معلق للحين وماعطاك شي أدش عليه وانت عارف الباقي

هلا وغلا بحبيب القلب بو حسن

حاط لك مشاركه بصفحة صناعات::verymad::

واقف السهم على مقاومة 69

وان شاء الله خير

 

[nawaf454]

ابو النصح شخبارك

:d:d

 

[fahad78]

السلام عليكم
اخواني منو يعرف دانه شنو مقاومتها ودعمها؟

وجزاكم الله خير

 

[nawaf454]

أشك بالارتفاع هذا خاصه ان اغلب شركاتهم اموقفه يمكن عشان يحافظون على المؤشر

 

[المهنـــــدس]

عقارات الكويت مو معلنة انها خسرانة شلون معلقة ؟؟؟ شي غريب

 

[Navigator]

ابو النصح شخبارك

:d:d

هلا وغلا اخوي نواف

بخير عساك بخير

 

[بصير تاجر]

شباب شرايكم بكتتاب