شركة اكتتاب القابضة ش.م.ك (إكتتاب) .... 11

[pop71]

جميع الاخوان توقعات ... وما دام توقعات ... وخاصة ان سوقنا ما ينفع فيه لا علم ولا توقعات ... انا اعتقد السهم رايح دينارين ويمكن شوية أكثر .... والسموحة .

انا اتوقع السهم رايح 6 دنانير و راح ننسي ايام المخازن
و راح تكون وحدته الف سهم ، يعنى اللى شاري 40 الف سهم الحين ، راح يصير بلياردير عن قريب
و صبحكم الله بالخير

 

[Hussain A]

شدعوه شنو عندهم مصفاه نفط ههههههه

 

[سلندوح]

كأن الزميل ناصر جابها صح...

 

[Bo_Yosef]

حلم يبى حلم على قولت حسين عبد الرضى

 

[كوادر]

تم تصريف 20 مليون سهم بطريقه فنيه اليوم

 

[bo fawaz]

اعتقد بيروح الى 57

 

[أبوتوصية]

اعتقد بيروح الى 57

ليش هذا التشائم إن شاء الله راح يسكر على 70فلس

 

[ABU-MUBARAK]

للاسف السهم في انحدار اذا لم يرتد من 65 او 63 فهو في اتجاه خانه الخمسين واقل ...!

 

[حفار قبور]

إحتمال يرتد من السعر 67 فلس أو رايح لتسكير الفجوة عند 62 فلس والله أعلم ​

 

[ABU-MUBARAK]

اشكرك اخوي حفار على تحليلك للسهم التعبان ....!

 

[ولهان]

سهم تعبان والله يعين ملاكه ويعيني انشاءالله سهم الاسبوع الي فات صعوده كان طيب واليوم نشوفه قاعد ينزل وبالحد الادنى خله يجيب سعره دازه دازه استثمار فاشل لو مكتتب باي شركه يمكن واجد احسن صارله 8 شهور وخساره بعرف متى بيرتفع مو امس نزل المطر قلنا الخير جاي هالمطر هذا غسل قلوب بعض البشر بس يالله حسن الخاتمه

 

[Bo_Yosef]

الشغله محتاجه وقت يا شباب لسبووووع الطاف الكل يمدح السهم وقول فوق 100 الحين صار سهم تعبان اذكركم بعد يومين ابكلامي اذا ماطلع طلعه اقوى من القبلها ما اكون بويسف

 

[pop71]

سبحان مغير الأحوال
مثل ما قال ابو يوسف ، اللى يرد كام صفحة ورا ، راح يلاق كلام العشق و الغزل و الحب و الهيام و الغرام بالسهم
الحين : سبحان مغير الاحوال
بعد كم من يوم : سبحان من يغير و لا يتغير

 

[AZIZ77]

لا حول ولا قوة الا بالله
انتقل الى رحمة الله تعالي
سهم اكتتاب و الدفن في اسفل السافلين

 

[Bo_Yosef]

pop هذا حال السوق الناس تشتري بذونها يعني تسمع عن السهم تشتري وذا صعد قالوا سهم الذهبي وذا نزل نزلو قاع للأسف ...... المفروض كل واحد يشتري بعيونه يعني اعرف شنو شركه شنو استثماراتها راس مال اصوها + الأستناد الى التحليل الفني ....... بعدين ربعنا ماكو قناعه يعني ايله ربح يطمع ماكو جدامه هدف وذا نزل مايبيع خساره من 100 ليه 1000 لا ينطر اطير 70 % من راس ماله اطير بعدين اقول شركه تعبانه ..... سبحانه الله .... والله اني قريت موضوع عن مجوعه المدينه انها بتقود السووووووووق والحين صارت أسوأ شركه انا اقووول لو كل واحد احطلى هدف صعود بيع + نزول بيع محد يلطم اهني عموما الله اعوضكم وعوضنا وياكم لي رجاء شباب لحد يدعي على شركه او مستثمر او خصوصا محلل فني لأنا قرار البيع والشراء راجع لكم ........... انهي كلامي ابنصيحه دايما او نص ساعه من سوق خلك متفرج شوف شنو السوق بعدين تقدر تاخذ قرار السليم اموافقين

 

[فوزى بو احمد]

السهم يتعرض لموجة تصحيح السهم ممتاز صانع السوق على السهم يعوره قلبه وهوا ينزله شركات خسرانة خساير جايدة تعدت 100 فلس واكتتاب ربحان
اما الفلم اللى صاير بالسهم راح يكون له رد من الشمالى ورد قاسى :d

 

[جيزااااني]

السهم يتعرض لموجة تصحيح السهم ممتاز صانع السوق على السهم يعوره قلبه وهوا ينزله شركات خسرانة خساير جايدة تعدت 100 فلس واكتتاب ربحان
اما الفلم اللى صاير بالسهم راح يكون له رد من الشمالى ورد قاسى :d

كلامك صحيح تماما0

 

[الفاتح]

الله اعلم طيب ولحد يخاف السهم من الممكن يروح لل 63 / 64


والشي الثاني السهم راح يبين معاك شراء لانه بالحد الادني وهو يشتري من نفسه ويدخلون الناس معاه والله اعلم

هذا مجرد رئي لحد ينط ويقول يخوفنا

ولحد ياخذ بتحليلي

كل عقله براسه

السهم غدا للمراقبة اذا قلت كمية التداول بالبيع واحترم 63 ذيك الساعة

دخول غدا والي بعده يحدد السهم مساره للايام القادمة

 

[نوخذه]

قواكم الله وماقصرتوا على المتابعه

 

[بوراشد جروب]

قلتها لكم من قبل مو كل فلم يطلع لازم نصدقة يبه هو يصرف

وبكره يخم من تحت وهلم جرة المضاربة واحكامها


طبل للسهم يصعد خرع الناس ينزل وهني يطلعون الملاين مضاربـــــــــة
بــــــــــــــس

خير الكلام ما قل ودل

​