>>>>> متابعة من يرغب بتعلم التحليل الفني <<<<<

[knp]

هذه مشاركة من اخونا المهمه

 

[أبو عمر]

يعطيك العافيه يا بوسلطان
يعنى الخطوط بأنواعها فيبوناتشي وترندات وغيرها المفروض تلامس جسم الشمعه ( افتتاح واغلاق ) مو أعلى سعر وأدنى سعر ؟

 

[knp]

السلام عليكم

الله يعطيكم الصحة والعافيه

تفضلوا هذا أول شارت نشارك به ،وإن شاء الله تعالى نرفق شارتات اخرى .

​

ممتاز وشيء طيب

وين الدعم والمقاومة والقمم والقيعان والترندات والفيبوناتشي

انتظر رسمتك الحلو

 

[صوفان]

بوسلطان يعطيك العافيه وجزاك الله خير الجزاء
شارتين للمستثمرون حسب امرك ان شاء الله يكونون زينين وعساك علي القوة

 

[knp]

يعطيك العافيه يا بوسلطان
يعنى الخطوط بأنواعها بيبوناتشي وترندات وغيرها المفروض تلامس جسم الشمعه ( افتتاح واغلاق ) مو أعلى سعر وأدنى سعر ؟

لا

تلامس اعلى سعر

وتلامس ادنى سعر

بس خلهم يلامسون القاع والقمة عدل وبالشكل المطلوب

اتمنى تكون الصورة واضحه

 

[knp]

بوسلطان يعطيك العافيه وجزاك الله خير الجزاء
شارتين للمستثمرون حسب امرك ان شاء الله يكونون زينين وعساك علي القوة

ممتاز
خطوط الفيبوناتشي خلهم يلامسون ادنى شمعه واعلى شمعه عدل

يعني الملامسه تكون بالضبط

وشغلك ممتاز

 

[صوفان]

تسلم بو سلطان كلامك يخلي المعنويات تعلق فوق والعذر من الخطوط لاني استعمل تكرشات وخطوطه ما تجي علي الكيف الميتاستوك مو متعود عليه وجزاك الله خير

 

[المهمه]

بوسلطان سؤال لوتكرمت المحلل يعتمد علي عدة مؤشرات للسهم مثل سهم تم كسر مقاومه سابقه حسب الاصول بس تجد بعض المؤشرات مثل السيوله النقديه مرتفع والار سي اي فوق السبعين والمنتيم كذلك فايهم ترجح اتجاه السهم علما لاتوجد اي اخبار اومعلومه​

 

[knp]

تسلم بو سلطان كلامك يخلي المعنويات تعلق فوق والعذر من الخطوط لاني استعمل تكرشات وخطوطه ما تجي علي الكيف الميتاستوك مو متعود عليه وجزاك الله خير

عذرك معاك

وشغلك ممتاز للامانه وبهذه الدوره ما فيه مجاملات

نجاحك بالتحليل الفني والاخوان نجاح لي

بوسلطان سؤال لوتكرمت المحلل يعتمد علي عدة مؤشرات للسهم مثل سهم تم كسر مقاومه سابقه حسب الاصول بس تجد بعض المؤشرات مثل السيوله النقديه مرتفع والار سي اي فوق البعين والمنتيم كذلك فايهم ترجح اتجاه السهم علما لاتوجد اي اخبار اومعلومه​

لو تنتظر شوي

المرحله الثالثه عن المؤشرات

 

[ahmed7667]

الله بالخير ابوسلطان اليوم الدرس طافنا ياليت تحددون وقت وتفضل المستثمرون 1 و2
الاحمر ترند صاعد ونازل
الاصفر دعم ومقاومة
الازرق قمم وقيعان
وان شاء الله اوكي

 

[knp]

الله بالخير ابوسلطان اليوم الدرس طافنا ياليت تحددون وقت وتفضل المستثمرون 1 و2
الاحمر ترند صاعد ونازل
الاصفر دعم ومقاومة
الازرق قمم وقيعان
وان شاء الله اوكي

شغلك ممتاز مع وجود ملاحظه وحده بس

 

[knp]

السلام عليكم

الله يعطيكم الصحة والعافيه

تفضلوا هذا أول شارت نشارك به ،وإن شاء الله تعالى نرفق شارتات اخرى .

​

فيه ملاجظه ما انتبهت لها نبهني عليها ابو طلال

 

[TAKE-OVER]

صباح الخير يا اخواني
ملاحظه مهمه عند استخدام الفيبوناتشي
اذا استخدمت الفيبوناتشي مع ترند صاعد يجب ان تكون النسبة 100% تحت و نسبة 0% فوق
اذا استخدمت الفيبوناتشي مع ترند هابط يجب ان تكون النسبة 100% فوق و نسبة 0% تحت

 

[دعاء كميل]

مأجورين وموفقين يارب لكل خير

هذا الترند مختلط هابط وصاعد كيف نحكم عليه ...هل من نقطة البداية ؟

​

 

[ahmed7667]

كل الشكر كل الشكر كل الشكر كل الشكر كل الشكر كل الشكر
ابوسلطان وابوطلال ابوسلطان وابوطلال ابوسلطان وابوطلال

 

[The Phenomenon]

صبحك الله يالنور يابو طلال

طيب سؤال هل ينفع استخدام الفيبوناتشي للاشكال اللي تكونت حديثا سواء كانت في صعود او نزول او فيه فتره معينه بعدها نستخدم الفيبوناتشي

او بمعني اخر متي نستخدم الفيبوناتشي ؟ بعد مايتكون عندنا قمه وقاع هني نستخدم الفيبوناتشي بغض النظر عن المده !

 

[TAKE-OVER]

مأجورين وموفقين يارب لكل خير

هذا الترند مختلط هابط وصاعد كيف نحكم عليه ...هل من نقطة البداية ؟

​

اخوي دعاء
ما فيه ترند اسمه مختلط
فيه ترند صاعد و فيه ترند هابط
و احيانا تكون حركة السهم افقيه
الشارت اللي تفضلت و نزلته
فيه ترند صاعد ( حركة السهم من 116 لغاية 148 )
فيه ترند هابط ( حركة السهم من 148 لغاية 94 )

كل الشكر كل الشكر كل الشكر كل الشكر كل الشكر كل الشكر
ابوسلطان وابوطلال ابوسلطان وابوطلال ابوسلطان وابوطلال

العفو يا اخوي احمد
ما سوينا اكثر من الواجب

صبحك الله يالنور يابو طلال

طيب سؤال هل ينفع استخدام الفيبوناتشي للاشكال اللي تكونت حديثا سواء كانت في صعود او نزول او فيه فتره معينه بعدها نستخدم الفيبوناتشي

او بمعني اخر متي نستخدم الفيبوناتشي ؟ بعد مايتكون عندنا قمه وقاع هني نستخدم الفيبوناتشي بغض النظر عن المده !

صباح الورد
غالبا يتكون الترند من 10 ايام و اعلى
و افضل مده للترند هي 45 يوم
و لكن هذا لا يعني تجاهل الترندات التي تحدث اثناء حركة السهم مهما كانت مدة تكوينها

 

[Q8 Stock]

اخواني وخواتي

حاولوا ان تعتمدون على اكثر من مصدر بخصوص المواضيع اللي اخذتوها
يعني مو بس الاعتماد الكلي على الاخوان في هذا الموضوع فقط

حاول اتطور من مهارتك ... سواء بالاسهم المحلية او الخارجية
بالبحث في قوقل ... سواء عربي او انجليزي
حاول تشوف شارتات كثر ما تقدر سواء مرسوم عليها او انت تحدد نقاطها
الاكثار من قراءة الشارتات تساعد على سرعة الملاحظه والرسم بالعين مو شرط تحط خطوط
هذا كله يجي مع الوقت والاصرار والبحث المستمر

اقرأ الشارت



بالتوفيق

 

[m.h.a]

عساكم على القوة
وجزاكم الله خير

 

[knp]

فيه ملاجظه ما انتبهت لها نبهني عليها ابو طلال

اخوي دعاء لو سمحت فيه ملاحظه بالفيبوناتشي اتمنى تركز عليها