أحلى لعبة لعبتها بحياتي

[الذيبة]

لا صار ما تفهم شعوري ... ماني محرك شفتي لجل تفهم
أبيك تسهر في ظلامي ونوري ... وأبي مثل مهتم بك في تهتم
وأبيك تستحقر قرارك بشوري...وأبي انا لا قلت لك شيء قلت تم
تكره غيابي واتمنى حضوري...وتشتاق لي شوق المصلي لزمزم
بجرعك هجري وصدي وجوري... وأطلب شتاتك حتى لو كنت ملتم
يالين أغذي من عذابك غروري... وتصحى من الغفلة وتبكي وتندم
وإليا انتبهت وصرت تلمس شعوري... يمكن أحرك شفتي لجل تفهم

 

[جيزااااني]

مشغول في غيري وانا فيك مشغول


وياي واحساسي يقول انت مو لـي


صارحتني واقفيت عني وانا اقـول


ليته كذب يا ليت ما صـارح بشـي​

 

[جيزااااني]

يعني معاي شوي ومع غيري شوي


لو كنت تجبرني على شي معقـول


ما قلت لك اسف وأنا الحـل بيـدي


حتى الكلام اللي يجي منك معسـول


صرت اسمعه واقول يمكن ما هو في


مقتول في قربك واذا غبـت مقتـول


تتجدد أجراحي والاحزان هي هـي​

 

[جيزااااني]

ياقلبي لا تشره إذا الناس عافوك
لاتشتكي وتقول محد بغاني
وش ترتجي منهم إذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي مافات يرجع ثواني؟؟​

 

[جيزااااني]

ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروح ٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خليه
وقلبي انا اللي بيحترق ​

 

[شجرة العود]

ذكرتي الابيات الحلوه ونسيتي الاحلى

ياحب يادنيا جديده.........ياأحلى ابيات القصيده.............ان كان جرحي ماكفى ...بنزفلك جروح جديده ...وأ، كان شعري ماوفى بنسى الحكي وبنسى القصيده............

وين ذكرتينا فيها الله يسامحك

ومنو يقدر ينسى الإخطبوط / عبادي الجوهر​

قالوا ترى ما لك أمل في قربها لو يوم
ابعد وجنب دربها هذا هو المقسوم
قلت اتركوني واسكتوا وخلوا العتب واللوم
قدني غرقت في بحرها ولا عاد يفيد العوم​

 

[شجرة العود]

【★】☼ x.X.x ☼【★】 ( الله يذكرك بالخير)
acton
قلم حر
ريالكو (فاقدين طلتكم بالإستراحة عسى ما شر )
fabulass
kuwaitey
بنوتهـ كيوتـ
Winchester SX3
NoOoOoR
ابو عبير
دنياء غريبه
sweet_laila
bo fawaz
تفائلوا بالخير (فاقدين طلتكم بالإستراحة عسى ما شر )
Dr-Q80
alanzi
دعله (فاقدين طلتكم بالإستراحة عسى ما شر )
Shima
وافى الوافى (فاقدين طلتكم بالإستراحة عسى ما شر )
على نياتي (فاقدين طلتكم بالإستراحة عسى ما شر )
خالـــــد
hamad2
السوق توافيق
maha_1980
الروض (فاقدين طلتكم بالإستراحة عسى ما شر )
azooooz1
sjl71 (فاقدين طلتكم بالإستراحة عسى ما شر )
NICK
MOHAMMED11
جيزااااني
الذيبة
كلكم من القلب شاكرة لكم تفاعلكم​

 

[الذيبة]

كل مافي الارض ينذر بالمفارق والغياب
اللقا والشمس وحروف الرسايل والقبور
وش بقى يوم اكتشفت إن آخر الدرب السراب
والبحر دمع للسواحل هاجرت عنها الطيور​

 

[شجرة العود]

رميت أقداري في دربك وصرتي في عروقي الدم
أحبك كثر ما سالت دموع ومانسى ناسي
يجول الحزن في ضلوعي بردت وذاب فيني العظم
وياكثر الحطب حولي وعندك انكسر فاسي​

 

[NICK]

ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه

 

[شجرة العود]

هو انا أخطيت
هو بقى في الي بيجي يا ليت
مات إجاباتي
قالتلي مليت​

 

[الذيبة]

مأجور يلي من غيابك تعلمت ... إن الزمن يومين طيب وخيب,,,
فجائتني بمفارقك ما تولمت ... كذا بدون اسباب عني تغيب,,,
ما مت من فرقاك لكن! تألمت ... وشيبت بي يا صاحبي قبل اشيب ,,,
أضحك واسولف وإن لحقني سهر نمت ... لكن قسم بالله ماني بطيب ,,,

 

[شجرة العود]

بكيت بيوم فرقاها تقل بين الحنايا نار
وكني فاقد الدنيا ولاني قادر اتصبر

أبتاأسف أنا لقلبي عسي يتقبل الأعذار
لأني صدق ذليته وعذري حيل متأخر​

 

[الذيبة]

لا

لاتعتذر والعذر مرات دمه ثقيل ,,,
وش ينفع العذر لا راحت سنيني ذهاب ,,,
الجرح فالقلب يثبت مثل شمخ النخيل ,,,
ويبقى ولو طالت سنين الجفا والعتاب ,,,​

 

[NICK]

هلا الذيبه ماشالله اختيارج دايم حلو ..
بس ترى لازم تبيدين باخير حرف من البيت الي قبلك مثلا انت اخر حرف من مشاركتك ب


بغيت اطيح وسهل الله ولاطحت...وبديت خطوه...خطوه وجيت لرضاك
وكتبت لك نص القضيه وصرحت....اني على عهد الهوى واتحراك

 

[جيزااااني]

كنوز الغرام .... فيها غزيرة
أنا أمير ...
الجزيرة
وهي لحبي ...
وزيرة
وتبدا ... سواليفنا
مع كل حرف ..
من المطر ... قطرة
تغازلها
من الندى ... قطرة
حتى .....
...... تغرق الجزيرة

 

[شجرة العود]

تخيلتك دواي وصرت جرحي الصعب يا خلي​

 

[NICK]

يمكن اكون أعز انسان بعيونك.....بس انت والله كل الناس بعيوني

 

[شجرة العود]

يا آخر الحب ذقت الحب في اولك
ويا اول الشوق اقصى الشوق ما ينتهيك​

 

[NICK]

كانها الفرقى طلبتك حاجتين ....لاتخبرني ولا تكذب علي



للرائع بدر بن عبدالمحسن