انا بعرف اللي يتكلم عن اقتصاد بلد .. وان الموضوع منفصل جدا عن قروض المواطنين
يالفالح ويالفاهم بالاقتصاد ماتعلمني اقتصاد الكويت على شنو ؟ !
على مصانع وانتاج منها .؟
او زراعه ونصدرها ؟
او علم ؟ واستشارات نعرضها على الشركات الاجنبية ؟
بعد طرح فكرت شراء ( شــــــــــــــــــــــــــــــــراء ) مديونية المواطنين كثروا الكاسكوات في الديرة .
شركة .. تفرخ من الشركات الوهميه وراعيها واحد ...تبونه يعيدون ديون شركاته بدون فوائد ؟؟!!!! بالملايين . وهو شخص واحد !!!!!
و 100 فرد يعيلون اسر مديونيتهم ماتتعدى ربع دين شركة يملكها شخص واحد .
هذا الابتلاء كان لما يعارضون اسقاط الفوائد الربوية عن المواطنين ..بحجة مافيها عدل ومساواة والان من ذنوبهم الله ابتلاهم في شركاتهم ... ونبي نشوف العدل والمساواة .. ^_^
واللي معارض ويقول انا مطلوب ومديون ومعارض اسقاط القرووض .اقول بسك جذب وخاف ربك صاير لي ضمير الكويت الحين ومن ضميرك الحي راح يتعلمون الولاء والحفاظ على المال العام .
اقرأ القانون لشراء المديونية ..وراح تعرف ان ولا دينار راح يؤخذ من المال العام .
اما
دعم الشركات راح يؤخذ من المال العام ... لأنها شركات وهميه حتى كرسي بسوق الصفافير ماعندها وتبيها يطيحون عليها فوائد تقدر بمليون دينار ؟؟؟؟ !!!
الكويتيــــــــــــــــــــــــــــــــــــــــــــــــون حسد الا مارحم ربي ..
انت الحين ضد اسقاط ديون الشركات بالأسباب الي ذكرتها اعلاه
و أنا مع بهذه النقطه
و ضدك بإسقاط ديون المواطنين و هذه أسباب و حلولي بحكم خبرتي البنكيه
عميل ماخذ من التمويل 15000 و مع الارباح 20000 و أخذ سياره
عميل ماخذ من الوطني 15000 و مع الفوائد 19000 و أخذ سياره و سفره و لعب بالباجي
عميل أخذ 70000 من التمويل و بنا بيت و مع الارباح 130000
عميل أخذ 70000 من الوطني و بنا بيت و مع الفوائد اللي تراكمت 150000
عميل مكافح و قاعد يجمع للمستقبل
إنت تبي الحكومه تطيح عنهم كلهم !! و تترك المكافح !! لا يبا هذا لاهو عدل ولا مساواه ولا منطق ولا إسلامي ولا يمت للحق بصله
تبي تصلح ؟؟ إصلح القوانين وليس شراء الديون أو إسقاط الفوائد
قانون 1 : على البنوك التقليديه الإلتزام بسعر فائده ثابت عند توقيع العميل للقرض وا ترتفع عند إرتفاع الفائده أو تنخفض عند نزولها
هذا يحمي المقترضين من البنوك التقليديه
قانون 2 : لا يسمح للعميل بإن يجدول قرضه الا بعد مرور سنه كامله على قرضه الحالي أو يأخذ موافقه المركزي لذلك
عشان لا يلعبون العالم
قانون 3 : عند شراء العميل سياره بنظام الأقساط عليه أن يدفع 33% من قيمتها مقدم
لأنه الجهال ما عندهم عقل الا بالقز و الفراره و الكشخه عالفاضي (طبعا موالكل) بس هذا لازم عشان كلن يمد ريله على قد لحافه.. مو الا كايين و رنج !!
قانون 4 : الأقساط لا تتعدى 40% للموظف و المتقاعد (حاليا 30% للمتقاعد)
قانون 5 : لا يسمح للقاصر بأخذ قرض يتعدى 5000
توه متوظف طاقله 20000 و يفتر عالحب !!
هذي نظرتي بحكم إني كنت موظف بنك و شفت العالم شلون تلعب و قله لها سبب مقنع
لهذا أنا ضد إسقاط أو شراء المديونيات للمواطنين و حلولي أظن مناسبه للوضع الراهن