صدور حكم جديد ضد البنك الوطنى

[ابو بـدر]

عندي سؤال لما يصدر حكم على بنك هل الدوريه تقول حق راعي البنك اصفط يمين ويشيك على الكمبيوتر ؟ ولا بس احنا نصفط على اليمين ونعامل معامله المشبوهين ؟واحنا ماعلينا احكام ؟

على حسب لون دمك شلون قايل ...

 

[m.h.a]

على عيني وراسي الهيئات الشرعية
بس أيضا لاننسى ان في هيئات شرعية في بنوك ربوية ومنها الوطني والتجاري وبعضهم من نفس علماء الهيئة الموجودين عند بيت التمويل وبوبيان
بعدين لاتزعلون ياجماعة من هالكلمة

اذا الله حاسبنا بنقول ان على ذمتهم
شنو ماعندنا عقول احنا؟ مايصير نقط كل شي على ذمم الشركات الاخرى المتأسلمة هذا غلط كبير

اخوي ممكن اسماء اعضاء الهيئه الشرعية للبنك الوطني

 

[ha101061]

ياجماعة انتوا شطيتوا عن أصل الموضوع , الموضوع هو كسب الأخ منقاش القضية ضد البنك الوطني , أما الدخول على موضوع بنوك ربوية أو غير ربوية يحتاج موضوع منفصل للنقاش فيه ,
الحين ترى منقاش يطيح طيارتكم ويأسركم , خلونا أولا نستفيد من منقاش بعض المعلومات , مثل متى رفع القضية , بمحامي أو لا , شكثر طولت , هل الحكم ابتدائي لو نهائي , في استئناف لو لا , وكثير من الأسئلة الأخرى منكم علشان نسفيد ,

ولا تزعلون مني , وشكرا

 

[خالد ك]

على البركة ....

 

[Winchester SX3]

اخوي ممكن اسماء اعضاء الهيئه الشرعية للبنك الوطني

واحد منهم المذكور

 

[منقاش]

ياجماعة البنك استانف الحكم وحدد لنا جلسة بتاريخ 18-3-3009

ادعو لنا ان الله ينصرنا عليهم ويثبت الحكم

 

[finaltouch]

واحد منهم المذكور

اخوى رجاءا لاتتكلم وتذكر اسماء اشخاص ومشايخ وانت ماتعرف شى عنهم .......( اتصل فيه وتاكد بارك الله فيك - .... )

وين موقع هيئة الفتوى
http://www.nbk.com/ARABIC/default.htm

والله يوفقك ويكون فى عونك اخوى منقاش ​

 

[stock-broker]

مادري شنو الفرق بين المرابحة والفايدة
نفس النسبة ولا انا غلطان

اثنينهم خاضعين للفايدة الي يقرها البنك المركزي

تغير اسماء ---- العيد الوطني ----- اليوم الوطني
فايده -----------------------مرابحه

 

[Abu 3ali]

عطوني اسم بنك واحد بالكويت اسلامي
للاسف ماكو والبنوك اللي تسمونها ربوية عطوني دليل واحد قاطع انها ربوية مثل ماتقولون ياجماعة لاتحطون بذمتكم ثلاث ارباع الكويت في هالبنوك ومعاشاتكم بعد تنزل عن طريق هالبنوك يعني معناة هالكلام ان الكويت كلها رايحة جهنم

أخي الكريم
لازم اول شي نعرف شينو الربا
الربا بالشرع هو "زيادة معلومة في المال مقابل الأجل"
شينو يعني
يعني لو أنا قلتلك عطني الف دينار بشتغل فيهم شهر... وبعطيك الف وامية...
هذا هو الربا...
يعني 100 دينار زيادة في شهر..... معروفة مقدما بغض النظر اذا انا ربحت او خسرت......
فكل البنوك التقليدية (الربوية) اتسوي هالشي...
يا تقرضك... بفائدة معلومة مسبقا... واذا زادت المدة زادت الفايدة

أو

انت تقرضها (فتح حسابات وودائع).. وتعلم نسبة الربح مسبقة

اما البنوك الاسلامية في الكويت موجودة مثل بيت التمويل... وبوبيان..

زين - بتقول - لما اروح اشتري سيارة من بيت التمويل يقولي انا شاريخا 1000 وببيعها عليك 1100...... نفس الشي
لا...... انتبه - مو نفس الشي
أول شي بيت التمويل ما قاعد يعطيك فلوس... قاعد يعطيك سيارة....
بتقولي السيارة فلوس... صح ..قال تعالي "وأحل الله البيع وحرم الربا".
ثانيا البينك الاسلامي - اذا تأخرت بالسداد ما يزيد عليك المبلغ
ان شاء الله الفكرة اتكون واضحة