تشارتات على موجات اليوت ( الجزء الثاني ) ..

[Bo_jassim]

طبعا مثل ماتفضل اخوي انج الفيبو بروجكشن يعطيك 4500 كنهاية للموجه أ والاختيار الاخير اهو ان يكون نهاية الموجه 3 هي الي اتقسم الموجات ويطلعلنه اقل من 4500 .
طبعا اي هدف من هذيل هو النهايه ؟ راح انعرف لما ينزل السوق ويعطينا موجات ازياده راح ينكشف الهدف.

الفيبو بروجكشن يعطيك الاهداف بطريقه ممتازه وقبل لا اتشكل الموجات وهذي ميزته اهو يعطي الاهداف. الطريق الي وضحته بالشارت ماتفيد الا بعد تشكل الموجات ومعرفة نهاية الثالثه او الرابعه
بس استعمال الاثنين بعد تشكل ال 3 و 4 شي جميل عشان يعطيك شعور وين نهاية الموجه
حاليا مثل ماوضحو بوبشير والريان واخونا انج وحسب ترقيمك يا اخوي الشامري للحين على نهاية الموجه أ.

 

[Bo_jassim]

لاحظ في سهم البنك الدولي الي ان نهاية الموجه الثالثه اهي الي قسمة الموجات وليست نهاية الرابعه.
طبعا في هذي الحاله حتى البرجكشن عطاني نفس الاهداف وكان شي جميل
اتمنى ان اوضحت الصوره

 

[Bo_jassim]

يعني ما غلطت لما عزمتك على المطعم الهندي اللي ورا الجمعيه !!!!!!!

الريوق اكيد مو في فيلا فيروز
بس انت الصبح نايم شمقعدك الحين ::verymad::
لو ادري جان خليتك تعزمني طبعا اذا شريت سمبوسه لازم جنك ماتدري اتمر تاخذ آش من الي يمه

 

[Bo_jassim]

يا جماعه لما اقول نهاية التصحيح قصدي بس الموجه أ وبعدين ان شاء الله اتبين الامور.

 

[Mr. Eng.]

بو محمد إسمحلي على المداخلة....يمكن ما قدرت أوضح الصورة....من قوانين موجات اليوت إذا كان الإمتداد بالموجة 5 فهنا تحسب طول الموجة 5 161.8من بداية 1 إلى نهاية 3 ...في هذه الحالة فقط تقارن الموجة 5 بالموجة 3 +1 ...أما غير هذا الوضع فالموجة 5 فقط تقارن بالموجهة 1

و هذه القوانين المتعلقة بالموجة 5 impulse حتى يستفيد منها الجميع

يعطيكم العافيه , اخوي الشامري مثل ما تفضل اخوي سوات
البرسينتج حقيقه اني ما استعملها ولكن اذا كنت تبي تحتسب هدف الموجه الخامسه وانت متأكد ان الترقيم الي تفضلو فيه الاخوان بوبشير و الريان وحظرتك صحيح تستعمل الفيبو ريتريسمينت وتخلي النسبه 61.8 على نهاية الموجه 3 أو نهاية الموجه 4
هذا الطريقه تكون صحيحه في حالة الامتداد كان في الموجه الثالثه
أما اذا كان الامتداد بالموجه الخامسه تستعمل نفس الطريقه ولكن النسبه تكون 38.2 .
طبعا اذا طبقت العمليه راح تلقى هدف نهاية التصحيح 4800 هذا اذا استعملت نهاية الموجه 4 كموجه راح تقسم الموجات ان شاء الله راح ارفع الشارت تحت اموضح فيه العمليه.
اتمنى الميتا مو خايره وياي عندي مشكله بالسيمي لوج بس طبق نفس الحركه وياك وراح تلقى نفس الرقم ان شاء الله

طبعا هذا السيناريو فقط صحيح اذا كا الترقيم صحيح ودام ان بوبشير رقم جذي بعد فا ان شاء الله يكون مضبوط
أما بالنسبه للهدف عمليته بسيطه الوقت ان شاء الله راح ابين وفي أكثر من طريقه أتأكد فيها اذا كان الهدف صحيح ولا لا واذا كان نهاية الموجه 4 او مثل ما تفضلا اخوي سوات نهاية الموجه 3 اهي الي راح تقسم الموجات على نسبة 61.8

هناك فرق بين أهداف الموجه الخامسه و الموجه الخامسه الممتده
أتمنى إنا ما ندخل بحسبة الموجه الممتده
هذي أهداف الموجه الخامسه و الخامسه المتده​

 

[Mr. Eng.]

البرجكشن حلو بس والله يا انج حق اهداف الخامسه ارتاح حق البرسيتنج اكثر ومادري اذا كانت هل طريقه نفس الي يقصدها بوبشير ولا لا.

البيرسنتج اللي يقصده بو بشير شي ثاني و هو تبدي تراقبه لمن تصير الموجه الخامسه ممتده و تعدي ال 161% من مجموع طول 1 + 3
بالتالي راح تحافظ على نسبة ال 161% لكن بطرقه تختلف​

 

[Bo_jassim]

البيرسنتج اللي يقصده بو بشير شي ثاني و هو تبدي تراقبه لمن تصير الموجه الخامسه ممتده و تعدي ال 161% من مجموع طول 1 + 3
بالتالي راح تحافظ على نسبة ال 161% لكن بطرقه تختلف​

اهاااا انزين يا انج حتى لو كانت الموجه الخامسه ممتده نقدر نستعمل النسبة 38 ونحطها على الموجه 3 او نهاية الرابعه ونفس الشي راح يعطيك الهدف طبعا هل اشكال يحله لنا بوبشر انشاء الله اذا فضى.
بس الفكره ان طول الموجه لايمكن ان يعدي هل نسبتين 61 او 38 هل نسبتين + نهاية الموجه الثالثه او الرابعه يعطيك الهدف جرب حطهم على اي موجه كامله وراح تلقى يعطيك الهدف.

 

[Bo_jassim]

يا جماعه فهمتو قصدي ولا لأ ؟

 

[الشامري]

بارك الله فيكم يا شباب

ملاحظاتكم كانت مثرية ونقاشكم هادف وهو الأمر الذي نريد أن نحافظ عليه في المنتدى

بارك الله فيك أخوي الشامري،،،

كأني و الله العالم أرى ان تحليلك رقم 3 مو صحيح لأن الموجة الفرعية b اكسرت قاع الموجة الفرعية و الرئيسية رقم 5، يفيدنا فيها الأليتاوي بو بشير.

و تكفى لا تقاطعنا، ولهنا عليك يالحبيب

هلا بك بو خالد

أعلم أنها تعدت القاع، حطيت السيناريو متصورا أن المؤجة قد تكون إما expanded flat أو running flat أو running triangle

لكن إلى الآن ماعندي أي دليل

بس فيه شغلة حاب أنبه عليها

ودي لو تشوفون السوق على الويكلي، بإليوت أو بدونه

 

[Mr. Eng.]

بارك الله فيكم يا شباب

ملاحظاتكم كانت مثرية ونقاشكم هادف وهو الأمر الذي نريد أن نحافظ عليه في المنتدى




هلا بك بو خالد

أعلم أنها تعدت القاع، حطيت السيناريو متصورا أن المؤجة قد تكون إما expanded flat أو running flat أو running triangle

لكن إلى الآن ماعندي أي دليل

بس فيه شغلة حاب أنبه عليها

ودي لو تشوفون السوق على الويكلي، بإليوت أو بدونه

على الويكلي قطاع البنوك و الوزني ممتازين خصوصا مؤشر ال rsi ‎‏ لقطاع البنوك و رفعت تشارت للموشر بموضوع قطاع البنوك و راح ارفع الموضوع

 

[UNIX]

بارك الله فيكم يا شباب

ملاحظاتكم كانت مثرية ونقاشكم هادف وهو الأمر الذي نريد أن نحافظ عليه في المنتدى




هلا بك بو خالد

أعلم أنها تعدت القاع، حطيت السيناريو متصورا أن المؤجة قد تكون إما expanded flat أو running flat أو running triangle

لكن إلى الآن ماعندي أي دليل

بس فيه شغلة حاب أنبه عليها

ودي لو تشوفون السوق على الويكلي، بإليوت أو بدونه

هلا و الله، بالنسبة للقوانين لما الحين ما حفظتها، بس ليش متصور ان السوق مسوي running flat أو expanded flat؟؟ الحين احنا السعري مسوي ZIGZAG و أتمنى انه ما ندخل RUNNING TRIANGLE،

ما شاء الله عليك انت مطلع و ما يفيدك بالأمور الدسمة هذي الى بو بشير الله يسلمه،

بشرنا عنك شنو اخر المستجدات عندك ؟؟

 

[الشامري]

على الويكلي قطاع البنوك و الوزني ممتازين خصوصا مؤشر ال rsi ‎‏ لقطاع البنوك و رفعت تشارت للموشر بموضوع قطاع البنوك و راح ارفع الموضوع

قواك الله، وهم شوف السعري

هلا و الله، بالنسبة للقوانين لما الحين ما حفظتها، بس ليش متصور ان السوق مسوي running flat أو expanded flat؟؟ الحين احنا السعري مسوي zigzag و أتمنى انه ما ندخل running triangle،

ما شاء الله عليك انت مطلع و ما يفيدك بالأمور الدسمة هذي الى بو بشير الله يسلمه،

بشرنا عنك شنو اخر المستجدات عندك ؟؟

لأن شكلها حتى الآن موجة ثلاثية، ولو كانت نهاية الموجة الثالثة من الخامسة أو الخامسة من الخامسة عند مستوى 6450 نقطة ما أتوقع يكون لها حل إلا هالحل

ولو إن في أمور شوي أعدها مو واضحة في كتاب برختر، لو تطل في كتابي تلاقي الحواشي متروسة علامات استفهام وتساؤلات

منها إني فهمت إن لايمكن أن يكون هنالك امتداد في أكثر من موجة في الإمبلس

بينما الواقع يقول عكس ذلك، وكذلك بو بشير أكد على هذه النقطة، وهو ينتمي لمدرسة برختر.

يمكن أكون أنا فهمت غلط

على كل حال الجانب النظري سهل جدا في النظرية لكن الجانب التطبيقي يجب أن يحوز على أكثر من 70% تجاه اتقانها
((وهو رأيي منذ القدم))

.......................

أما الجديد فأنا حاليا شغال على بوصلة، بس إن شاء الله ما تخوره وياي

وأنا أذكر إني كلمتك عنها بالتلفون، بس هم يبيلها شرح عملي، متى ما سويت دراستي عليها بالكامل لفترات ما قبل الأزمة راح أنشر فيها بحث بإذن الله.

 

[Mr. Eng.]

إن شاء الله راح أشوف السعري
بإنتظار الدراسه
شنو موضوع الدراسه؟

 

[الشامري]

إن شاء الله راح أشوف السعري
بإنتظار الدراسه
شنو موضوع الدراسه؟

الدراسة لها علاقة في توقيت السوق وسلوكه الزمني أثناء الأزمة


دورة زمنية تتكرر على الديلي، تكرر نفسها في الويكلي، ولم يتم إثباتها على المنثلي

كلها كم شهر وتثبت صحتها من بطلانها، ويمكن أقرب مما تتصور

 

[splendid]

صبحك الله بالخير عطنا تر قيمك يا ابو بشير خلنا نكل عيونا بشارتاتك

صبحك الله بالنور يا بو سعد ,, وآسف جدا جدا على التاخير ,,,

تفضل تشارت الوزني ,, اتوقع قاعد يتشكل مثلث في هالمنطقه ..!!

شنو رايك انت مع الشباب ؟؟؟

 

[splendid]

يعطيك العافيه ميكانيكي اعتقد بيتك المفروض ما يطوف 1.300 اذا كان ترقيمي صحيح ونشوف راي بوبشير ضروري والشباب

شغلك مضبوط الله يعطيك العافيه ,,

فكر في شكل مثلث للموجه الرابعه ,,

وفي حالة تعدى السعر 1.300 معناتها الموجه iv ما انتهت ممكن يكون الترقيم بالطريقه هذي والله اعلم

ماشي الحال ,,لكن الاهم انه اذا كسر 1300 فلس ,,لا يصعد ويعمل تداخل

مع الموجه الاولى ,,

لانك بهالحاله لازم تعيد النظر في الترقيم كله ..

الله يعطيك العافيه ...

 

[Bo_jassim]

انا اشوف الوزني مثل ماتفضلت ان شاء الله مثلث بس بنك برقان بوبشير جني امسوي زيجزاج متأخر عنهم
على العموم ننتظر ونشوف شنو في
واذا كان صج مثلث مثل ما تفضلت الاحد والاثنين تتضح الصوره ان شاء الله

 

[Bo_jassim]

ويرد بوجاسم على الجباتي والسمبوسه

 

[kaifani]

ويرد بوجاسم على الجباتي والسمبوسه

و يحلي بكاكاو بو نجوم و كوكتيل !!!!!!!!!!!!

 

[Bo_jassim]

و يحلي بكاكاو بو نجوم و كوكتيل !!!!!!!!!!!!:d:d:d

انت صاير صباحي خلاص عيل الوعد باجر عند مال السمبوسه :d