السلام عليكم
اشلونك بورشي شخبارك الله يوفق الجميع اليوم قطاع البنوك صارله فتره تداوله مو عاجبني بشوف محفظتي الملياريه ارفهم لكم اليوم
يسلمو
وعليكم السلام, هلا بوعلي
وناسه صار اسمي بورشي
لا لا لاتدخل محفظتك ولا شي, عندنا محمد علي كلاي اهو بخبرته راح يرفع لنا المؤشر
حجي حالياُ اعتمد على البيع السريع, شراء وبس تربح بيع, واقتنص (شرايك فيها؟) الفرص بسرعه
حالياُ انا مادري اذا احنا في الموجه الرابعه ام الموجة ب
الإخوان ومنهم اخوي الحبيب بوجاسم, عطاني شروط الموجه ب, وطبعاُ كثير من الأمور تبين ان الموجه ب احنا مو فيها حالياُ
مختصر كلامي, حالياُ اعتمد على الشراء والبيع السريع, ولاتستثمر الا مع الموجه ب, إلي ان شاء الله هي على بعد جم شهر, وراح ننبه عنها ان شاء الله
يعني الوطني ممكن تحصله تحت الدينار مره ثانيه اذا احنا مو بالموجه ب, وبعدها عاد استثمر إلى نهاية الموجة ب, وانحاش من الموجه C لأنها خراب بيوت مره ثانيه
والله يا بورش بيتك اول سهم شلع بذات في قطاع البنوك وطبعا وصل هدفه وداس ابريك والسوق كله تم يصعد فتره ماعدا بيتك .حاليا انلاحظ ان بيتك كع ومثل ماوضحت تكلمت عن مقاومته ودعمه.
واتوقع السهم في حالة ان التصحيح موجه a ماخلص (ماشوف شر انا اذا خلص ليش مو شاري
) على قولتك السهم حدى مايشوف شر والهبوط راح ياخذه لي نص سعره الحالي
تقريبا بعدها انشوف ارتداد اسر القلب هذا اذا صج ماخلصنه A
هذا السهم انا حاط عليه X للإستثمار الحالي (خوش اسم شركه
), ادخل عليه واطلع 20 فلس ربح وامشي, انسى استثمر فيه الحين
تذكر اول ماشلع, اقولك لاتبيع, وانت يالردي بعت
بورش يا اترد لكويت يا تخليني اييك امريكا
من امه انت تييلي امريكا
شييبني حق الغبار, شحلاته النسيم العليل عندي والمطره الخفيفه
الظاهر اشتقت حق نيويورك بوجاسم هاااا ؟ اعترف !!
صباح الخير بوجوري الله يعطيك الف عافية ويرزقك من اوسع ابوابه نبي منك تحليل حق سهم بوبيان انت قلت انه سكر على الدعم 385 يعني اذا كسره اليوم اثناء التداول ولا بعد التداول نقطه باكر وشنهو مقاومته الحاليه وياريت تحطلنا واحد من شارتاتك الحلوه اللي تبين لنا موقع بوبيان من الاعراب
صباح النور والسرور والجوري
اول شي مشكور على هالدعوه الطيبه ياخوي
الدعم نعم ان شاء الله 385, الدعم الثاني والقوي يكون على 360 فلس اذا كسره ممكن يروح 300 فلس عادي
فأنت تدري اذا تبيع ولا لا اذا كسر ال 360
السهم مازال الهدف له 460 ولم يلغى الهدف لأن الترند باللون الأخضر لم ينكسر
اليوم الدعم 375 ان شاء الله من بعد الدعم 385, والمقاومات 400 - 425 - 460