هالسهم ما شالله عليه السفن ودي اسولف عنه مره يمكن يفج النحس عنه
وببرد حرتي فيه .............
حركته ولا السلحفه يلوع الجبد وان صعد نزل ليم يخسر كل الي صعده وبزياده
عقود تنزل عليه بالملايين وهو هو ..محلك سر
يعشق السهم سعر ال 400 فلس ..يعني وين ما ياعد عن هالسعر لازم يرجعله
ربحية سهمه للربع الثاني فظيييع شي غير متوقع وهو = نفس تقريبا نسبة السهم العام الفائت
نسبة النمو عن السنه الي طافت خيالي ان كلش كلش 10 % بس طبعا من جم فلس يعني من 12 فلس ليم 14 فلس ( مبروك الفلسين )
ان صعد السوق سوى روحه ما يدري عنه ويطنشك
سهم غير طبيعي تشوفه دائما الربع الاول اعلى من الربع الثاني بكيفه ( مصدق عمره انه لازم بس بالصيف ينشط ، علباله صج سفن وبحر وعفسه)
سهم فظيع ياخذ عقود حلوه ... بس ما ادري عنه شكله يخسر فيهم او كلش كلش يوزع الربح عمولات ويطلع بجم فلس
السفن بعد هالطفره والانتعاش الاقتصادي ان ما صعد .... انصح يستغلونه في برنامج الغوص السنوي الي يقيمه النادي البحري
هالسهم احسن وجوده بالبورصه تكملة عدد مثل بعض نواب مجلس الامه