المؤشر الى 5600

[نصار]

هلا واللة بالخلورى ( ياأخى ارتاح لما القى اسمك ماأدرى ليش )

ومشكور على التعقيب .

 

[نصار]

الظتهر آنا يبيلى مترجم بعد

للتصحيح السق = السوق

اشوا لحقت عليها قبل ابو المنتصر .

 

[الخلوري]

وانت يا بونصار عزيز علي وتذكرني بصديق عزيز اسمه بونصار ومن اليوم راح يكون اسمك بالنسبة لي بونصار ارجو ان تقبل الاسم

الخلوري

 

[نصار]

غالى والطلب رخيص بو نصار بو نصار يا بو الخلورى

 

[الخلوري]

بما ان المؤشر كسر حاجز 5358 واذا ما واصل السوق ارتفاعه وبزيادة القيمة فابشروا خيرا اعتبارا من السبت

الخلوري

 

[نصار]

كلام سليم اخوى الخلورى , الاسبوع القادم السوق مدعوم ان شاء اللة

لكن القيمة اليوم 49 مليون بالامس كانت افضل , السوق يطمن اكثر اذا ارتفعت

القيمة , ان شاء اللة السبت .

 

[bu3zoz]

بسم الله الرحمن الرحيم

الاسبوع القادم سوف تتدفق الاموال الفائضة عن عمليات الاكتتاب فى البنك الاسلامى فى سوق الكويت للاوراق الماليه وعتقد راح يشهد السوق نشاط ملحوظ

ولكن دائما كبار المستثمرين والصناديق يسبقون الاحداث لكى يفوتوا الفرصه على صغار المستثمرين وعتقد السوق باكر راح يكون فى صعود

ويوم الاربعاء صعود كبير ان شاء الله راح يكسر الحاجز النفسى 5400 والله اعلم ويرزقنا وياكم الرزق الحلال

 

[يوسف غضنفري]

عجيب امر هذا السوق

عجيب امر هذا السوق ... احس انه بليد ومجرد من الاحاسيس .. يا اخي .. على الصفقات الكبيرة وارباح الشركات والعقود اللي الشركات ما كانت تحلم فيها .. نشوف السوق نازل .. يعني ابي افهم اللي معشعشين بالصناديق والمحفظات ما تعجبهم الاخبار الحلوه من الشركات ؟؟؟ ولا هم نايمين ؟؟ او انه شافو صغار المستثمرين قاعدين يجارونهم بالسوق ومو محصلين على الاسعار اللي يبونها لذلك مو راضين يحركون السوق ...

في البورصة الامريكية لو مدير الشركة يكح تلقى السهم طاير فوق وعندنا لو المدير يزوع ارباح تتعدي 200% تلقى السهم طاير تحت

تري شبعنا من كلمة تصحيح .. واللي قاعد يصير شي مو طبيعي ولا صحي للسوق .. اذا ما تتدخل الهيئة العامة للاستثمارات اللي لها اموال في الصناديق وتقرص اذاني مدراء الصناديق ( وتنفذ تحذيرها بسحب اموالها اذا لم يكن ادائها جيد ..ولا شنو التفسير الموضوعي والفني للي قاعد يصير بالسوق ..

ولا شرايكم يا اخوان؟؟؟؟؟

 

[bu3zoz]

بسم الله الرحمن الرحيم

اخوى غضنفري دائما سوق الكويت يخالف التوقعات بس الى حصل هو تصحيح عادى لصعود استمر اكثر من اسبوعين

او بالعكس التصحيح صحى جدا للسوق وخلال الايام الجايه راح اتشوف السوق فوق ان شاء الله بس اهم شى صحتك او لاتعصب

او بالنسبه للمؤشر لازم يكسر حاجز 5400 عن قريب وذالك بسبب العوامل الايجابيه الكثيره للسوق والله اعلم ويرزقنا وياكم الرزق الحلال

 

[تاجر الخليج]

الجماعه عصبوا على وزير التجاره الي خسرهم ملايين بسبب عدم السماح لهم بالاكتتاب

شكلهم ناوين ايغثون السوق

 

[يوسف غضنفري]

بو عزوز

احنا نسمع بالتصحيح وامنا بالله .... بس حسب علمي ان فترة التصحيح تكون بعد صعود قوي ومبالغ فيه .. البورصة صار لها كم شهر ماكو نفس تقول فيها ربو مزمن .. بعد شنو يصححون فيه ... بس عشان الصعود المتواضع قبل كم يوم ؟؟ وهذا تسميه صعود في ظل اداء المتميز للشركات !!!!

يعني انا ما اشوف اي ظروف او مبررات تخلي السوق ينزل بهذا الشكل .. وان صعد يصعد على مستحى .. وهذا يدلل على ان النزول متعمد ومقصود .

السوق الكويتي صغير ومن السهل التحكم فيه غير عن باقي الاسواق .. واسمحولي اشبه البورصة بالقرقور .. يجمعون اكبر قدر من صغار المستثمرين ويتحكمون في اعصابهم .. صعدوا سهم تشوف الكل ركض ورا السهم وشراه .. باعوا السهم تشوف الكل ركض وباع السهم .. وتلقاهم يحطون كم واحد بالسوق مسوي روحه الخبير وينشر الاخبار المغلوطة بهدف تحريك المستثمرين اللي قاعدين بالبورصة .. ناهيك عن العنصر النسائي اللي ذكرته في موضوع سابق بان لهم الدور في تحريك السوق يقولون لهم بيعوا السهم باعوه .. اشتروا السهم شروه .. وحنا نشوف الطلبات تصعد مرة وحده على بالنا الكبار قاعدين يتحركون .. يعني في حلقة مفقودة ..

والدليل على انهم يبونا نقعد بالبورصة . هو جعل التداول داخل البورصة ارخص واقل تكلفة من التداول عن طريق الانترنت من حيث رسوم التداول .. وسرعة بث الاسعار .. يعني يبونا نقعد بالقرقور حتى تكون عملية السيطرة سهله ..

ارجو اني ما ثقلت عليكم وسامحوني اذا غلطت في حق احد ..

 

[نصار]

مازالت قيمة التداول ضعيفة , اليوم 42 مليون ونصيب 4 شركات 16 مليون

وهى استثمارات وعقارات الكويت والسفن والمخازن وباقى الشركات 26 مليون

 

[نصار]

صباح الخير جميعا :

اغلاق اليوم الاثنين للمؤشر هو 5407 والقيمة الاجمالية لثلاث ايام متواصلة

جيدة , هناك شراء تجميع انتقائى ولاتوجد اى بوادر لنزول المؤشر , السوق متزن

واغلبية الاسهم قريبة من سعرها عندما كان المؤشر 5000 نقطة وهذا يبعث

الطمأنينة بتماسك السوق , اما بالنسبة للاسهم التى ارتفعت اسعارها

فهى تستحق هذا الارتفاع باستثناء الخليجيات كما قلت سابقا والتى سوف

يحدد اتجاة اسعارها اعلاناتها للربع الثانى .

هذة هى المؤشرات ولكن لا أحد يعلم ماذا تخفى الايام .

كما اعتدنا فى كل عام وفى الايام المقبلة تحديدا يكون هناك تراجع لجميع

ملامح السوق , فى العام السابق حصل هناك تبكير للموعد وتم هذا فى

اول الشهر ( مقصودة ) فى العام الحالى الوضع مختلف والسوق للتو

تعافى من ركود لما يقارب ثلاثة اشهر .

هل سيستمر النشاط الى غاية سبتمبر باستثناء تصحيحات غير مؤثرة

ومفيدة للاستمرار ؟؟ وهذا ما اتوقعة , ويتم بعد ذلك جنى الارباح فى اكتوبر .

ام يتم هذا عند الاعلان الرسمى للربع الثانى للشركات وخصوصا عندما يكون

مخيبا للآمال لأغلب الشركات .

عموما للربع الثانى دور كبير فى اتجاة المؤشر وان كان قياسيا لأغلب الشركات

فسيتماسك السوق الى آخر العام .

واللة اعلم

 

[jack mack]

الاخوة الاحبة غضنفري ونصار: انا متابع لطرحكم هذا واتمنى ان تكملوه ـ مشكورين

 

[jack mack]

لازلت بالانتظار عن مرئياتكم ـ مشكورين

 

[نصار]

السلام عليكم

كتب هذا الموضوع قبل شهرين , وهناك من يقول بأنى اعمل

لصالح جهات معينة واقوم بالتطبيل .

وايضا تم اتهام الاخ 123456 بنفس الاتهام , هذا العضو

النشط الذى لم نعد نرى لة مشاركات

وكل هذا بسبب من يريد ان يكون الاوحد فى هذا النتدى

ويريد ان يلجأ الية الجميع ولا يريد ان يعارضة احد

فى رأية , لانة هو من يفهم ونحن امعات نتبعة .

 

[حريص]

انا بصراحه ايدك اخوي نصار الي حصل انه تم شطب عضويه الاخ 123456 وهذا تعسف بحقه وكذالك تعسف بستخدام الصلاحيات هذا متندى الجميع يكتب فيه وليش بالضروره اني مثلا اخذ هالتوصيات على محمل الجد او اني يمكن استهزء فيها بس يرجع الامر كله انه هذي كلها اشتهادات ما توصل الى حذف عضو نشط مثل الاخ 123456

اذا كان تحليلي الاخ 123456 غير صحيح هذا يمكن كذالك انا اذكر انه في احد رواد المنتدى وهو على فكره عضو نشط جدا وله سمعته بالنتدى اوصى الشباب بالتوجه الا السووق السعودي وبعد هذي التوصيه بايام قليله انهار السووق انهيار كامل حيث انه نزل الؤشر اكثر من 1200 نقطه

سوف اترك الامر للتحليل ومنكم نستفيد

 

[سبع الاجل]

123456 هو نفسة الريان
يعني نفس الشخص لم يخرج من المنتدي ومازال يكتب
لا تخافون

 

[الريان]

اخوي سبع الآجل

ان اغلب الظن اثم


والايه تقول :
واذا جاءكم فاسق بنبأ فتبينوا )


اسالكم بالله هل انت تبينت ان 1234556 ولا

اسالك بالله كيف حكمت علي بان ان الشخص ذاته

واحب ابشرك واقولك

زلله الحمد انا لي علاقه شخصيه مع ابو على صاحب المنتدي وهو يعرفني شخصيا هذا اولا

ثانيا انا ايميل على الفاست تلكوم وموجوده بيناتي الشخصي

وعلى العموم انا من الناس لا اخفي اسمي

انا اسمي مشعل وكنيتي ابو ريم

ومره ثانيه اذا تبي تتهم شخص تاكد قبل لاتتهم

فوالله لا اقبل منك اي شي حتى تتعتذر مني شخصي لاني خلتني بمكان لا احسد عليه
لان هذا الشخص له اختلافاتمع انا س اخرين لاتحرجني معهم

وشكرا

 

[فؤاد]

وسعوا صدركم يأخوان

والله لا داع لكل هذه الشوشرة ، أتقوا الله في أنفسكم و أخوانكم في المنتدى ، أين ال Netiquette أو أداب الإنترنت وشروط التعامل بالأنترنت : http://dir.yahoo.com/computers_and_internet/internet/beginner_s_guides/netiquette/
http://www.onlinenetiquette.com/index_overture.html
NETIQUETTE DEFINITION:
Using technology effectively to communicate with others both personally and professionally with knowledge, understanding and courtesy.

لاتباغظوا .......
ترى الأخوان جاين يستفيدون منكم مو يشوفون صراع الديكة، وبعدين يأخوان على شنو .. يبا أمسحوا خلافاتكم في الطوفة.

مع الشكر
أخوكم المحب فؤاد

وفي نفس الموضوع :
المؤشر راح يصعد 50 منها السبت 31 نقطة وينزل بعدها 100 خلال أسبوع ونصف ثم يستقر على 5750 - 6000 نقطة لفترة تستمر حتى نهاية العام الحالي . والله أعلم