دورة المؤشرنت للتحليل الفني
50 دينار كويتي
الإنترنت كان سريع بداية الخدمة وكانت السرعة توصل 5 ميجا بعض الاماكن أما الحين أنا قاعد أدفع 27 دينار والسرعة عندي 3 كيلو بايت يعني الفاكس مودم وايد أبرك.. بس شنسوي وزارة المواصلات يوصلون التلفونات للمناطق الجديدة بعد 15 سنة حتى تستفيد شركات الإتصالات..السيرفيس عندي قوي وهذا يثبت ان مافي مشكلة إتصال مع البرج لاكن المشكلة ان حاطين سرعة إنترنت بالبرج ضعيف ومخلين كل الناس تتشارك الخدمة مثل واحد حاطله وايرلس سرعة 1 ميجا بسعر 50 دينار شهريا ويأجره على 100 بيت بالقطعة كل واحد يدفع 27 دينار ضرب 100 يساوي 2700 دينار ( عرفتوه الحين شلون يربحون) شركات الإتصالات حسب القانون ما يحق لهم تأجير الكيبل البحري وأهم قاعد ياخذون من كوالتي ، فاست ، جلف نت ، زاجل.
أنا الحين لقيتلي طريقه أحسن السرعة شريت راوتر ومديتله واير كهرباء وحطيته بره الدرييشه على الصبه فصارت العملية اللي يصيد الموجات قبل ( من سبق لبق) والحين توصل السرعة عندي 5-7 كيلوبايت. ونصيحه للأخوان لا تتفائلون بي الشركة الجديدة "ذيبة" تراها نفس قصة ليلى والذيب وخيرتها بتهجم عليكم.
بس عندي سؤال أخير أشلون شركة إتصالات جديدة أشتغلت بأقل من شهرين ووزارة المواصلات ما تقدر توصل تلفونات أرضية لمدة 15 سنة لبعض المناطق؟ وبعدين التلفونات الهوائية كانوا متفقين مع وزارة المواصلات ان يحطون فيها إنترنت وبعدين طلعت ما فيها خدمة الإنترنت...ليش؟
ملاحظة كل مناطق الكويت كان فيها تلفونات أرضيه حتى ظهور شركات الإتصالات توقفت المشاريع وهذي السنترالات على حطتها ، لا وكل يوم حاطين بالجرايد شلون أصبحت مهجورة وخالية من حراس الامن والموظفين..ممكن صدفة؟ مع العلم ان العلم تطور والأجهزة صارت ارخص ، أقل تعقيدا ، وأصغر حجما.
دورة المؤشرنت للتحليل الفني
50 دينار كويتي