فيفا وما أدراك ما فيفا

[cc555]

الله يبشرك بالخير يالدويش ما قصرت فكيتنا من انياب سعد البراك :d

 

[jeme_E]

طيب اللى بيروح يشترك معاهم وين يروح ابي خط جديد؟؟

 

[الفهلوي]

....

حط رابط الشركة اخوي

 

[jeme_E]

أقسم بالله محد يقدر حيل باس شركة زين

اي شي تسويه فيفا راح تسويه زين

انا الوحيد اللي راح يتمصخر بالكويت :| خطي الوطنية

انا معاك

بغير لفيفا

ولو زين ببلاش مابيها

بس وين اروح اشتري خط ؟

 

[خالد العتيبي]

بالفعل الوطنية انضمت للشركتين في هذا العرض...



نص رسالة الوطنية

"بفخر تنضم الوطنية لتواكب عصرا جديدا في استقبال المكالمات الواردة مجاناً"

 

[Strategy Stock]

شوفوا شلون نصب زين عالم جميل !!

قصة نصب مع زين عالم جميل !!؟؟
صفرت خطي وسافرت للبحرين للدراسه يومين كالعاده
ولما رجعت للكويت بعد يومين دزو لي رساله يقولون عليك مبلغ 50دينار !!
كلمت 107 قلت له مو معقولة يومين 50دينار !!
قالي اخوي انت كنت مشغل الجوال برا الكويت قلت ايه قال خلاص تحمل قلت ياخوي كلها يومين قال لو ساعتين !!؟؟
نصحوني الشباب في الجامعه بالبحرين اشتري خط بحريني من زين البحرين وفعلا شريت شريحه بخط حلو بعد وبقيمة 2.880فلس كويتي فقط وعبيته بـ 8دنانير بحرينيه والله قعدت يومين كالعاده والخط شغال طول اليوم اتصالات للكويت استغربت ما انفصل جيكت على الرصيد ولا باقي 4 دنانير بعد !!
سئلت الشباب قالو ما شفت شي تو الناس .. يطول ما يخلص رصيده !!

طبعا زين عالم جميل عندهم ازدواج في المعاملة بين الكويت والبحرين .. شلون!!؟؟
قالو الشباب انه بعد البحث اكتشفو ان زين تعامل البحرين بقيمة منخفضة في الاتصال وسعر المكالمة بينما تعامل الكويت بسعر عالي جدااا في تكلفة المكالمة والخدمات الثانية والي تقدمها في البحرين ببلاش !!
غريبه ... زين ليش !!؟؟
طبعا لما سئلو مسؤولين في زين عالم جميل قالو لهم اولا ان السبب هو التسهيلات الي تقدمها حكومة البحرين لشركات الاتصالات في حين ان حكومة الكويت ما تقدم اي تسهيلات !! ثانيا ان البحرين دولة فقيرة مقارنة بالكويت ودخل الفرد فيها منخفض ولذلك يجب خفض تكلفة المكالمات ولا ما راح نلقى احد يتكلم بالموبايل !!؟؟ في حين ان الشعب الكويتي شعب بطران ومعاشاتهم عالية !!

قصة نصب كبيره قادها صاحب الـ 2 مليار منذ التحرير حتى اوصل رصيده الى 12 مليار من عرق وكدح الشعب الكويتي بدون اي حسيب ولا رقيب !!

نعم جنى ارباح كبيرة من جيوبنا ولكنه خسر احترام الشعب الكويتي له ولشركائه .. لان الطمع والجشع اعمى عيونة فلا يرى الناس الا مجرد ارقام يكسبها ليزيد من رصيده دون مراعاة لظروف الناس واحوالهم !!

(( فعسى ربي ان يؤتيني خيرا من جنتك ويرسل عليها حسبانا من السماء فتصبح صعيدا زلقا ))

زين عالم جميل !! للاسف شين عالم قبيح

 

[NBK]

مشكور يابو مشعل على الخبر الحلو

القاضيه

راحوا فيها شين واللاوطنيه

 

[بو يوسف المبارك]

انتهى زمن الحراميه شعقبه عقب ما مصوا دمنا زين ايسوون فيهم السعوديين منها للاحسن يا فيفا

 

[cc555]

حط رابط الشركة اخوي

www.viva.com.kw
بس للحين ما تغير شي

 

[abu.omar]

viva

اسم يستحق الاحتــرام وهاردلك زين الخرافي ...

 

[الفهلوي]

www.viva.com.kw
بس للحين ما تغير شي

اعرفه

انا ابي العنوان اللي انت اقتبست منه الصوره

 

[jeme_E]

توه واصلني المسج من الوطنيه

((بفخر تنضو الوطنية لتواكب عصرا جديدا في استقبال المكالمات الوارده مجانا))

عقب شنو ؟!!!!!!

ادري اخر الفلم الحلقه الاخيره بيقعدون مع بعض ويتفقون علينا

بس عن نفسي مقاطع زين من زمان ومنتجات الخرافي عموما احاول اوخر عنها

 

[NBK]

طيب اللى بيروح يشترك معاهم وين يروح ابي خط جديد؟؟

روح لاي فرع وان شاء الله تحصل عندهم خطوط

 

[cc555]

ماخذها من هالموقع http://www.chillnite.com/sneek-peek-into-new-viva-website
بس انطر على ما يتجدد السايت

 

[خبير الاجل]

ماذا تتوقعون من شركه لا تكتفي بسرقه الناس عبر المكالمات وانما بسرقه الشعار الجديد من احدي الشركات التي تبيع القماش منذ عشرات السنين

 

[ميكانيكي]

يعطيك العافيه بو مشعل

يليت تجمع مواضيع الشركه بموضوع واحد

ادري منقهر وبتستانس

بس حتى احنه نبي نعرف كل شي

ولاتنسى هذا دور المشرفين ههههههههه ::verymad::::verymad::

 

[jeme_E]

روح لاي فرع وان شاء الله تحصل عندهم خطوط

بصير مثل الامريكان لما قالولهم اضغط اي مفتاح قالو مافي بالكيبورد

مفتاح مكتوب عليه any key

دلني اي فرع قريب من سلوى بنطلق لهم بقرب فرصه

 

[coooool2]

@@@تبي تعرف اسباب عروض الوطنيه و زين و فيفا .. (( من تحليل coooool2 ))@@@

اشوف الناس مستانسه على العروض
المشكله الوطنيه تقول عبلك كرت بو 5 دنانير و فوق و اخذلك رصيد اضافي 20% و العرض صالح لغايه 31\12 <<< ما راح اعبي و كيفي و مزاجي و راح احرق الخطو اقطه بزباله و اخسرهم ..و فوقه شين هذا العن من الوطنيه

شركات الكويت :
1- فيفا الاتصالات الكويتيه
2- الوطنيه( الوثنيه )
3- زين ( شين )

شركات السعوديه
1- الاتصالات السعوديه
2- موبايلي
3- زين

يا جماعه .. الفيفا هي اساسا من الاتصالات السعوديه و انا بالسابق قلت لكم الشركه هدفها تقديم خدمات مو حرب اسعار .. لأن السوق متشبع بنسبه 90% ..

ماني عارف ليش الناس عباله صج في حرب اسعار ؟ و طبعا سمعنا عروض استقبال المكالمات مجانا

هذا اللي كله صار قرار من وزارة المواصلات

شين عفوا زين .. مارست ضغوط على السعوديه لأعطائها الرخصه الثالثه بالسعوديه .. و شين السعوديه نزلت عروض قويه هناك .. عرض شهر عليك و شهر علينا .. يعني تكلم مثلا 100 دينار بالشهر ..الشهر الثاني يعطونك 100 دينار من قيمته بلاش ..!!
شين السعوديه تنافس قوي مع الاتصالات السعوديه ..

الاتصالات السعوديه مو عارفه شتسوي و قامت تحس بالخطر .. بعدها مارست ضغوط على الحكومه الكويتيه لأعطاءها الرخصه بالكويت .. و تحت مسمى فيفا .. و جدامكم تشوفونها تنافس زين

دخل سعد البراك الرئيس التنفيذي لشركه زين و يقول انا أعارض دخول اتصالات ثالثه بالكويت ..!!

اما الوطنيه الله يرحمها خلاص انهارت..

استغربت من ناس تقول فيفا اتفقت مع زين .. و هذا مستحيل بعد انا اللي ذكرته

كل دول الخليج عندها هيئه اتصالات ما عدا الكويت اللي ماسكتهم وزاره المواصلات و تاخذ رسوم من الشركات الثلاث

نتمنى من مجلس الامه و الحكومه الموافقه على انشاء هيئه اتصالات رقابيه مستقله الكويت ..و راح احاسب النائب اللي يرفض قانون الهيئه
اخيرا ..

النتيجه : انتقام فيفا من زين

 

[cc555]

من الواضح ان فيفا بتقدم خدمة الdsl بسرعات لا تقل عن 4 ميغا
بس شلون وهم ما عطوهم رخصة الdsl من وزارة المواصلات!!!

 

[أبونوره]

ماشاء الله فعلا ضربات قاضية والله يوفقهم لزيادة الضربات حتى نرى مصرع القوم


:d:d:d:d