شركة استراتيجيا للإستثمار (استراتيجيا)

[dandal]

يا اخوان

وخاصه الاخ مضبوط والاخ كوزمو

استفسار بسيط

وياليت افهم منكم

الان اذا فيه زياده راس مال

شئ منطقي او معقول يرتفع السهم

لكن اللي بيشتري السهم مايعرف ان وراء خفض لراس المال

بهالحاله شنو يستفيد؟؟؟

وتوقعاتكم للسهم يا اخوان

لاتبخلون علينا

وخاصه الاخ مضبوط اذا شرح وشارك اجزل واوفى

والاخ كوزمو بعيد نظر في تحليلاته

 

[Cozmo]

يا اخوان

وخاصه الاخ مضبوط والاخ كوزمو

استفسار بسيط

وياليت افهم منكم

الان اذا فيه زياده راس مال

شئ منطقي او معقول يرتفع السهم

لكن اللي بيشتري السهم مايعرف ان وراء خفض لراس المال

بهالحاله شنو يستفيد؟؟؟

وتوقعاتكم للسهم يا اخوان

لاتبخلون علينا

وخاصه الاخ مضبوط اذا شرح وشارك اجزل واوفى

والاخ كوزمو بعيد نظر في تحليلاته

تصدق وتامن بالله
موضوع زيادة راس المال او التخفيض صارلي 3 شهور اسمع فيه
والكل يقول الارتفاع علشانه
واذا طاح السهم ما تلقى مبرر او سبب ؟؟؟
والسهم نازل من السعر الفلاني ويصير عليه تجميع ويرفعونه ويردون يطيحونه

مثل قبل فتره يوم قالوا ( وركز على قالوا ) انه فيه زيادة راس مال وهالكلام
ارتفع السهم حد اعلى لمدة اسبوعين اعتقد
وصار الربح فيه اكثر من 50%

وبالتالي شصار ؟ تم السهم يطيح ويطيح ويطيح وماكو شراي
لانه التصريف صار بأعلى الاعلى

مثل حركة امس بالضبط
لكن الفرق انه ما انتظر اسبوعين
يومين ولعب بحركته

لكن اتوقع يرد يكرر الحركه نفسها

 

[dandal]

ينزلون السهم له مبرر كوزمو

شلون يربحون يرفعونه ويبيعون

ويتعمدون تنزيلته يجمعون ويكررون القصه

الشئ اللي ماعرفله اعترف ماعرف له

ماعرف ادخل معهم وطلع معاهم

لاني شاري كميه كبيره على 68

ودي اتخلص منها

بس مو عارف الطريقه

كوزمو ياكوزمو ارشدنا

 

[dare]

الى المحللين

تداول اليوم

تصريف او تجميع؟

 

[مضبوط]

شغل اليوم تجميع واضح يبي اللي عنده يقط عليه طلب 720 الف سهم علي٣٥،٥ وشال طلبه وبلش يشتري بنفس الطلب واعتقد والله اعلم السعر الحالي راح ايدوبل الايام القادمة

 

[مضبوط]

راغب صانع السوق يبيع ويشتري على نفسه مكشوووووورف

 

[dare]

شنو مستفيد يبيع ويشتري لنفسه؟


مازلت عند كلامك تجميع؟

 

[dandal]

شغل اليوم تجميع واضح يبي اللي عنده يقط عليه طلب 720 الف سهم علي٣٥،٥ وشال طلبه وبلش يشتري بنفس الطلب واعتقد والله اعلم السعر الحالي راح ايدوبل الايام القادمة

تعتقد هذا تجميع اخوي مضبوط؟

بس ليش شال اوامر الطلب فوق المليون ونص؟

شنو ناوي عليه ؟

 

[bonoor]

شغل اليوم تجميع واضح يبي اللي عنده يقط عليه طلب 720 الف سهم علي٣٥،٥ وشال طلبه وبلش يشتري بنفس الطلب واعتقد والله اعلم السعر الحالي راح ايدوبل الايام القادمة

والعكس صحيح نزول بكميات تداول عاليه يدل على التصرررررررررريف

 

[Cozmo]

حذرناكم يا اخوان امس

قلت لكم انه يرفع للاعلى ويصرف
بجذي اتوقع الارتفاع اليومين ورى بعض قصفهم صانع سوقهم

 

[مضبوط]

بصراحة سهم ايحير وصار شغله مضارب عليه واتوقع استمرار المضاربه عليه الايام القادمة قبل استدعاء رفع راس المال وراي الخاص اللي عنده لا ايبع بهالاسعار وانتم احرار

 

[Cozmo]

صانع سوق ذكي
يشتري بالرخيص وبكميات
ويرفع السهم الي مستويات اعلى
ويصرف بالعالي

للتذكير
وطلب الانتباه والتفكير اكثر في الشراء بالعالي

 

[3lgm]

لاحظ الكميات اللي تطلع بالعلالي , وينمسك ليمن ينزل , السهم عليه تصريف منظم .

 

[dandal]

يا اخ علقم

ولو انك احلى من العسل


تحليلك لزياده راس المال

مالها تاثير ولو مؤقت على ارتفاع السهم؟

 

[TAHOE]

لاحظ الكميات اللي تطلع بالعلالي , وينمسك ليمن ينزل , السهم عليه تصريف منظم .

الله يعطيك العافيه يا بومبارك على التحليل الطيب والسهم راح يوصل الى 33 وهي الفجوه ودعم 61.8 فيبوناتشي واذا تعداها نزولا راح يرجع لهدف المسمار وهي نقطة الانطلاق 28 وكسرها مصيبه للسهم لان راح ادششه بالتعش

والله اعلم

 

[3lgm]

يا اخ علقم

ولو انك احلى من العسل


تحليلك لزياده راس المال

مالها تاثير ولو مؤقت على ارتفاع السهم؟

مو دايما يصعد السهم أثناء زيادة راس المال يا الغالي , ولك في سهم الإثمار عبرة , علشان تستحوذ دار المال على أكبر كمية لعنت والدين السهم ونحشت البشر من السهم والاكتتاب , فخنتابع السهم ونشوف نقاط الارتداد , والسهم هذا عليه فزة مو طبيعية , فلو تدش معاهم عقب ما يعلق مو مشكلة , تربح قليل أحسن من تخسر وايد , والله يرزقك ويباركلك بحلالك .

الله يعطيك العافيه يا بومبارك على التحليل الطيب والسهم راح يوصل الى 33 وهي الفجوه ودعم 61.8 فيبوناتشي واذا تعداها نزولا راح يرجع لهدف المسمار وهي نقطة الانطلاق 28 وكسرها مصيبه للسهم لان راح ادششه بالتعش

والله اعلم

احنا تلاميذك يا بوداوود وما نستغني عن طلتك البهية , ونتابع الـ33 والـ28 والله يكتب اللي فيه الخير , ورحم الله والديك يا بوداوود وعسى لا خلا ولا عدم .

 

[dandal]

يا اخوان

تحليلاتكم للسهم؟

عطونا رايكم

 

[Cozmo]

برايي الناس عرفت حركة صانع السوق وقامت تكتفي بالطلب ما تاخذ من المعروض
نصيحه الي خذه او بياخذ في حال حصله بسعر رخيص لا يعرض
يوهم صانع السوق انه محد يبي يبيع ويرفع السهم اهوه وبدال لا تدخلون انتوا بالعالي وتالي يشيل طلباته ويصرف بالاعلى صرفوا عليه انتوا

ما تقزر الا جذي

 

[dandal]

[14:1:44] ِ.استدعاء زيادة رأس المال لشركة (استراتيجيا)‏
يعلن سوق الكويت للأوراق المالية بأن شركة استراتيجيا للاستثمار ‏
ِ(استراتيجيا) قد أفادته علما بأن مجلس الإدارة قد حدد فترة الاستدعاء ‏
للاكتتاب في زيادة رأس مال الشركة من 30 يونيو 2010 ولغاية ‏
ِ28 يوليو 2010 حيث تبدأ اعتبارا من يوم الاربعاء الموافق 30 يونيو 2010 ‏
ولغاية يوم الأربعاء الموافق 28 يوليو 2010 بنسبة 58.5% للمساهمين ‏
المقيدين في سجل المساهمين في تاريخ 29 يونيو 2010 بسعر 102 فلس
للسهم الواحد والمتضمن 100 فلس قيمة اسمية و 2 فلس علاوة اصدار
مع الأخذ بعين الاعتبار بأنه بعد الانتهاء من زيادة رأس مال الشركة سوف
يتم خفض رأس المال الاجمالي 128.5 مليون سهم والذي سينطبق على أسهم ‏
المساهمين المقيدين في سجل مساهمين الشركة بتاريخ 29 يونيو 2010.‏
هذا وسوف يتم الاكتتاب في مقر شركة المركز المالي الكويتي ـ شارع مبارك ‏
الكبير ـ مقابل سوق الكويت للأوراق المالية مبنى الدعيج ـ الدور الأرضي من ‏
الساعة 9:00 صباحا ولغاية الساعة 1:00 من يوم الأحد حتي الخميس .‏
وبناء على طلب الشركة سوف يتم ايقاف سهم الشركة عن التداول اعتبارا من ‏
تاريخ 30-6-2010 إلى حين الانتهاء من اجراءات الاكتتاب في زيادة رأس ‏
مال الشركة .‏

يا اصحاب الخبره

هذا الخبر اليوم

شنو تاثيره

نبيع او لا؟

وخفض راس المال متى يكون؟

مافهمت هل بعد الزياده على طول

وبعد ماترجع للتداول مباشره؟

او شنو الطريقه اللي راح تصير

نصيحتكم ولكم منا الدعاء

 

[ameer]

توقيف السهم ورطه لو بايعين اليوم احسن سوف يفتح بعد التخفيض لم نتعلم الدرس