▀▄▀ مواليد السبعينات بس يدخلون ▀▄▀

[BREMEN]

 

[acton]

​

 

[sjl71]

الظاهر الربع اكثرهم شياب

 

[المؤشراتي2]

تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


ايام فااااتت

 

[acton]

آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو !!


أيامنا لي قالوا مسوين مموش يصير كفخ الاكل ما تدري منو طقاق القنجه و الحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووووووووووووووون ياكلون !!! و يبطون جبدك يقولون ما نعرف مادري أمه أنجلينا جولي و أبوه براد بيت "



أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحن عيالنا صارو عيال ماكدونالدز و ماك رويال مع مايونيز


قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماج و غوري كهربا!!



أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود


قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون و الحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة


قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين عيالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاتهالله يرحم ذيج الأيام ​

 

[maha_Q8]

آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو !!


أيامنا لي قالوا مسوين مموش يصير كفخ الاكل ما تدري منو طقاق القنجه و الحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووووووووووووووون ياكلون !!! و يبطون جبدك يقولون ما نعرف مادري أمه أنجلينا جولي و أبوه براد بيت "



أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحن عيالنا صارو عيال ماكدونالدز و ماك رويال مع مايونيز


قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماج و غوري كهربا!!



أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود


قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون و الحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة


قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين عيالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاتهالله يرحم ذيج الأيام ​

لووووووووووووول

واللي يأكل بالملعقه شرايك فيه ؟؟؟؟

 

[stokes]

تسلمون و الف شكر على الموضوع, الصراحة انا ما سجلت بالمنتدى الا علشان الموضوع هذا
ذكرتوني بالذي مضى ,يعطيكم الف عافية

تذكرت لكم جم شغلة:

تذكرون سينما السيارات قبل- اذكر كنا بس نروح حق افلام عادل امام مثل الغول و عنتر شايل سيفه - و اهم شي بالسينمه مكبر الصوت العجيب اللي يتعلق بالجامة تذكرون شلون كان شكله؟ و لا المكيف اللي جنه راس مخمة!! و طبعا المطبة و صوتها الفضيحة اللي لازم السيارت تعدي فوقها وقت الطلعة!!!

تذكرون اغنية المطرب السوداني ما اذكر اسمة (ازياكم كيفينكم انا صارلي زمان ما شفتكم)

تذكرون التلفزيون قبل لا يعزل يحط اغنية حق ناظم الغزالي او ميادة الحناوي ونفنوفها الاصفر

تذكرون مسرحية اعتقد كان اسمها (رجل مع وقف التنفيذ) كان في مشهد حق عبدالعزيز النمش الله يرحمة وحوالينا حريم -ريايل اصلا- يطيبون خاطره اهو يقول: وااافادي وهم يردون علية: يارك الله و يظلون يقولون جذيه الا ان تصير الكلمات شبه اغنية يطامرون عليها
و مشهد ثاني منها حق خليل اسماعيل الله يرحمة يمثل دور طبيب مصري يقول :باشر و عقب باشر و عقب عقب باشر يبئه تلات بوشرات باشر و باشر و باشر

تذكرون البطل الخارق في كتاب اللغة الانجليزية( سوبر فولكن) مو ملاحظين انه يشبه فيجا الكبير اللي بغراندايزر

على طاري غراندايزر تذكرون العلك ماله اللي فيه صورة حق اي كوكب و ورقة ثانية عليها غراندايزر لازم نسحك صورته على الكوكب علشان تلصق, و كان في علك نفسه حق البنات

تذكرون حديقة الاحمدي قبل و الديارف اللي فيها و الخضرة اللي كانت فيها

تذكرون حفلات سميرة توفيق اللي تصير في حديقة جليب الشيوخ قبل

تذكرون حلاو الورد- اللي يكون كيسه شفاف مكتوب على ظهر الكيس بلغة يمكن يابانية او ماليزية باللون الوردي- و كان الحلاو اللي على شكل ورد منه الوان اخضرو اصفر ووردي و ابيض- كان يابس مثل الطباشير

تذكرون كراش برتقال قبل ما كنا نقدر نصبر علية ما يمديه يبرد بالفريزر _اللي كل شوي مبطلين بابه نجيك عليه برد و لا لأ- تالي نشربه و هو حار

تذكرون الحلاو البودر -لون الكيس كان كحلي و علية نجوم وردية- اللي كان يطقطق بحلوجنا مثل الجراقي و نعض على اكبر الذرات علشان تنبط داخل الحلج


و سلامتكم

 

[بس999]

تذكرون المسابقة اللي مسويتها شركة بيبسي

تبحث تحت غطاء البيبسي عن الجوهرة واللي يلقى الجوهرة يحصل على السيارة وكانت الجوائز سياكل بعد

بطلت كل ابطولة البيبسي بحثا عن الجوهرة صناديق بيبسي راحت هاهاهاهاه





تذكرون سجائر مرسوم عليها قطو له شوارب اعتقد كان اسمها قريفن

 

[acton]

لووووووووووووول

واللي يأكل بالملعقه شرايك فيه ؟؟؟؟

اللي ياكل بالملعقه اعزمه عندي (ممنوع الملاعق)على اموش نثري فوقه دقوس عشان اذا شبع لحس ايده وجابلته من هالسوالف الاوليه لمن ايده تنشف واذا قام يبي يغسل ايده مايروح الماش اليابس تصير ايده خشنه حق حكاك الظهر
​

 

[مال و أعمال]

الله كانت ايام حلوه كان التلفزون قناة الاوله بس والظهر مافيه (ولعب كوره ونطير حمام) ويوم الجمعه نروح بالمواصلات للسيلما يعنى مسافرين لاوروبا ايام حلوه بس مافيه أفلوس ألحين ملايين وروح لكل العالم مارتاح ألا بسوق المقاصيص (صج فقر حلوى)ولا (غناء هم)

 

[maax1]

( 1971)

تذكرون اول مانزل بسوق ملابس رياضه الكاراتيه (كل من لبسهم قام يطق الى يمه)تذكرون نعال الصندل الله يعزكم
تذكرون قارى بو سناده مركب عليه علم قراصنه ونغمات نجدة ومعاه تفخ التواير (فول اوبشن)
ومرات بتطق ويل يعنى تشيحط (وعلى راسك) ومرات تحط خشب صفايح تحته طابوقتين يعنى حق القفز
تذكرون مسدس الماى الاخضر شفاف
تذكرون اذا شفنا فيلم كراتيه بس يخلص (النفسيه غير وتطالع الى يمك) نظام تطبلى راس براس متأثر الحبيب
تذكرون تلفزيونات قبل نظام (فر) اذا بتغير القناة ومرات تطلع لك قناة بنص يعنى نص فره مو ماخذه رقم غاصه بنص تطول على ماتثبتها
تذكرون قصص ومجلات سوبرمان وغرندايزر والرجل العنكبوت وماجد (واقعد دور فضولى بالعدد) وقصه سعد وفيهم مجلدات (وين راسه الى عنده مجلد) مايرد علينا ولا يبادل
تذكرون بلعيد نروح الملاهى الى تصير بالمنطقه (موسميه الشغله مو دايما) تلقى واحد يصور تصوير فورى حاط الخلفيه زل احمر نقشات وبطرفين حاط احواض زرع صناعى واذا عطاك الصوره لازم تمسكها من الطرف وتهف فيها عشان تكتمل تطالع فيها (ولا الدشاديش قاصره) خيايط مش حالك
تذكرون مسلسل المركبه جالاكتيكا والسياره العجيبه (مايكل نايت) على البرنامج الثانى


بس والله قبل كانت النفسيه غير وكل شى له طعم
الحين الوقت بدون اللوان وايام متشابهه اليوم نفس قبل 5 سنوات وبعد 5 سنوات
اتمنى لكم طول العمر مع الصحه والعافيه ورضى الله والولدين
موضوع فريد وجاذب (ويحرك المشاعر)

مشكور يالمراقب

 

[الفال الطيب]

حتى على ملابس وزارة التربيه وتوزيع الاكل الصبح

بيض وحليب ومادري شنو

مواليدي 1975 توني صغير

يا سلام عليك مراقبنا , يا حلو هذيك الايام , اعتبرها احلى ايام العمر ..
اعتقد ان طفولة هذيك الايام الجميله اسعد من طفولة اطفالنا اليوم ..
وسراحه زين لقيت مشرف على سني ونفس الميلاد , لكن لا يكون بنفس الشهر الاول ..؟؟ ونسوي حفل ميلاد بالمنتدى مع بعض في بداية العام القادم ..

 

[Kuwait]

احب هالموضوع

 

[بورغد]

تذكرون اول ماطلعت الشاورما ؟؟ نسميها سندويشت قص
عطنا اثنثن قص

هههههههههههههههههههههههههههههه

والله يبتها يييييب

ولا من مطعم بوخليل ... اممممممممممممممم

 

[weld.q8]

تذكروووون اثاث بين المقبرتين.... ,

 

[بورغد]

تذكروووون اثاث بين المقبرتين.... ,

ايييييييي صح

حتى كانوا كبرات

اي سنة كانو موجودين ؟؟؟

 

[Kuwait]

sha5bari..

 

[شجرة العود]

استرجاع شريط الماضي بجد يونس ويشرح الصدر ​

 

[شجون العليان]

هههههههههههههههههههههههه

انا مو من واليد السبعينات ولا الستينات بس فضووووول ايش اسوي

حلو الموضوع بس فيه اشياء ما فهمتها

بس باين الجماعة مستانسين ع الموضوع بارك الله فيك​

 

[alanzi]

جيل السبعينات من افضل الاجياال لانه شااارك الجيل القديم والجيل الحديث
بالتوووووووووفيق للجميع