▀▄▀ مواليد السبعينات بس يدخلون ▀▄▀

[شجرة العود]

ناااااايس


تذكر لعبه حيا الميد

وعظيم ساري

الله الله ياحلوها من لعبة كنا نلعبها مع عيال وبنات الفريج كنا اخوان وخوات مو الحين ياويل البنت توقف عند الباب
كل شي تغير أول العاب ركض وحركة والحين كل ألعاب إلكترونية

 

[fabulass]

الله على الماضي

مشكووووور

 

[مشامس]

موضوع من حلاته يعور القلب...

تذكرون قواري "عديلة"..؟

والجوتي الايراني ابو خيوط "كرمكم الله"...؟

تذكرون لما غيروا الفلوس الي عليها صورة المرحوم صباح السالم ..وتوهقنا بالارباع الي معانا "ولد فقاره حدي ربع "...؟

مشكور يالحبيب على الموضوع

 

[acton]

منو يذكر اول اذا طلعنا البر وقام واحد يبي يروح الحمام (مكرمين)شيقول ؟؟؟
يقول بروح اخذ ابريج يعني ذرب

 

[AutoCad]

موضوع من حلاته يعور القلب...


والجوتي الايراني ابو خيوط "كرمكم الله"...؟

اي الجوتي الأسود ... أذكر كنا نحط له دبابيس يعني لابجين بو براغي :d

 

[Bo Mostafa]

تذكرون ايام الرطوبه نحط مغطاة الجدر مكان الاريل عشان تطلع عندنا قنوات الخليج واخر الليل نشوف قوقوش
تتذكرون قواري عديله اللي فيه هرن طاطوط وعداد وتلفه بشرايط ملونه
تتذكرون ايام الغتره على الجتف والقذله طايحه والزلف تقولك بوت مطر
تتذكرون ايام مازدا الروتاري اللي طقيت فره بالفريج الكل يلتفت عليك
تتذكرون الدكان بالفريج اذا طقك اليوع اخذت منه صمونه فيها جبن ابيض وطمام ودقوس وتسدح سحاره الكندادراي وتقعد
تتذكرون هالوقت نروح نحبل حق الطيور وانبر قبابي​

الله يقطع بليسك صج صج صج
من وين هالغبره
أعتقد بالستينات هذي الأشياء وخصوصا ً القبابي وعتل جانك تذكر
والعاب الله على العاب
كل لعبه حسب الجو
إذا طق المطر وتنقعت الأرض نلعب ركازي
وبالليل لبيده وبعد الغدة عنبر ومقصي
وكرة قدم بالبراحة ( يعني الساحة )

الله على أيام ذيچن مضت ما ضنتي تعود بعد

 

[Bo Mostafa]

اي الجوتي الأسود ... أذكر كنا نحط له دبابيس يعني لابجين بو براغي :d

إسمه لابچين تسوي روحك نسيت

 

[Bo Mostafa]

منو يذكر اول اذا طلعنا البر وقام واحد يبي يروح الحمام (مكرمين)شيقول ؟؟؟
يقول بروح اخذ ابريج يعني ذرب

ههههههههههههههههههههههه

ههههههههههههههههههههههه

صج فطست من الضحك

لا وأنت الصاج نقول أبي أروح المختلا

 

[Bo Mostafa]

تكرمون النعال من عيد إلى عيد ... لا وإذا نعالك نظيف راحت عليك

العيدية خردة وبعدين تطور الموضوع إلى ربع دينار



أذكر أخوي الله يرحمه مرة عطاني دينار صكة وحدة .. دينار صباح السالم زين إللي ما طحت غشيان ... وهالدينار تم عندي مدة طويلة قبل لا أعدمه في البقالة.


تذكرون لما في بنيان جديد ؟

الحفارة تحفر واتسوي جبل نصعد الجبل ونلعب وانحفر حق شوي البطاط


الله يذكر ذيج الأيام بكل خير


هالأيام ما تدري عيالنا زلمات ولا كويتيين ولا شنو من هالقصات وهاللبس

والله إنك صادق على كل هالغبره

تذكرون كنا نروح المدرسة بدال القميص دشداشة نلوتها من تحت ونحشرها داخل البنطلون حتى إذا طلعنا من المدرسة بس نفسخ البنطلون ونفرد الدشداشة صج معفسه بس أحسن من البنطلون طبعا ً كنا نقول البنطلون بنطرون صح هههههههههههه

 

[Bo Mostafa]

تذكرون لما كنا انام مبجر حق العيد ونفرش الدشداشه على الارض ويمها المكسر والنعال ..يعني متزهبين
تذكرون لما كنا نبطل البواليع عشان نطلع زهيويه وانتوا بكرامه عشان نخطهم بالشداخه حق الحبال
تذكرون لما نسمع راعي البرد بالفريج يقول بررررد ونطل عليه ونقوله برد برد اوقف ونروح نركب على التواير ونقي البرد اللي نبيه
تذكرون برنامج سلامتك لما يقول عن الزقاير....قلبك...شراينك...جهازك التنفسي....امتنع عن التدخين حالا ...شرايك تصكني كفين بعد ههههههههه

 

[Bo Mostafa]

تلفون بو قرص الفر

بيبسي وتيم وغيره

أشرطة للكمبوتر صخر طبعا ً تالي صار

الدكان قديما ً يعني البقالة

 

[AutoCad]

للرفع

ياريت المشرفين يثبتون الموضوع جم يوم


ترى هالموضوع صار متنفس من هالغلقة والكدر

 

[مراقب الاسهم]

للرفع

ياريت المشرفين يثبتون الموضوع جم يوم


ترى هالموضوع صار متنفس من هالغلقة والكدر

ونكمل المشوار


تذكرون النظاره الكووووول

اللي تتصفط وتنحط بوك في سحاب حد الكوووول

تذكرون ساعه الكترونيه على آله حاسبه كنا نغش فيها جدول الضرب باختبار الرياضيات

ولا فيه ساعه اكترونيه ثانيه حد الكووول فيها لعبه سباق سيارات ولها ليت

تذكرون الفيديو اول مانزل بوشريط كبير له دقم سوده كانها بيانو الشريط اذا يطلع من فوووووق له صوت و تشكتشكه فضحيه اللي بالغرفه الثانيه يدري ان الفيديو اشتغل

 

[acton]

خلونا نتذكر العاب اول
اللي يسمع يقول لحقت على ايام الغوص انا توني مواليد 70
منو يذكر منطقه السره قبل لاتصير منطقه سكنيه كانت بر وفيها مدينه ملاهي كنا نمشي مشي من الروضه الى السره طبعا كاشخين الدشداشه نوع زبده والغتره على الجتف مكويه ومصفطه عدل ماطيح والبنات لبسهم مزركش والمقمش والحنه تارسه ايدها تقول منقعه ايدها في مرق لحم اول مانوصل الملاهي نسمع واحد يقول ارررب ارررب خش وشوف الساحر بيعمل ئيه والبسطات كله حلويات برميت حار علوج الملوك وشعر بنات
الالعاب كانت قليلبه وياكثر الحمير تخيل كاشخ وراكب تكرمون حمار بربع دينار تطق دوره
​

 

[سفير]

منو يذكر نشيده ما دري قصيده بالإبتدائي الي يقول أولها و الله يكفيكم شر تاليها

قد خرجنا عندما جاء الربيع ..... و أقمنا في خيام بالفضاء
حولنا العشب على الرمل البديع ..... و طيور البر تمضي في الهواء

ياليت من يذكرها يكملها أو يعدلها بس صج نشيد يوون ن ن ن ن ن س الله يرحمها
من ايام

 

[abdulmajeed23]

شكرا شكرا أخوي كويت حقيقه خليتني أضحك مثل المجنون
بس لي رجاء أنك تجمع إضافات الشباب بردودهم وتكمل الموضوع
لانه حده ررروووووووععععععه

 

[maha_Q8]

موضوع من حلاته يعور القلب...

تذكرون قواري "عديلة"..؟

والجوتي الايراني ابو خيوط "كرمكم الله"...؟

تذكرون لما غيروا الفلوس الي عليها صورة المرحوم صباح السالم ..وتوهقنا بالارباع الي معانا "ولد فقاره حدي ربع "...؟

مشكور يالحبيب على الموضوع

ممكن تقولون لي شنو ؟؟؟ قواري عديله ؟؟؟؟

 

[maha_Q8]

والله إنك صادق على كل هالغبره

تذكرون كنا نروح المدرسة بدال القميص دشداشة نلوتها من تحت ونحشرها داخل البنطلون حتى إذا طلعنا من المدرسة بس نفسخ البنطلون ونفرد الدشداشة صج معفسه بس أحسن من البنطلون طبعا ً كنا نقول البنطلون بنطرون صح هههههههههههه

لوووووووووووووووول

والله عليكم سوالف أول شكلها حلوووووووووووه

 

[maha_Q8]

خلونا نتذكر العاب اول
اللي يسمع يقول لحقت على ايام الغوص انا توني مواليد 70
منو يذكر منطقه السره قبل لاتصير منطقه سكنيه كانت بر وفيها مدينه ملاهي كنا نمشي مشي من الروضه الى السره طبعا كاشخين الدشداشه نوع زبده والغتره على الجتف مكويه ومصفطه عدل ماطيح والبنات لبسهم مزركش والمقمش والحنه تارسه ايدها تقول منقعه ايدها في مرق لحم اول مانوصل الملاهي نسمع واحد يقول ارررب ارررب خش وشوف الساحر بيعمل ئيه والبسطات كله حلويات برميت حار علوج الملوك وشعر بنات
الالعاب كانت قليلبه وياكثر الحمير تخيل كاشخ وراكب تكرمون حمار بربع دينار تطق دوره
​

لووووووووووووووووووووووول

 

[Kuwait]

الاجمل ردودكم