تجربتي الشخصية في شراء سيارة من امريكا (للفائدة)

[abdullah6868]

طال عمرك عمي شرا من بيت التمويل سوبربان امريكي
ثق بالله لما شيكت على كار فاكس لقيت ملعوب بعداده

 

[abdullah6868]

اخوي رد على داز رساله على الخاص وابلي اسالك بعد شنو يعني zip code لان الموقع مايطلع السيارات الا لما ادخل الكود

الزبكود يعني رقم المنطقة
حط 77505 تكساس

 

[المركز المالي]

مشكوور على الشرح الوافي
والله يوفقك ويباركلك انشاءلله ويعطيك خيرهاا ويكفيك شرهاا

جزاك الله خير اخوي ما قصرت

 

[المركز المالي]

مشكور أخوي المركز المالي والله يجزاك خير

والله يعطيك خير الموتر ويكفيك شره

تسلم اخوي على الدعوه الطيبة

 

[ناصر فيصل]

السيارات

يرجى الانتباه ان بعض السيارات اذا مافيها مواصفات الخليج ما تدخل الكويت مثل حزام الامان و التنبيه على سرعة 120 كيلو و غيرها

 

[المركز المالي]

اخوي رد على داز رساله على الخاص وابلي اسالك بعد شنو يعني zip code لان الموقع مايطلع السيارات الا لما ادخل الكود

سيتم الرد على الرسالة بشكل مفصل واعتذر عن التأخر في الرد

بالنسبة لzip code هو عبارة عن رقم يدل على عنوان منطقة او قطعة من الأرض يسهل عملية الإستدلال عليها تقريبا مثل نظام القطع عندنا في الكويت

مثال: 5340W Tropical Parkway Las Vegas NV 89130

5340W Tropical Parkway (عنوان الشارع)
Las Vegas (اسم المدينة)
NV -اسم الولاية Nevada
89130 (هذا الzip code الخاص بهالقطعه من الأرض ممكن يكون فيها مستشفى او مدرسة الخ)

والموقع يطلب الzip code علشان يشوف اقرب السيارات لموقع سكنك على افتراض انك ساكن بامريكا وعندك zip code

طيب انا بالكويت شسوي؟
احط اي zip code بعدها احدد خيار any distance يعني البحث في اي مسافة من موقع السكن وبمعنى اخر في كل المناطق ، لأنك لو حددت 50 ميل او 100 ميل مثلا راح تطلع السيارات اللي تبعد عنك هالمسافة بس وبالتالي راح تكون الإختيارات عندك قليلة

ارجو ان يكون الشرح واضح واذا في اي سؤال انا حاضر

 

[المركز المالي]

طال عمرك عمي شرا من بيت التمويل سوبربان امريكي
ثق بالله لما شيكت على كار فاكس لقيت ملعوب بعداده

صادق اخوي وهالشغلة ممكن تصير في اي مكان حتى عندنا

لكن ارجع واقول لا تشتري الا من شركة او مكتب معروف له سمعته لأنه ما يقبل السيارة الا لما يفحصها وممكن يعطيك شهادة الكارفاكس مجانا

وانا شريت السيارة من شركة معروفة على مستوى الولاية على الأقل وجميع سياراتها مفحوصة من شركة Automotive Service Excellence - ASE ولها سايت خاص فيها ، بالنهاية الحذر واجب والتحري مطلوب في هالأمور

 

[المركز المالي]

يرجى الانتباه ان بعض السيارات اذا مافيها مواصفات الخليج ما تدخل الكويت مثل حزام الامان و التنبيه على سرعة 120 كيلو و غيرها

مشكور اخوي على التنبيه
لكن ما اعتقد في سيارة ما فيها حزام امان :d وحتى لو ما فيها تقدر تركبلها حزام وتدخلها بدون مشكلة ، اما تنبيه السرعة ما في مشكلة انا سيارتي ما فيها لا تنبيه ولا قفل عداد

وعلشان تكونون بالصورة
الجهة المعنية بالتأكد من مطابقة السيارة للمواصفات الخليجية :
1-ادارة المواصفات والمقاييس التابعة لوزارة التجارة (المنطقة الحرة)
2-الفحص الفني للمرور

فالسيارة لما توصل تدخل الكويت بس لازم تمر على هالجهتين ويعطونك الموافقة وبالتالي تطلع الدفتر واللوحات

والصراحة هم يشوفون السيارة من بره يعني عليها تظليل او ملصقات او في تغيير كبير بشكل السيارة اما الأمور الميكانيكية والتفاصيل ما لهم شغل فيها

اللي حصل معاي اني استلمت السيارة من المينا وكانت كل الجامات مظللة والمخلص الجمركي قالي لازم تشيله علشان الفحص وفعلا رحت احد المحلات وشلته لاني الصراحة ما شوف شي من الجام ، اليوم الثاني صعدت الدور الثالث في مؤسسة الموانئ (الفحص المبدئي) وشاف الفاحص السيارة ولاحظ ان الجامتين اللي ورا السايق غامجين (الجامة نفسها) وقال لازم تبدلهم وحتى لو طوفتك راح يمسكونك فحص المرور ، بعدها قالي في طريقة ثانية انك تبدل الجامات اجار بس وبعد الفحص ترد الأصلية ، المهم بدلتهم ورجعت ختمت الأوراق عنده

بعدها رحت ادارة المواصفات عطيت الأخ الأوراق وقالي الجامات مظللة؟ قلت لأ وختم الورقة مع رسوم 60 دينار

بعدها رحت الفحص الفني شاف السيارة من بره على السريع واهم شي عندهم التظليل واخذ الأوراق وختمهم ومشيت سيدا على المحل ارجع الجامات

وسلامتكم
عسى ما نمتو صارت قصة :d

 

[liger79]

بارك الله فيك
والله يرحم والديك
حليت مشكلة عندي ... والله يسّر عليك
ومشكور طال عمرك مرة ثانية
:d:d
​

 

[المركز المالي]

بارك الله فيك
والله يرحم والديك
حليت مشكلة عندي ... والله يسّر عليك
ومشكور طال عمرك مرة ثانية
:d:d
​

الله يسلمك اخوي وما تقصر واي مشكلة او سؤال يخص الموضوع انا حاضر وبالخدمة

 

[©A©]

شكرا لك عالافاده والله يجعله في ميزان اعمالك. عندي كم تساؤل اذا يتسع صدرك.

هل بدا استقطاع القسط قبل وصول السياره؟

ما هي الضمانات في حال عدم مطابقه المواصفات او النظافه و هل يوجد تأمين على ذلك؟ (تقرير معتمد ومكفول)

هل يمكن اعادة تصدير السياره قبل جمركها بالكويت مع بقائها مطلوبه بالاقساط لبيت التمويل؟

خوش سؤال الاخير و شكرا مقدما.

 

[المركز المالي]

شكرا لك عالافاده والله يجعله في ميزان اعمالك. عندي كم تساؤل اذا يتسع صدرك.

هل بدا استقطاع القسط قبل وصول السياره؟

ما هي الضمانات في حال عدم مطابقه المواصفات او النظافه و هل يوجد تأمين على ذلك؟ (تقرير معتمد ومكفول)

هل يمكن اعادة تصدير السياره قبل جمركها بالكويت مع بقائها مطلوبه بالاقساط لبيت التمويل؟

خوش سؤال الاخير و شكرا مقدما.

امين وياك اخوي
بس ياليت يكون سؤال واحد لأن المتصلين وايد
اسأل طال عمرك كثر ماتبي

اولا القسط يستقطع في موعده المحدد سواء وصلت السيارة ولا ما وصلت.

ثانيا الضمان الوحيد يكون بينك وبين البايع الأول اللي هو الشركة او المكتب اللي اخترت منه السيارة من خلال شهادة ضمان او ورقة فحص معتمدة من شركه معروفه وقبل هذا السمعة الجيدة للبايع هي اكبر ضمان للسيارة (ممكن يفيدك المكتب هناك بهالشي بحكم خبرته في البيع والشراء)
اما البنك فيشتري السيارة على مسؤوليتك ويبيعها لك على افتراض انك شفتها وفحصتها وكذلك المكتب اللي يتعامل معاه فهو وسيط بينكم ياخذ عمولة على شغله هناك من شراء وشحن وتخليص معاملات فقط وما يضمن لك شي الا في حالة وحده اذا كانت السيارة في نفس الولاية (تكساس) ممكن انه يفحصها لك بمقابل طبعا اما غيره لأ.

ثالثا تلقاها ان شاء الله عند الخبير الأخ سامر الصياد (مخلص جمركي) رقمه:99062150

والله يوفق الجميع

 

[©A©]

يا مال العافيه و الله يهنيك بالموتر يعطيك خيره و يكافيك شره

شكرا على المعلومات

 

[المركز المالي]

يا مال العافيه و الله يهنيك بالموتر يعطيك خيره و يكافيك شره

شكرا على المعلومات

الله يعافيك ويسلمك اخوي ومشكور على الدعوة الطيبة وحاضرين بأي وقت

 

[range2008]

ديرباك

ولد عمي ترى بوعماد ريال ونعم فيه اذا الى ابالي وهذا رقمه اعتقد بامريكا 12144780630 وانا الصراحه صارلي 8 سنوات اتعامل معاه ريال ثقه والنعم فيه ...بس عندي شغله احب اوضحها حق الشباب بالنسبه حق وزاره التجاره انت اطلع ورقه منهم صح ياخذون بطاقتك المدنيه ويطلعون على ضوئها ورقه تثبت انك افلان الفلاني يايب سياره نوعها كذا وموديلها كذا ورقم شاصيها كذا بس ترى حدك سياره كل سنتين .....انتبه سياره واحده كل سنتين ........وسامحوناعلى القصور سلام عليكم

 

[المركز المالي]

ولد عمي ترى بوعماد ريال ونعم فيه اذا الى ابالي وهذا رقمه اعتقد بامريكا 12144780630 وانا الصراحه صارلي 8 سنوات اتعامل معاه ريال ثقه والنعم فيه ...بس عندي شغله احب اوضحها حق الشباب بالنسبه حق وزاره التجاره انت اطلع ورقه منهم صح ياخذون بطاقتك المدنيه ويطلعون على ضوئها ورقه تثبت انك افلان الفلاني يايب سياره نوعها كذا وموديلها كذا ورقم شاصيها كذا بس ترى حدك سياره كل سنتين .....انتبه سياره واحده كل سنتين ........وسامحوناعلى القصور سلام عليكم

اولا مشكور اخوي على المعلومة القيمة وما من قصور طال عمرك وصحيح كلامك بوعماد ونعم فيه وفي ولده عماد ماقصروا الصراحه معاي والمشكلة الوحيدة اللي واجهتها هي التأخر في الشحن وهالشي موبيدهم

 

[سعود1978]

اولا يعطيك خيره ويكفيك شرا اذا ابي اييب سياره اول مره من امريكا تقدر تقولي خطوات المهمه اولا قبل ما اشتري السياره اذا ما عليك امر ومشكوووووور