اقراء ابلاش
ا
احسن ماسوو ايقاف البورصة
كان لازم من زمان
لن فيه ناس ماتفهم شي بالبورصه
والمتداولين الايام هذي جبناء اي خبر بيع ولو ابخساره
ويرد يشتري مره ثانيه ويقولوله جاك الذيب وينحاش مره ثانيه خسران
لين قعد علا الحديده
ياخي بورصتنا مومثل البورصاة العالميه كم شخص وكم محفضه تتداول فيها
واذا عرضة السهم مايقعد 10 ثواني والعمليه اتم
وفيها مضاربين من جميع الاجناس
--------------------------
ياخوان بورصتنا حق اللي يستثمر فيها علا مدى طويل او سنة كامله بس
هذى نضام أباءنا اللي ماضيعو افلوسهم بالمغامرات
وماشاءالله عليهم اعرفو يمشون علا الدنيا ابكتمان
ومن تفكير الاباء انه لا دخل بشركه اعتبر انه شريك بالشركه
ويحصد من ارباحها هذي هو المطلوب
مو الجيل هذي مو عارف ايركز او يمشي علا مزاجه
بس قاعد يمشي علا اقاويل الناس واخبار وهميه
وهذى اتنزل فيه اشوي اشوي لين يقولوله بيباي
يا أخي اذا لاقي افلوسك بالشارع سلمها لاقرب مخفر
او اذا كانت لك ومنت قادر اتحافض عليها اييدك اتحكك
اعمل ياخي لاخرتك اتبرع فيها او ونس جهالك ببعض منها
خل اعيالك يذكرونك بالخير ويحبونك اكثر
------------------------------
واذا بعض الاخوان يحب انه يتحرك او يشغل
وقته بس
اقوله بيع بنق علا الدوار واشغل وقتك
احسن من الخساير بالبورصه
-----------------------------
وانا اقول للاخوان العقال اللي تفهم بالمنطق
انت قاعد اتخسر كل يوم وقاعد تحرق وقتك
انسا الاسهم اذا عندك اسهم ولا تفكر فيها
قول انك داخل شريك مع واحد علا مدار سنه
وراح تخرج من الشريك بعد سنه او تاخذ ارباحك
وبعدين اتفكر
ولا تفكر ابربح سريع ترى غيرك كان يفكر فوق
وانكسر مره ورى مره
لين قعد بالدواوين يبيع حجي وجذب زايد
وينام علا ابروج وعماير
ويصحى علا ام العيال
((( قوم ود الجهال المدرسه ولا تنسا اتجيب لبن وحليب )))
والسلام عليكم ورحمت الله وبركاته