jeme_E
عضو مميز
اللي قاعد يهاجمون الحميضي ... بذمتكم على شنو تهاجمونه؟!؟! ... الريال يتكلم بشكل اقتصادي علمي بحت ... على شنو تنتقدونه بعرف ... قولوا طفرانين من البورصه بس لا تهاجمون الناس الكفو ...
و بخصوص العجز الاكتواري ... تبي الدوله تقط مدخراتنا على واحد شاري بورش يغازل فيها و الا تبي الدوله تحمي الشركات و البنوك اللي مسلفتها من السقوط؟؟؟؟
قبل لا تتكلمون .. انتوا تدرون القروض اللي ماخذتها الشركات من وين؟؟ .. هذي ودايعكم اللي في البنوك يا حظي ... اذا فلست الشركات منو بيسدد للبنوك؟؟ .. يعني فلوسكم اللي بالبنوك تطير
وصلت الفكره؟؟
و نصيحه ... احتراما لجميع المدارس و المدرسين و الكتب و الشهادات اللي بحياتكم .. لا تمدحون بورميه ... ترى و الله مو حلوه بحقكم كناس تتكلم بالاقتصاد
والله ياخوك لا احنا مع بورميه ولا مع اي واحد يقول للدوله
ادفعي اغلاط الناس
ولو في رقابه جيده كان ماشفنا هل اوضاع
والسوق نزول وصعود بس مانبي تصريحات ناريه الهدف منها تدمير ماتبقى
وعلى قولتك مو معقوله الدوله تدفع عن المراهق ابو 21 سنه قيمة قرض البورش اللى باعه بنص سعره
بس هم مو مع عدم وجود رقابه وانه يتدبس 15-20 سنه ينقص نص معاشه
وفوق ما المعاش ما يلحق نعميها ونقول غلط تحمل والنتيجه اسره متدهوره
ماديا وبعدين نفسيا ويمكن نشوف انحرافات لاقدر الله
والشركات اللى كل راس مالها قروض وماعندها اصول وين الحكومه عنها
ولا نزل شركه واخذ قرض على اصولك دبلين ثلاثه وبعدين قول دبست
وللاسف الوضع من سيء الى اسوء وكل ماقلنا بتعدل تخرب اكثر
والله يستر على هل ديره اللى ماندري وين رايحه
اتمني انك تتقبل بكلامي بصدر رحب واعتبره وجهة نظر