ادخل واكتب بيت شعر يعبر عن حاتلك النفسيه ..

[كويتيه @]

صدقني قربك صعب !

وفرآقك

آآآصعب


وآحترت آنآ مآبين قربك وفرقآآآك

 

[قلم حر]

اصبر شوي تكفا
اجلس هنا جمبي
مشتاق لك قلبي
والشوق ما يخفى
في نظرة عيوني
ما شفت وشلوني​

 

[فارس القيروان]

وش اللـي مكلفـني علـى حـبن وراه فراقـ ,,, يالـيت الحـب ياتـيني بـلا سـم الـهوى فـرقى
,,,,,,
تدري وش اللي في غيابك اسويه ,,, اتخيلك قدام عيني واسوولف,,,
,,,,,,
وش حيلة اللي هام في حب مخلوق ,,,, فـرقاه ( موت ) وشوفته ( مستحيله )

ادري كثرت بس هاذي الابيات اللي ارددها وبأستمرار

 

[بونظمي]

ههههههههههههه والله العظيم مت من الضحك
مادرى قريت القصيدة الى قبل هذى
عقب مانزلت على هلقصيده فصلت
مع احترامى لعزيزى قلم حر
لكن القصيدتين شتاااااااااااان عن بعض

قلم حر -- احيييك من قلبى

مش كور بونظمى _ مالت الاسود تخوف

هلا بالدقيسي والله العفو اخوي
اي هذا الاسد يبه وماادراك ما الاسد

اذا رأيت نيوب الليث بارزةً--فلا تظنن بأن الليث يبتسمُ(من شعر المتنبي)​

واقول: حبك حشرني حشرت القير بثنين---الضغط 6 والتواير مصاليخ

 

[بونظمي]

صدقني قربك صعب !

وفرآقك

آآآصعب


وآحترت آنآ مآبين قربك وفرقآآآك

لو تقولين:
احترت ما بين غار السبع والض--- بع داخل عقربه وبالباب حيه
جذي اقوى وارصن ومعنى قوي جزل
لوكلمن ياونجر---ماظل بالوادي شجر

 

[q1888]

لا يحمل الحقد من تعلو به الرتب ولا ينال الرضى من طبعه الغضب000 لله در بني عبس لقد نسلو من الاكارم مالم تنسل العرب

 

[قلم حر]

طال السفر

والمنتظر مل صبره

والشوق با محبوب في ناظري شاب


رد النظر

خليت بالكف جمره

سعيرها في داخل القلب شباب


عز الخبر

والمهتوي ضاق صدره

يا من يرد العلم عن هاك الأحباب


طيفه عبر

ما أرسل مع الطيف عذره

هو خاطره من لوعتي ما بعد طاب


هو ما ذكر

أن الجفا فيه كسره

للخافق اللي من هوى صاحبه ذاب


يا ما سهر

طرفي على حبس عبره

اردها والوجد للدمع جذاب


دمعٍ حدر

جاله على المنع جسره

عظيم وجدي للدمع شرع الباب


يوم وشهر

عزاه والعمر مره

والناس واجد لكن الولف غلاب​

 

[Q8_cat]

مايزعجني هو أني مازلت أتخبط بين خيارين

أن أفقد ذكرياتك وأملكني .. أو أملك ذكرياتك وأعيشها وأحرقني

لايمكن أن تعيش بجسد واحد معاً أحدهم سيحرق الآخر أخاف أن يأكلني حزني عليك وماذا يتبقى مني للأخرين .. ؟

لا أريد أن أبقى في الحياه كحطام .. مازلت طفلةٍ أمام كل هذا الألم واختياره ..!

 

[kuwaitey]

قصيدة ياليل خبرنى ... بصوت الامير خالد الفيصل ​

http://www.eqla3.com/sh3r/voice/yalail_khabbrny.ram​

 

[بونظمي]

لا يحمل الحقد من تعلو به الرتب ولا ينال الرضى من طبعه الغضب000 لله در بني عبس لقد نسلو من الاكارم مالم تنسل العرب

شعر عنتره بن شداد
شكرا على هذا البيت الشعري الجميل

 

[kuwaitey]

ياشبيه الريــم ذاير من صدا الصوت .. .. .. سيد المها يلى تقود الجوازى

حبك حياتى فى حشى الروح منحوت .. .. .. تحت الصخر فى عالى النوازي

اشقيتنى وياك ذوقتنى الموت .. .. .. خليت جفنى من حلا النوم قاسي ​

 

[children's link]

سعيد انا باشتراكي و اسعد انكم قبلتوني
يوم دشيت على ايميلي لقيت ايميلكم اللي ارسلتولي
مبروك وافقنا على اشتراكك جذييه انتو كتبتولي
قلت ابدي احييكم و اشكركم مثل ما شكرتوني

 

[دنياء غريبه]

ياقلب لاتشكي همومك على الناس
ماكل شخص (ن) يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

 

[بلازمي]

سلام
------
بسبب ال
او
ضاع
الوطن ضاع....
الوضع ياصاحبي كله ... امجير حق لخرافي
عاشت لنا ديره الشله...ماشوف بو واحدن صافي
احدن ملك مزرعه وفله ... ومحولي دايمن طافي


-----

 

[athbey]

الا العيون ابخل بها مقدر اعطيك**وش فايده دنياي دون شوفك​

 

[children's link]

اليوم انا بالنت مشغول حدي....... جنه مانخلق النت الا حقي
من تولعت فيه و انا ماعرف الا هو و صلاتي لربي
الكل يعاتبني و يلومني خليه و لاتخلي
لكن هذا العشق و احب النت و صار يجري بدمي

 

[kuwaitey]

هذا حال الدنيا عذاب وجاحد ومجحود ..... ولايمكن ابد بسمه تهني نفس شقيانه

حسافه وكل ماقلنا يتقبل ويزيد فيها صدود ..... مثل نار تدفى ناس وتنام واهى بردانه

لو ان العمر يهدى ولو ان العمر محدود ..... نذرت لهدى انا عمرى لبو عينين نعسانه​

 

[tigershark32002]

اهم اهم اهي اهي اهو اهو اها اها اااااااااااششششششششششششششششششششوووووووووووووووووووووووووووووووووووووووووووو

الحمد لله

اعذروني يا جماعه تراني منشول
اااااااااااااااششششششششششششششششووووووووووووووو

 

[قلم حر]

اهم اهم اهي اهي اهو اهو اها اها اااااااااااششششششششششششششششششششوووووووووووووووووووووووووووووووووووووووووووو

الحمد لله

اعذروني يا جماعه تراني منشول
اااااااااااااااششششششششششششششششووووووووووووووو

يرحمك الله​

 

[بو بندر 2000]

يا كثر ما قلت أبسوي وأبسوي,,,, ولا فية شئ من اللى قلت سويتة
راحت حياتى وأنا أطري وانا أنوي ,,,,واللى بغيتة نسيتة يوم خليتة
أنا احسبنى صغير وبالعمر توي ,,,, لا شك شيبت واحلى العمر عديتة
يا ليتنى يا حمد يومة صفا جوي,,,, هاك الزمن يا شريف البيت خاويتة
يا كثر ما قلت أبسوي وأبسوي ,,,, ولا فية شئ من اللى قلت سويتة​

​

​

​

​