سؤال ضروي...شنو اللي يخلي الزوج ما يقعد في البيت

[عذووب]

كثرة الحنه والرنه
كل شي مو عاجبها
اول ما تدخل البيت تقولك روح اسبح يقول جنك كنت تشتغل في البواليع \
كثرة الطلبات من سبب ومن غير سبب


والاكثر مشغلها ريلها سايق

ههههههه اول مره تمر علي روح تسبح ههههههههههههه

 

[عذووب]

السبب اهو نزول البورصه .. من اليوم كل النفسيات بتصير زينه بسبب صعود البورصه ..

هممممممم سبب حلو

 

[عذووب]

1+1=2
منو ما يبي يرتاح في بيته بين زوجته وعياله يستانس وياهم ويونسهم
اعتقد انه بالامكان نعيش عيشة قليلة المشاكل (ما اقول عديمة المشاكل)
وطبعا لازم يكون التعاون بين الزوجين
ومو كل شي مو زين نحطة عالزوجة
احيانا تحتاج الزوجة انك تعاملها كصديقة
تسمع لها باهتمام وتناقشها في مواضيعها
وهم الزوجة لازم تختار الوقت المناسب للسوالف
وامور كثيرة جدا ما يمكن يسع لها المكان

عاد انتي قيسيها والله يوفقك

وي يا حلو كلامك بومشاري ايين وكلام معقول

 

[عذووب]

ماشالله الجماعه اطباء نفسيين

بس في نقطة محد تطرق لها واهي

انه الانسان بطبعة ملول واصلا من الصحي انه الحياة الزوجية يصير فيها تجديد

يعني الريال يغير نفسيتة ويروح الدوانية ويروح البر ويرجع بنفسية يديدة وراحة اكبر

وبالتالي علاقتهم تصير احسن مع الوقت

ولو الريال قعد فترة طويلة بالبيت اكيد بمل وبيتهاوش مع مرتة

كل يوم منقا منقا منقا منقا ما يصير لازم التغيير

يوم منقا ويوم تفاح ويوم برتقال ويوم فراولة

لحد يفهم غلط قصدي كل فاكهه تمثل فئة ( الاهل - الزوجه - الاصدقاء - الرياضة وجذية)

كلامك صح بس انا قصدي الخروج لساعات طويلة يعين ما تشوفه الا وقت الغدا او العشا او ينام يعقد العصر يبدل يطلع يرد بالليل ينام هذا اللي كان قصدي

 

[OVER-THE-TOP]

كلامك صح بس انا قصدي الخروج لساعات طويلة يعين ما تشوفه الا وقت الغدا او العشا او ينام يعقد العصر يبدل يطلع يرد بالليل ينام هذا اللي كان قصدي

طبعا اللي يسوي جذيه غلط ( لا فراط ولا تفريط)

يعني الواحد يوازن بين بيته وعيالة ونفسة و واجباتة الاجتماعية

وفي سبب ثاني مهم

اخت عذوب انت كاتبة البلد : قلب ابوي و اخواني اللي اهم كل دنيتي

والزوج مو بالحسبة عشان جذية الريال ما يقعد بالبيت

متى ما حس بعدم اهميتة

 

[عذووب]

طبعا اللي يسوي جذيه غلط ( لا فراط ولا تفريط)

يعني الواحد يوازن بين بيته وعيالة ونفسة و واجباتة الاجتماعية

وفي سبب ثاني مهم

اخت عذوب انت كاتبة البلد : قلب ابوي و اخواني اللي اهم كل دنيتي

والزوج مو بالحسبة عشان جذية الريال ما يقعد بالبيت

متى ما حس بعدم اهميتة

انا اصلا مو متزوجة
وعلشان جذي سالت

 

[OVER-THE-TOP]

مدام مو متزوجه ضيفيهم الى الاسباب اللي تخلي الريال يطلع من البيت

يحس انه اهل زوجتة ورفيجاتها وشغلها اهم منه

بالتوفيق انشالله خوش موضوع وخوش مشاركات

 

[TAHOE]

بعد هذا ما يبيله تفكير يا عذوب ,, الجواب واضح

الصفه النسوريه المتأصله في بعض النساء ( قلت بعض - حتى ما أهاجم من البعض الآخر )

اكو واحد يبي يجابل امغلوث بالبيت ؟؟ لانها راح اتعضه ويروح المستشفى ويغزونه 7 ابر عن العدوى

فاذا المراه تبي زوجها يقعد وينثبر بالبيت ويجابلها ,, خل تمحي هذي الصفه من طبعها

 

[coooool2]

صباحكم خضر


سؤال شنو الي يخلي الزوج يطفش من البيت

ويمل من زوجته والكلام معاها

ويكون بره يضحك ويفرفش وبالبيت مليق ودمه ثقيل وعصبي والأهم من كل هذا ما يكون سعيد ومرتاح يا ليت الكل يرد علي بليييز

دائما الاخطاء من الزوجه..مستحيل الزوج يسوي الا اذا زوجته ما تدور على راحته ..تزيد الهم اللي فيه ..
يروح الدوام الصبح والزوجه قاعده بالبيت ..توه راد من الدوام ..اول ما يدخل البيت .. ..الزوجه تقوله شفيييك و تصرخ بويهه ليش ما سويتلي هذا وهذا وهذا وحنه ونجره على الراس ..كافي الزوج متحمل ضغط الدوام ..تبي تضعط على راس الزوج دبلات لدرجه اييله انهيار عصبي ..!!

صدقوني الزوج وده يقول كلام حلو حق زوجته بس زوجته تمنعه بشكل غير مباشر و تخليه يعصب ..

((لو الزوجات تخلي ازواجاهم يرتاحون من الدوام جان حنا بخير))

 

[جبله]

في اكثر من سبب يخلي الزوج مايقعد بالبيبت وغالبا الزوجه ليست من هذه الاسباب يعني الريال كان متعود قبل الزواج انه مايقعد بالبيت فصعب انه يغير العاده طبعا بغض النظر عن اول ايام الزواج هذا شي اما الشي الثاني من البديهي انه الرجل او الزوج ربعه وايد وبالتالي دواوينه وايد وعشان مايخسر احد راح يقعد بالدواوين هذي ويمكن كل بوم ديوانيه ومن احد الاسباب بعد انه لازم يوجب العشاء والسحور والغداء اذا انعزم ووين المشكله اذا كل يوم يطلع دام قايم بواجباته الزوجيه يطلع مع زوجته ويزور اهلها ويادي الواجب مع عايلتها يعني راضي مرته وانا اشوف انه غالبا الزوجه مو سبب يخلي الزوج مايقعد بالبيت لانه لو كان نفس ماتقولون مو الا يطلع بره البيت يروح صاله ثانيه أوداره ومايقعد معاها اذا متأذي من طلباتها الا اذا بتلحقه وين مايروح بالبيت هذي حدها دعله بتكون وجهة نظر ليس إلا

 

[q82007]

انا اعترض على السؤال

لان الطبيعي هو خروج الرجل والغير طبيعي هو ان يكون الرجل حبيس المنزل

 

[nestla]

ماشالله الجماعه اطباء نفسيين

بس في نقطة محد تطرق لها واهي

انه الانسان بطبعة ملول واصلا من الصحي انه الحياة الزوجية يصير فيها تجديد

يعني الريال يغير نفسيتة ويروح الدوانية ويروح البر ويرجع بنفسية يديدة وراحة اكبر

وبالتالي علاقتهم تصير احسن مع الوقت

ولو الريال قعد فترة طويلة بالبيت اكيد بمل وبيتهاوش مع مرتة

كل يوم منقا منقا منقا منقا ما يصير لازم التغيير

يوم منقا ويوم تفاح ويوم برتقال ويوم فراولة

لحد يفهم غلط قصدي كل فاكهه تمثل فئة ( الاهل - الزوجه - الاصدقاء - الرياضة وجذية)

صح لسانك نفس الي كنت بقوله
بس الشي اذا زاد عن حده يصير بايخ صحيح لابد من تغيير الروتين ولكن بشكل معقول , يعني مو 12 ساعه بره البيت اذا مو اكثر .

 

[nestla]

يحس انه اهل زوجتة ورفيجاتها وشغلها اهم منه
بالتوفيق انشالله خوش موضوع وخوش مشاركات

لا يوجد مقارنه بين حب الزوج وحب الاهل لان كل منهم يكون حبه بطريقه مختلفه . وابيخ سؤال لي سأل الزوج زوجته تحبين منو اكثر ؟ انا وله اهلج ؟؟

 

[nouf]

بصراحه لان طبعه يحب الهروب من المسئوليه!!!!!!!!!!!!!!!!!

 

[coooool2]

لا يوجد مقارنه بين حب الزوج وحب الاهل لان كل منهم يكون حبه بطريقه مختلفه . وابيخ سؤال لي سأل الزوج زوجته تحبين منو اكثر ؟ انا وله اهلج ؟؟

سهل طبعا راح ترد و تقول اهلي و اذا قالت الزوج يعني تجذب

 

[coooool2]

بصراحه لان طبعه يحب الهروب من المسئوليه!!!!!!!!!!!!!!!!!

ما اظن ..

 

[قاروه]

السلام عليكم ورحمة الله

الاسباب كثيره لكن

اولا يجب العلم ان شخصية الزوج تختلف مع الام عن الاب عن الاخ عن الاخوات عن الزوجه وعن الربع

ليس المقصد ان يكون متعدد الشخصيات لكن في البيت احيانا يطالب بان

يكون شديد واحيانا حكيم واحيانا يكون بمثابة الاب والام لاخوته وزوجته والقائمه تطول ..

ثانيا ما هي طبيعه الزوجه ؟

هل تؤدي واجباتها على اكمل وجه ؟

لكل رجل طباع خاصه فيه وتختلف من شخص لاخر

يجب عليها ان تولي زوجها اولى اولوياتها

من حيث

تبدي اهتمامها له

انه اهم من كل اصدقاء واهل الزوجه

وتسأل عنه كل ما غاب عن المنزل وتحسسه بالاشتياق (هذا من الجانب العاطفي)

لاتبدي مقارنه نفسها من اخوات الزوج من افضل عندك او من تحب اكثر فلكل منهم قدر معين عند الزوج

احيانا الرجل يكون بحاجه لمن يشكي او ينصت له

يكون شغله زاهب من ناحية الملابس

ان لا تكون كثيرة الطلبات وكثيرة الخروج

تبدي اهتمامها لاطفالهم (مو بيد الخدم)

ان لا تكون كثيرة المشاكل مع اهل زوجها يجب عليها الصبر واحتساب الاجر

ان تكون كاتمة اسرار زوجها (مو كونا ولا رويتر )

هل تخالف رأي زوجها (تكسر كلمته وتطلع )

واجب الزوجه شرعيا تجاه زوجها

والقائمه تطول ..

ثالثا والاهم

ما هي طبيعه الزوج

ليس كل الذكور يطلق عليهم صفة رجال

هل هو مصون لبيته واهله (او راعي خرابيط)

هل يولي بيته اولى اولوياته ام ربعه والديوانيه والطلعات

كريم في بيته ام لا

ينصت لزوجته في لحظات ضعفها او ياكثر هذرتها !

مؤدي لواجباته شرعيا تجاه زوجته

والقائمه تطول ...

 

[نوط بو 1000]

جواب سؤالج هو عكس جواب هالسؤال :

شنو إللي يخلي الزوج ما يطلع من البيت..؟!

 

[nestla]

سهل طبعا راح ترد و تقول اهلي و اذا قالت الزوج يعني تجذب

مافي مقارنه بين الاثننين لان حب الزوج يكون بشكل مختلف عن حب الاهل .
لمه تتزوج راح تحس بهالشي هذا اذا تزوجت مع اني اشك بهالشي

 

[nestla]

بصراحه لان طبعه يحب الهروب من المسئوليه!!!!!!!!!!!!!!!!!

هههه
اكيد برجه الميزان