السلام عليكم ورحمة الله وبركاته. ياجماعه الخير حبيت افتح موضوع جديد.. الموضوع عن متاجره بالبورصه من مضاربه واستثمار . اولا اكثرنا موظفين ...وجمعنا رأس المال الي وضعناه في البورصه من معاش الوظيفه المتواضع . قبل سنه وثلاث شهور اشتريت اسهم شركه استثماريه بقيمة 9150 دينار بقصد المضاربه المهم اني تدبست بهذا السهم وبعد صبر طويل استلمت ارباح هذي الشركه وهي عباره عن 25 منحه و 70 نقدي . طبعا تفسخ السهم وتيتي تيتي مثل مارحتي جيتي. طبعا في لحظة تفسيخ السهم كان رأس مال موجود.. لكن بعد بدأ السهم في نزول ..بالعربي يااخوان .. احنا لعبه التجار بالبلد . يمكن تكون البورصه حديقة صيد للتجار ياخذون فيها ادخارنا يعني معقوله التاجر يربحك معاه وانت قاعد ابيتكم مريح جدام التلفزيون تشرب شاي وهو يكرف انا اشوف ان البورصه فيها ناس محظوظين واكثر الناس خسرانه ولولا الناس المحظوظين مادخلو ناس جدد بالبورصه..