يا جماعة الخير .. محّد نزّه الديرة عن الأخطاء و السلبيات
و محّد قال إن حكومتنا أحسن و أصدق و (أنزه) حكومه بالعالم!
كل دولة وكل قُطر و كل إقليم لهم مشاكلهم الخاصه ولهم تحدّيات
تناسب تكوين المكان الجغرافي أو العرقي أو الديني أو الإقتصادي
أو الثقافي وبالنهاية (السياسي بمفهومه العرفي و الحديث والذي
يجمع -باعتقادي - جميع أنواع دوافع تغيير أنظمة الحكم و العيش
في أي بقعه من بقاع المعموره ..
بس ترا يالغاليين و الطيبين في شي لازم ما يفارق ذهنا أبد
ترا الواحد ما يحس بالنعمه إلاّ ليمن يفقدها .. ومحّد ينسى
فقدنا لنعمة الأمن بليله ظلماء و تمرمرنا بين الدول ولو ما الله
سبحانه جان عيشتنا ألحين مثل عيشة أهل العراق .. وما
أدراك ما عيشتهم ، يا جماعة لا تنكرون نعم الله على هالديره
كلنا ندري إن في (بوق=سرقه) و اختلاسات و جذب و تدليس
و تدني بأداء جميع قطاعات الدوله و عدم تحرّك عجلة الإقتصاد
والتنميه وندري وندري وندري .. بس أمانه .. مو أحسن مليون
مرّه من الحكومات البوليسيه .. اللي الواحد يطلع من بيته وما
يدرون أهله إذا بيرجع لهم ولا .. لأ!!!!!!!
مقولة حلوة دايماً أرددها .. تقول :
النعم إذا شُكِرت قَرَّت .. وإذا نُكِرَت فرَّت !!!
صح لسانك مديرو وبعدين ياناس ترى الكويت حقك فيها مضمون يعني من تنولد لين تموت الدولة تدفع لك...(طبعاً ما أنكر أن فيه عيوب ومشاكل ) لكن يظل الأمر أهون من غيرنا..
تنولد يعطون أبوك خمسين...تدش الجامعه تاخذ إعانه تتخرج تتوظف وأنت قاعد ببيتكم لا ويمشي لك بدل بطالة..إذا ماتبي الحكومة ودشيت خاص هم تاخذ دعم عمالة...قولوا لي ويييييين أي دولة خليجية عندها نفسنا!!!!!!!!!
أهلنا بدبي يحسدونا ويقولون تاخذون بدل بطالة
المطلقه بهديرة معززة ومكرمة وحقها مكفووول...
نظام التأمينات الإجتماعية نعمة بحد ذاتها...
وغيره وغيره...
ترى والله الكويت بخير يا جماعه واللي بيتكلم عنها لا ينسى أن الكويت هي الأرض اللي تضم وتحتوي ومالنا غناة عنها وإذا فيه سلبيات مو من الكويت بل من سوء الإدارة ومجلس الأمة خير مثال