الشركه الكويتيه الصينيه للاستثمار (ش.م.ك) 5

[المهندس حسين]

4 ملفات إدراج على جدول «فنية البورصة» الخميس المقبل



كتب محسن السيد:
علمت «القبس» من مصادر مطلعة ان اللجنة الفنية لسوق الكويت للاوراق المالية ستلتئم مجددا يوم الخميس المقبل بعد نحو ثلاثة اشهر توقفت اللجنة خلالها عن مواصلة اجتماعاتها الدورية، وذلك لمناقشة عدة بنود مدرجة على جدول الاعمال في طليعتها مناقشة ملفات شركات محلية وخليجية تطلب الادراج في السوقين الرسمي والموازي.
واوضحت المصادر ان اللجنة ستناقش اربعة ملفات جاهزة للادراج انتهت الجهات المعنية في البورصة من دراستها، ثلاث شركات منها تطلب الادراج في السوق الرسمي وهي: مصرف الخليج التجاري والذي يتخذ من البحرين مقرا له وتملك شركات ومساهمون كويتيون حصصا مؤثرة في رأسماله، والشركة الكويتية - الصينية القابضة، وشركة كي جي ال لوجستيك، بينما سيعرض ملف شركة واحدة للادراج في السوق الموازي وهي شركة اعمار للتمويل والاجارة.
واشارت المصادر الى ان هناك طلبات لاكثر من 15 شركة لا تزال لدى الجهات المعنية في البورصة بعضها قيد الدراسة حاليا، وهي الشركات التي امدت البورصة بميزانيات حديثة للوقوف على مركزها المالي، وستعرض ملفات الشركات الجاهزة تباعا على اللجنة الفنية لمناقشتها.
على صعيد متصل، ذكرت المصادر ان ادارة البورصة ستناقش مع اللجنة موضوع الشركات التي تقدمت بطلبات لتخفيض رأسمالها في ظل الظروف المالية الحالية، لاجل اطلاع اللجنة الفنية على هذا الامر واستمزاج رأي اللجنة.
ومن المنتظر ان تستبق اللجنة المالية للسوق اجتماع الخميس المقبل، بعقد اجتماع في اليوم نفسه لمناقشة بعض الامور المالية المتعلقة بالسوق والتي تراكمت خلال اشهر الصيف الماضية، لترفع الى اللجنة الفنية في اجتماع اليوم نفسه.
وقالت المصادر: ان لجنة السوق العليا ستعقد اجتماعا في الاسبوع التالي لمناقشة بعض الملفات التي قد ترفع من اللجنة الفنية، بالاضافة الى امور اخرى مستجدة ستدرج على جدول الاعمال.

الله يعطيك العافية أخوي
ودنا نعرف الشركات الخمسة عشر اللي مقدمه أوراقها لدى البورصة

 

[^(ولد الكويت)^]

جم واصل سعر السهم بسوق الجت
؟​

​

وينكم يا أهل سوق الجت ؟؟؟​

 

[صريح ضد الريح]

لو جريدة غير القبس كان ممكن يكون عندي شك بالخبر

لكن ان شاء الله الخبر صحيح

مبروك للشباب

ان شاء الله سعر الادراج ممتاز خصوصا بعد الانتظار الطويل و عدم توزيع ارباح

اعتقد سعر الادراج راح يكون مرضي و خصوصا بعد ارتفاع و انتعاش شركات الخرافي و ايضا صفقه زين اللي ممكن انها تشيل السوق الى مستويات قياسية

اعتقد انهم اختاروا التوقيت المناسب

اذا صدق الخبر

 

[bmw740]

ما كو سوق الجت === فى سوق البرسيم

 

[بو مريم]

بارك الله فيك بنيدر


تقبل تحياتي

 

[rakan_yes]

بالمبارك

اخوكم بورااشد

بالمبارك شهر رمضان عليكم

 

[كـويتي]

مبروك

بس مو علشان الصينيه

لا مبروك عليكم الشهر

لان الصينيه طيبت الخااطر

بس حسبي الله ونعم الوكيل

 

[الخليج222]

مبروووووووووووووووك ألف مبروووووك وفالها ال 450 فلس إن شاءالله ولا أنا غلطان


مبارك عليكم الشهر
وكل عام وأنتم بألف خير ..

 

[لسه فاكر]

مبروووووووووووووووك ألف مبروووووك وفالها ال 450 فلس إن شاءالله ولا أنا غلطان


مبارك عليكم الشهر
وكل عام وأنتم بألف خير ..

مبروك عليكم الشهر الفضيل وهم مبروك للموافقة على ادراج الشركة الصينية .. لكن 450 أعتقد قوية ​

 

[محمود الشامي]

ألف مبروك لجميع \
ومبارك عليكم الشهر \
وانشاء الله ينفذوعاد

 

[الأبطح]

الله يرحم والديك bnyder2002
مشكور على الخبر

 

[عادل94]

لو سمحتو الي يعرف كم زكاة سهم الصينية يبلغنا

 

[z350]

للبيع اسهم الشركة الصينية 15000 الف على سعر 200 فلس للمراسلة على الخاص

 

[yasalam]

رحلة الالف ميل شكلها ابتنتهي أخيرا

زهقنا من المشي ويالشركة :d

 

[bmw740]

مبروووووووووووووووك ألف مبروووووك وفالها ال 450 فلس إن شاءالله ولا أنا غلطان


مبارك عليكم الشهر
وكل عام وأنتم بألف خير ..

خل يوصل السهم 150 فلس اول شيء

 

[بو مريم]

الف الف مبروووووك

هانت اهم شئ الموافقه علي الادراج : مو مهم كم سعر السهم في الوقت الحاضر المهم

نزووووووووووووووووووول هالشركه دوختنا من 4 سنوات السهم 150 ولا 200 ولا 300 ولا 400


المهم نشوفها مدرجه بالسوق


بالمبارك وبالتوفيق

 

[عليك ياالله]

مباركه

السلام عليكم ورحمة الله وبركاته

مبارك عليكم الشهر ....

في الحقيقة ...كنت متواجد هنا وتقريبا بشكل يومي منذ اكثر من سنه ...يعني على آخر مراحل التفاءل العام الماضي وقبل مرحلة اليأس اللي دخلنا فيها قبل فتره.....اختلفوا اعضاء زملاء مع بعضهم ...اتهامات متبادلة هنا وهناك ....انت محامي للشركه .....لا انت اصلا تبي سعر السهم ينزل عشان قاعد تجمع للتجار....وهكذا
لا ووصلنا مرحلة :: انت كويتي والا لا .....الكويتي ما يقول جذيه الكويتي يقول جذيه .....(((بالله عليكم يعني اذا انا قطيت بدليه بتخسر زين مثلا)))

عموما جميعنا تعلمنا بان الشي الوحيد في هذه الدنيا الذي تحمد عقباه هو الصبر وصبرنا ولله الحمد نلنا

مبروك لجميع المساهمين الموافقه على الادراج ...وان شاء الله فاله السعر الطيب

تحياتي

 

[كـويتي]

هههههههههههههه

السلام عليكم ورحمة الله وبركاته

مبارك عليكم الشهر ....

في الحقيقة ...كنت متواجد هنا وتقريبا بشكل يومي منذ اكثر من سنه ...يعني على آخر مراحل التفاءل العام الماضي وقبل مرحلة اليأس اللي دخلنا فيها قبل فتره.....اختلفوا اعضاء زملاء مع بعضهم ...اتهامات متبادلة هنا وهناك ....انت محامي للشركه .....لا انت اصلا تبي سعر السهم ينزل عشان قاعد تجمع للتجار....وهكذا
لا ووصلنا مرحلة :: انت كويتي والا لا .....الكويتي ما يقول جذيه الكويتي يقول جذيه .....(((بالله عليكم يعني اذا انا قطيت بدليه بتخسر زين مثلا)))

عموما جميعنا تعلمنا بان الشي الوحيد في هذه الدنيا الذي تحمد عقباه هو الصبر وصبرنا ولله الحمد نلنا

مبروك لجميع المساهمين الموافقه على الادراج ...وان شاء الله فاله السعر الطيب

تحياتي

هلا اخوي ومبارك عليك الشهر


كلامك كله سنع

بس لاتلوم الناس قااطع فلوسهاا تبي تربح مثله مثل اي شركه تم اكتتاب فيها وتم ادارجهاا ------ بس هذي الشركه الي طايح حظهاا والله يستر من السعر بعد اربع سنوات

واخوااني مادري شنو يزعلهم لما اتكلم علي الشركه جنه واحد منهم وفيهم

انا ماقلت شي وانا صرت مو كويتي

كلنا عيال قريه وكلنا يعرف خيه
خااف نصوووم نصوم ونفطر علي بصله​

 

[bmw740]

على شنو تبارجون حق بعض

البورصة ما وافقت على الادراج لى الحين و اذا فى احد يقول غير الكلام هذا خل اييب الدليل

 

[كـويتي]

انا ابي اشوف

البورصة ما وافقت على الادراج لى الحين و اذا فى احد يقول غير الكلام هذا خل اييب الدليل

والله ماندري عن الي يجيبون الاخبار ---
طلعوا مو ثقه

تكفي ابي اشوف ---
الدليل

---- انا ادري الشركه هذي ماورها الشي الزين


والناس تقولي احنا داشين ندور اخبار حلوه من وين نجيب اخبار نبوق من الشركات الثانيه ونحطها باسم الشركه الصينيه لابارك الله فيهم

وانت بس قاعد تكتب --- انا هذي حيلتي وانا سبق وشتكيت بس مافي زلم معاي

انا كتبت الشكوه في برنامج الثاني علي الخط هو برنامج اذاعي يبث علي الرادو وماقصروا وعرضوا المشكلتي ولكن انا بروحي ماينفع

اقول انا اروح لصين اسكن هناك احسن ليه

كل شي صاير مصخره

واعضاء مجلس الامه -- ماعندهم اله استجوابات ذبحوونا والله

اذا ماعطيك مناقصه تزعل ياعضو مجلس امه

ياخي ياعضو مجلس امه شوف الشعب

امانه مصخره 4 سنوات لو انهم زارعين طمااط جان ربحناا من ورااه هطماط

يعني ناس تبي فلوسها يبه تبي تدرس الي يبي يتزوج الي يبي يعدل بيته الي يبي يشتري سياره الي يبي يعوض خسارته في البورصه

يقولون اصبروا كل سنه

اصبروا بعد خمس سنوات بعد
عادي صبرتوا 4 اصببروا سنه وحده بس

اسمحولي ياشباب هذا القهر الي فينني