حقيـــقة مؤشر السوق الكويتي

[SWAT]

مساك الله بالخير بو محمد و عساك على القوة

رجاء توضيح ترقيم المثلث...لأنه أرى فيه شي غير واضح...إذا كانت بداية الموجهة للمثلث (a ) في الأسفل فكيف تكون الموجهة e في الأعلى ؟؟ أو إنه لبس المقصود مثلث على الأرجح إنما رسم للتوضيح.... رجاء التوضيح و لك كل الشكر

هلا بو أحمد, .. أي مثلث؟ آنه مو حاط مثلث!

اذا كان قصدك الخط الرمادي فهو فقط لتوضيح ان المؤشر ماستطاع ان يقفل قوق خط المقاومة الرمادي.. و ليس خط لمثلث. أعتذر اذا الصورة شوشت عليك.

مع التحيه[/QUOTE]

تسلم بو محمد...مو قايل لك الكبر شين...و أنا بعد قلت في قلبي مو معقول بومحمد يرسم المثلث بهذه الطريقة.

بو محمد

ترا عندي الصناعات

لا تخرعني هههههههههههههههههه

بروح القط الي صار عليها يوم الخميس دمرني

وانت الحين بتخوفني بعد !!!

ترا مو ناقص هههههههههههههههههههههههههههههههه

و إنت حضرتك تقول السوق نازل و راسم راس و كتفين قبل لا يكتمل النموذج و تقول عندك الصناعات...يعني باب النجار مخلع

علشان تحس بشعور الناس لمن تقعد تخوفهم

زين تسوي فيه بو محمد

 

[ميكانيكي]

هلا بو أحمد, .. أي مثلث؟ آنه مو حاط مثلث!

اذا كان قصدك الخط الرمادي فهو فقط لتوضيح ان المؤشر ماستطاع ان يقفل قوق خط المقاومة الرمادي.. و ليس خط لمثلث. أعتذر اذا الصورة شوشت عليك.

مع التحيه

تسلم بو محمد...مو قايل لك الكبر شين...و أنا بعد قلت في قلبي مو معقول بومحمد يرسم المثلث بهذه الطريقة.




و إنت حضرتك تقول السوق نازل و راسم راس و كتفين قبل لا يكتمل النموذج و تقول عندك الصناعات...يعني باب النجار مخلع



زين تسوي فيه بو محمد [/QUOTE]

انا ماقلت السوق بينزل قلت احتمال .. ولا توهقني مع العالم ::verymad::

وبعدين الصناعات قصته قصه طويله

المهم .. اخر السالفه صاحبي يقولي اذا خسرت انا اعطيك فلوس الخساره

قتله عيل خل تروح 100 فلس بالطقاق ::verymad::

 

[SS-eXchange]

السعوديين
اخوانا في السوق عندهم
يقولون
بلاش ارجاف

يعني بلاش تخويف

السوق ممممممممممتاز

وصاعد ​

 

[(طموح وقنوع)]

تسلم بو محمد...مو قايل لك الكبر شين...و أنا بعد قلت في قلبي مو معقول بومحمد يرسم المثلث بهذه الطريقة.




و إنت حضرتك تقول السوق نازل و راسم راس و كتفين قبل لا يكتمل النموذج و تقول عندك الصناعات...يعني باب النجار مخلع



زين تسوي فيه بو محمد

انا ماقلت السوق بينزل قلت احتمال .. ولا توهقني مع العالم ::verymad::

وبعدين الصناعات قصته قصه طويله

المهم .. اخر السالفه صاحبي يقولي اذا خسرت انا اعطيك فلوس الخساره

قتله عيل خل تروح 100 فلس بالطقاق ::verymad::[/QUOTE]

انزين قولي
واذا كنت شاري الصفوه على 63
شتسوي فيها باجر؟؟
تعرضها على 66 او 65 مثل ما انا ناوي؟؟​

 

[Navigator]

هلا بالحبيب بو عبد المحسن

مع أن المعدلات المتحركة لم تتقاطع سلبا للأسفل ألا انه يوجد شغلتين لاحظتهم على سبيل المثال في المؤشر الوزني (انظر التشارتات):

3. حجم التداول يوم الخميس كان أعلى حجم تداول على الاطلاق منذ بداية السنه و مع ذلك فشل بأن يقفل فوق خط المقاومة الرمادي, بل كسره و رد نزل تحته! و هذا يدل على أن المضاربة كانت قوية و مصحوبه بتصريف.. و الذي يقول بأن السوق فيه كاش قوي أقول له انت صح 100% لكن هذا الكاش مستغل للمضاربات السريعه (اضرب و اهرب).

بو عبد المحسن ! وين تحاليلك؟ ما أشوفك تحلل, شنهو فيه سبب؟

مع خالص التحيه


السلام عليكم

قواكم الله على المجهود الطيب

لكن ما احبكم اذا جبتوا طاري الكبر

بو محمد ان لم تخونني الذاكره اعتقد طفنا 200 مليون الشهر اللي فات بس اي يوم مو ذاكر

مع ان مؤشر الفاليوم مبين الخميس اكثر شي

لكني شبه متأكد من تجاوزنا 200 مليون دينار واعتقد عدد الاسهم قريب المليار او طافها

بالتوفيق

 

[المدير]

السلام عليكم .....​

 

[حقائق]

كيف حالك اخوي حقائق عندي سوال اتمنى القى اجابة واضحة عليه

الموشر السعري الحين بالموجة الرابعة من a او بالموجة بي الرئيسية

واذا كنا بالموجة الرابعة او بي الرئيسية اين نحن منها الان

ونفس السوال للوزني

شكرا لك مقدما

و الله يا أخي الكريم ما أعتقد انه فيه أحد متأكد 100% عن الوضع التصحيحي للتشارت و الذي يقول غير جذيه سواء من داخل الكويت أو خارجها أقول له اسمحلي! لكن العمليه تبقى احتمالات و الاحتمالات تتقلص مع مرور الوقت.

انت مثلا قلت اذا السوق في الموجة الرابعه وينه من الرابعه؟ اقول لك اذا في الرابعه هل تنتهي ببساطة كنموذج منبسط غير منتظم و للا تنتهي موجة "سي" على هيئة وتد أم يكون شيئ آخر.. و اذا بتقول موجة "بي" رئيسية فهذا صعب, التصحيح مطول و المشكلة الاقتصاديه الله أعلم توها في ثلث الطريج.

بالنسبة لأحد السيناريوهات التي مهتم فيه هو ان السوق في دور تشكيل موجه "بي" متوسطة و ممكن تكون بيسطه a-b-c و ممكن تنتهي على شكل وتد , و ما يندرى ممكن يسوي مثلث و سالفته تطول أو ..الخ.

لاحظ بأن التشارت المرفقه اسبوعي لذلك التفاصيل غير واضحه.

للأسف ما حصل عندي وقت كافي لتوضيح السيناروهات البديله.

بالتوفيق

 

[ميكانيكي]

بو محمد انا واحد من الناس الي اقول ان هذه مو الموجه بي

الي اعرفه ان لازم يصير احباط ويأس وهذا شي ماصار

ثاني شي الكويت كلها داشه السوق الحين وردة الثقه نوعا ما !!!!!!!!!!!!!!!!!!!!!!!!!!!!!!!!!!!!!

ثالث شي للحين ما اطلعت اخبار سلبيه عدل

رابع شي كميات التداول القويه ما يصير تكون بالموجه بي .. كميات التداول الي صايره الحين رهيبه !!!!!!!!!

ولا شرايك ؟

 

[ميكانيكي]

شوف السوق السعودي متى صعد عطاك الموجه بي

بعد سنتين !!!!!!!!!!

وانت اخبر بالسعودي
_______________

الكويت توها مبلشه تصحيح ماصارله سنه

مو معقوله الحين وقتها

حدي متشائم مو ؟ ههههههههههههههه::verymad::

هذا وانا ماعرف باليوت ::verymad::شرايكم بالتفلسف ؟

 

[m.h.a]

بو محمد انا واحد من الناس الي اقول ان هذه مو الموجه بي

الي اعرفه ان لازم يصير احباط ويأس وهذا شي ماصار

ثاني شي الكويت كلها داشه السوق الحين وردة الثقه نوعا ما !!!!!!!!!!!!!!!!!!!!!!!!!!!!!!!!!!!!!

ثالث شي للحين ما اطلعت اخبار سلبيه عدل

رابع شي كميات التداول القويه ما يصير تكون بالموجه بي .. كميات التداول الي صايره الحين رهيبه !!!!!!!!!

ولا شرايك ؟

الله يهديك يابو فجر
كل الي صار بشهر واحد وثنين

وما صار احباط ويأس ::verymad:: ::verymad::

 

[Navigator]

شوف السوق السعودي متى صعد عطاك الموجه بي

بعد سنتين !!!!!!!!!!

وانت اخبر بالسعودي
_______________

الكويت توها مبلشه تصحيح ماصارله سنه

مو معقوله الحين وقتها

حدي متشائم مو ؟ ههههههههههههههه::verymad::

هذا وانا ماعرف باليوت ::verymad::شرايكم بالتفلسف ؟

بو فجر الشارت السعودي تم تغييره قبل فتره

 

[خالد 44]

بو فجر الشارت السعودي تم تغييره قبل فتره

وتغييرات جوهريه بعد
وابعاد نسبة الاسهم الممسوكه من تاثيرها على المؤشر
واعتقد القمة اللي صارت ايام 11 الف تعادل قمة 21 الف إلم تتجاوزها

 

[SS-eXchange]

بسكم ارجاف وترجيف وتخويف

مختلفين على الموجه b والموجه a

السوق طالع طالع

وقولو آمين​

 

[Navigator]

بسكم ارجاف وترجيف وتخويف

مختلفين على الموجه b والموجه a

السوق طالع طالع

وقولو آمين​

السلام عليكم

يالغالي ليش تنظر للموضوع انه ترجيف وتخويف ؟

اذا انت مقتنع ان السوق طالع طالع عطنا اهدافه والله يوفقك ويرزقك

كل الجهد اللي يقومون فيه الاخوان تسميه ارجاف وترجيف وتخويف

 

[knp]

و الله يا أخي الكريم ما أعتقد انه فيه أحد متأكد 100% عن الوضع التصحيحي للتشارت و الذي يقول غير جذيه سواء من داخل الكويت أو خارجها أقول له اسمحلي! لكن العمليه تبقى احتمالات و الاحتمالات تتقلص مع مرور الوقت.

انت مثلا قلت اذا السوق في الموجة الرابعه وينه من الرابعه؟ اقول لك اذا في الرابعه هل تنتهي ببساطة كنموذج منبسط غير منتظم و للا تنتهي موجة "سي" على هيئة وتد أم يكون شيئ آخر.. و اذا بتقول موجة "بي" رئيسية فهذا صعب, التصحيح مطول و المشكلة الاقتصاديه الله أعلم توها في ثلث الطريج.

بالنسبة لأحد السيناريوهات التي مهتم فيه هو ان السوق في دور تشكيل موجه "بي" متوسطة و ممكن تكون بيسطه a-b-c و ممكن تنتهي على شكل وتد , و ما يندرى ممكن يسوي مثلث و سالفته تطول أو ..الخ.

لاحظ بأن التشارت المرفقه اسبوعي لذلك التفاصيل غير واضحه.

للأسف ما حصل عندي وقت كافي لتوضيح السيناروهات البديله.

بالتوفيق

شكرا لك اخوي حقائق

شارتك المرفق يتبين لي ان الموجة b قد كسرت قاع الموجه a

ما تفسير ذالك بموجات الليوت وهل يصح هذا الشيء

علما بان هذا الكسر لا نجده بالموشر الوزني

اتمنى القى تفسير لذالك

ماعليه تحملني شوي

 

[حقائق]

هلا بالحبيب بو عبد المحسن

مع أن المعدلات المتحركة لم تتقاطع سلبا للأسفل ألا انه يوجد شغلتين لاحظتهم على سبيل المثال في المؤشر الوزني (انظر التشارتات):

3. حجم التداول يوم الخميس كان أعلى حجم تداول على الاطلاق منذ بداية السنه و مع ذلك فشل بأن يقفل فوق خط المقاومة الرمادي, بل كسره و رد نزل تحته! و هذا يدل على أن المضاربة كانت قوية و مصحوبه بتصريف.. و الذي يقول بأن السوق فيه كاش قوي أقول له انت صح 100% لكن هذا الكاش مستغل للمضاربات السريعه (اضرب و اهرب).

بو عبد المحسن ! وين تحاليلك؟ ما أشوفك تحلل, شنهو فيه سبب؟

مع خالص التحيه


السلام عليكم

قواكم الله على المجهود الطيب

لكن ما احبكم اذا جبتوا طاري الكبر

بو محمد ان لم تخونني الذاكره اعتقد طفنا 200 مليون الشهر اللي فات بس اي يوم مو ذاكر

مع ان مؤشر الفاليوم مبين الخميس اكثر شي

لكني شبه متأكد من تجاوزنا 200 مليون دينار واعتقد عدد الاسهم قريب المليار او طافها

بالتوفيق

حياك الله بوسلمان, ما اذكر ان حجم التداول من فتره كان أكبر من يوم الخميس, فقوة ذاكرتك طيبه لأنك في عز سن الشباب ما شاء الله عليك,

احنا نفصل الكلام حسب الطلب

 

[Navigator]

حياك الله بوسلمان, ما اذكر ان حجم التداول من فتره كان أكبر من يوم الخميس, فقوة ذاكرتك طيبه لأنك في عز سن الشباب ما شاء الله عليك,

احنا نفصل الكلام حسب الطلب

ههههههههههههههه

الله يحييك بو محمد

شوف تاريخ 6\4

06/04/2009 7,182 7,234.3 7,240.6 7,125.6 391.22 909,392,500 203,508,090 15,642

القيمه 203 مليون دينار

شفت شلون الذاكره لمن تربطها بالتكنولوجيا شلون تصير

وهذا رابط الاسعار التاريخية للسوق الكويتي
http://www.kuwaitse.com/PORTAL/A/History/MarketIndex.aspx

 

[حقائق]

السلام عليكم .....​

عليكم السلام و رحمة الله و بركاته .. منور المنتدى أخوي المدير.. مدير بعد لازم نبخر الصفحه له

فعلا قطاع الخدمات يحتاج متابعة.

شكرا على المشاركة الطيبة و التنبيه

مع خالص التحيه

 

[حقائق]

بو محمد انا واحد من الناس الي اقول ان هذه مو الموجه بي

.......... ؟

شوف السوق السعودي متى صعد عطاك الموجه بي

بعد سنتين !!!!!!!!!!

وانت اخبر بالسعودي
_______________

الكويت توها مبلشه تصحيح ماصارله سنه

مو معقوله الحين وقتها

حدي متشائم مو ؟ ههههههههههههههه::verymad::

هذا وانا ماعرف باليوت ::verymad::شرايكم بالتفلسف ؟

كلامك عدل مو موجه "بي" رئيسيه.. و السوق السعودي خوش مثال, قلنا لك انت من هين عندما تاخذ فرصتك!

 

[حقائق]

شكرا لك اخوي حقائق

شارتك المرفق يتبين لي ان الموجة b قد كسرت قاع الموجه a

ما تفسير ذالك بموجات الليوت وهل يصح هذا الشيء

علما بان هذا الكسر لا نجده بالموشر الوزني

اتمنى القى تفسير لذالك

ماعليه تحملني شوي

نعم يصح.. في الوزني و مؤشر الأمان الموجه b قبل القاع فيكون نموذج a-b-c متعرج (zigzag) و في السعري نموذج a-b-c منبسط غير منتظم أو منبسط ممتد (irregular flat or expanded flat).

و سبب ذلك بالنسبه للسعري هو تأثير اسهم قطاع الاستثمار على المؤشر السعري كان ارتدادها ضعيف.

تقبل تحياتي عزيز و غالي اخوي knp