اي استفسار عن سيارات مرسيدس لاندكروزر نسيان بترول سعر تصليح

[kokokaka]

السلام عليكم شباب اي استفسار عن سيارات مرسيدس او اي سوال سعر مواصفات تصليح خدمه مجانيه نيسان تويوتا لاندكروزر

 

[hguadv]

مشكور عندي لاند كروزر 2009 بركب شاشة بارمن الخرايط نفجيتر الخليج عربي وكامرة بالخلف بكم

 

[kokokaka]

حياك اخوك ومبروك عليك الشهر انا اقول سعر السيارات وتصليح السياره اذا كانت خربانه اما تركيب اكسسوارات هذي موعندي وبالتوفيق انشالله وتقبل الله طاعتك ؟

 

[كبد نمله]

هلا اخوي عندي لاندكروز v8 في المكينه صوت مثل صوت التكايات صلحت التكايات وجنزير الصدر ومازال الصوت موجود جنه صوت مكينه الديزل علما التصليح كان في وكاله تيوتا بالسعوديه اذا ممكن تساعدني

 

[kokokaka]

الصوت لى بالماكينه ما اقدر اقولك شنوو منه ؟ الان كل صوت بالمكينه له سبب وعلى شان جذيه لازم لازم اسمع الصوت من المكينه مباشره ؟ ممكن يكون من شداد الغايش او من البكره مالت الاكرنك ؟ او من الكام شفت او من اي شي ثاني ؟ والسوال مو معقوله شركة التيوتا بالسعوديه ماعرفو ا الصوت لى فيه ؟ والسياره جم موديلها وجم ماشيه كل شي له عمر افتراضي ؟ لك مني كل تقدير وحترام \\\\\\\\\

 

[wooow]

السلام عليكم

اخوى عندى كامرى 2002 _ 6 سلندر فيهاا خشونه بالماكينه احس فيهاا بدعسة البانزين ولما اكون مسرع والضغط على 3 لما ارفع رجلى عن الدعسه اسمع حنه لمدة ثانيه وتروح
والخشونه احس فيهاا اكثر لما اسوق سيارة اخوى نفس سيارتى بالضبط بس سيارته حيل ناعمه ولا فيهاا صوت حنه او خشونه
وسلامتك
ملاحظه . كراسي القير والماكينه جدد ركبتهم اول ما حسيت بالخشونه لكن للاسف ما فرق شى

 

[kokokaka]

السلام عليكم كل عام اونت بخير شوف دوس بانزين والسياره واقفه تسمع نفس الصوت وحاول الدوس بانزين شويه شويه يعني الاار بام خله يرتفع شويه شويه واسمع الصوت ؟ او بس بالمشي ؟ وعلى سرعة جم ؟ يطلع وحياك الله \\\\\\\\\\\\\\

 

[kokokaka]

رفع

 

[wooow]

السلام عليكم كل عام اونت بخير شوف دوس بانزين والسياره واقفه تسمع نفس الصوت وحاول الدوس بانزين شويه شويه يعني الاار بام خله يرتفع شويه شويه واسمع الصوت ؟ او بس بالمشي ؟ وعلى سرعة جم ؟ يطلع وحياك الله \\\\\\\\\\\\\\

مشكلتى مو صوت المشكله خشونه سوءاا كانت واقفه او ماشيه والحنه بعد ما يوصل الضغط 3

 

[العساف7777]

هلا اخوي عندي لاندكروز v8 في المكينه صوت مثل صوت التكايات صلحت التكايات وجنزير الصدر ومازال الصوت موجود جنه صوت مكينه الديزل علما التصليح كان في وكاله تيوتا بالسعوديه اذا ممكن تساعدني

السلام عليكم

اشكر صاحب الموضوع على الاهتمام باعضاء المنتدى

وابيه يسمح لنا نشارك معاه باللي نقدر عليه


اخوي صاحب الاندكروزر

يمكن يكون الصوت مصدره علبة الباور لان مره سمعت تكون المسننات فيها كسور صغيره وطلع عندك صوت وانت علباك من الماكينه لان نفس صوت الصبابات والتكايات

واذا تبي اعطيك رقم شخص خبره بالسوالف هذي انا حاظر



تقبل تحياتي

 

[ع-العازمي]

السلام عليكم ياخوي عندي استفسار عن جيب باترول سفاري 2002 الحراره ترتفع والسياره واقفه وتنزل علي الخط وبالزحمه ترتفع توصل النص ومادري شنو مشكلتها تتوقع راس مكينه ولا شنو وشكرا

 

[kokokaka]

عساف 7777 ممكن يكون كلامك صح ؟ بس في هذي الحاله يقدر يعرف اذا كان من بور السكان او لا يفك الغايش ويشغل السياره اذا راح الصوت اصبح من الباور او شداد الغايش او الدينموا او كمبريسر المكيف ؟ يعني مو من المكينه واذا ما راح اصبح من المكينه ؟ ومشكور على الكلام الحلو والله يكثر من المثالك ؟ وانا ماسويت هذا الاعلان الا على شان اخدم الناس بالى اقدر عليه ؟

 

[kokokaka]

هلا والله اخوي راعي النيسان البترول حبيبي اول شي افحص مروحت التبريد لى جدام الراديتر ؟2= افحص اتوماتيك المروحه ( كلج المروحه ) 3= شيش الراديتر 4= افحص الترمستات )
سوي مرحله مرحله ؟ بعدين نفكر براس المكينه ؟ مع تحياتي وبالتوفيق نشالله وكل عام وانت بخير

 

[wooow]

لازلت فى انتظار الرد

 

[kokokaka]

واااااااو حبيبي اسف تاخرة علي ؟ بالنسبه الاصوات مثل الونه والحنه والخشونه والطقطقه كلها لازم نشوف السياره على شان نقدر نطلع الخراب وين ؟ فيه واحد جدام شركة البابطين لى بالشويخ بالضبط اسمه سعيد مصري محل اصغير بس اهو فني مر عليه وخله يشوفها لك ورد خبر شنو قال فيها اذا انت تقول مبدل كراسي مكينه وكرسي قير وبالمره شوف للكزوز لايكون حايش البدي من تحت وحاول تبطل الغايش وتشغل السياره لايكون من البكرات لى بالصدر المكينه ؟

 

[الشقرددي]

اشكرك اخوي على اهتمامك بالاخوه الافاضل

وانا عندي مشكله بعد

اللي عندي نيسان 97

فيه رجفيه وبعد مانزلت الدبل خفت الرجفيه


ابي كراج متخصص في الدبل وفي العمود

هاه وعلى فكره فحصة عامود الدبل والشفت مافيهم شيء

انتظر الرد

وياليت تذكرون لي كراج او شخص متخصص في هالشغلات

 

[kokokaka]

هلا شقردي وكل عام اونت بخير ؟ كل انياسين الباترول فيهم رجفة قاردن الدبل على 120 كم وفووق =

اولا ذا بغيت الرجفه تروح مالت عمود القاردن الدبل ؟ ركب( دوف لوك ) بالوكاله راكب جاهز اتوقع 60 دينار هذا يوقف العامود القاردن مال الدبل من دون ماتفكه ؟ اما بالنسبه لتصليح روح حق السكراب مع البدل راكب 15 دينار مع الكفاله ؟ وماتشوف شر وبالتوفيق ؟

 

[Eng-Omar]

اخوي عندي سفاري 2005 اذا وقفت ماسك بريك وهديته بغيت امشي يطلع صوت طقه
جنها بوشااات البوككس
تتوقع

وابي كراج زين حق تصفيه شامله وعياارات
وتظبيب بدي

 

[الشقرددي]

هلا شقردي وكل عام اونت بخير ؟ كل انياسين الباترول فيهم رجفة قاردن الدبل على 120 كم وفووق =

اولا ذا بغيت الرجفه تروح مالت عمود القاردن الدبل ؟ ركب( دوف لوك ) بالوكاله راكب جاهز اتوقع 60 دينار هذا يوقف العامود القاردن مال الدبل من دون ماتفكه ؟ اما بالنسبه لتصليح روح حق السكراب مع البدل راكب 15 دينار مع الكفاله ؟ وماتشوف شر وبالتوفيق ؟

ياهلابك ومشكور يالغالي والله يجعلها في ميزان حسناتك ويرحم والديك

بس مشكلة السياره اللي عندي ماكانت فيها هالمشكله وبغيت اركب لها مثل ماقلت دوف لك في كراج السوري اللي خلف الجمارك بالصليبيه بس قلت لا خلني اشوف اول شيء مشكلة هالعامود والرجفه

وطبعا من كلام الخبره يقولون في قطعه داخل الدبل دايم اتخرب واعتقد انها خربانه وهي سبب الرجفه هذي

ولابد من تبديل الدبل او تصليحه بهذيك الحكايه

وننتظر الرد والافاده

 

[kokokaka]

شوف دامك فكيت العامود الدبل يعني الدبل مافيه شي اذا كان الاكسات الدبل يكون واحد فهم عوج ؟ لان رجفت الدبل تختلف عن رجفت التواير ؟ رجفت الدبل تجي وتروح مع السرعه اما رجفت التواير ثابته على سرعه معينه ؟ حاول تفحص الاكسات الاماميه يعني الشفت لى داخل الدبل ؟