للي عنده لاندكروزر يدخل ضروري

[خسران جداً]

بخصوص البانزين انا ما ادري عن ال8....بس بالنسبه لي

اعبيه فل يقعد معاي 800 كم ويصير اقل من الصفر يشخطتين

وبخصوص الاخ اللي يقول ال8 يستهلك بانزين اقل...غلطان.....انا مهندس ترى

على شان يمشي على راحته مثل ما انت قلت او انه يطير يحتاج الى وقود اكثر حتى يولد طاقه تخليه يمشي بهالطريقه

بس ال6 سلند ما يستهلك هالطاقه اللي تخليه يمشي على راحته بوجهة نظرك...مع ان انا اشوف السته ماخذ راحته بس طبعا مو طياره نفس ال8


من ناحية البانزين اخذه مني ال6 اقل ولا فيه مقارنه... سلندرين زياده...

صرف البانزين بدال لا يصير 6 سلندرات الشغاله ...زياده سلندرين

 

[wave]

كلامك حلو



بس كل يوم عن يوم ازداد حيره والله

اخذ 6 سلندر ولا 8 ​

============

انت بخاطرك تاخذ 6 سلندر بس تبى الشباب الى هنى يأيدون رايك

عشان ترتاح

اخذ لايكون بخاطرك ترى كلها سيارة

بس ارد واقولك 8 سلندر افضل واحسن من جميع النواحى

1- صرف البانزين اقل اذا كنت مو من الى يهوسون على البانزين كل ماتفتح الاشاره او تبى تتجاوز سياره خصوصا ان حجمه صار اكبر من القديم وتحتاج الى دوسه بانزين اكبر اذا كنت ماخذ 6 عشان يفز ويمشى

2- المكينه مرتاحه تمشى من غير حنه وصوت للمكينه عند سرعه 120-
140 بالحاله هذى راح تحس بفخامه السيارة والسياره تمشى بانسيابيه وهدوء

3- مرغوب اكثر فى حال نويت البيع

4 - اغلب الشباب الى هنى مجربين الحجمين 6 و 8 واكثرهم عطوك رايهم

قالولك 8 سلندر افضل

والله انك كاسر خاطرى يبه اخذ 6 سلندر واخلص ترى كلها سياره

 

[أزقرتي]

مرحبا

مرحبا علي الجميع اولااا

بقولك عن شغله والله لو مكانك أخذ ال8 سلندر وانا مغمض والاسباب الاخوان كفوو وفووو فيها ...

بس لو راده علي انا أخذ ال8 يكفي انه عزم ما يحرجك وال8 سلندر يكون الموتر ماخذ وضعه تمام لا حنه ولا رنه

وفوق هذا كله ياخوي اذا الفرق 1000 دينار ترا المبلغ مو مستاهل عشان تحتار جذي وبيني وبينك ينفعك بالبيعه أسأل مجرب

بس لاتنسي اطق فره فيه


بالتوفيق ياخوي ومن الحين اقولك الله يعطيك خيره ويكفيك شره

أخوك : أزقرتي

 

[xokx]

الف شكر لكل من ادلى برايه والله استفتدت بارك الله فيكم

 

[BOSS-74]

الف شكر لكل من ادلى برايه والله استفتدت بارك الله فيكم

شنو رسيت عليه 6 ولا 8 ::verymad::

اذا فرق السعر اخذ 6 بس اذا قصدك بانزين مو عذر كل السالفه 2 سلندر

اي لون بتاخذ

موفق

 

[snouman]

xokx

أشكرك على طرحك للموضوع فأنا محتار من فترة آخذ لاندكروزر والا لا
بس بعد ما شفت و قريت آراء الناس الطيبين و نصايحهم
أكيد بشتري لاندكروزر بس قررت اني آخذ ال8 سلندر
لأنه ينفع للسفر و يسع العائلة

 

[xokx]

اليوم قاعد مع واحد توه جاي من السفر على اللاند الي عنده
والي عنده 6 سلندر يقولي اخذه وانت مغمض زين حيل بالسفر ومو ثقيل وخفيف بصراحه حببني بال6 سلندر

بس السؤال الي عندي شنو يفرق التصليح 6 عن 8 السلندر
يعني بالقطع الغيار

 

[Nagooshy]

والله الي اشوفه الاند اكروزر سعره مو فيه

شنو gxr v8 ب 14800

همن الكشنات مو كهربا


ومو كل الالوان موجودة بالوكالة

الي اشوفه سعره واااااااااااااااااااايد مو بالغ فيه


انا لو منك اخذ تاهو 2008 كشن مفصول مع شاشة ودعامية وزينون

ما يطلع علي فوق 10500


بالتوفيق

 

[xokx]

والله الي اشوفه الاند اكروزر سعره مو فيه

شنو gxr v8 ب 14800

همن الكشنات مو كهربا


ومو كل الالوان موجودة بالوكالة

الي اشوفه سعره واااااااااااااااااااايد مو بالغ فيه


انا لو منك اخذ تاهو 2008 كشن مفصول مع شاشة ودعامية وزينون

ما يطلع علي فوق 10500


بالتوفيق

اممممممممممممم لاتشيشني على العموم شكرا على المشاركه

 

[الرامي1]

يا جماعة الخير انا عندي ج اكس ار 6 سلندر 2007 ابي ابدل احد عنده ف اكس ار 9290033

 

[xokx]

للرفع

 

[Nagooshy]

اممممممممممممم لاتشيشني على العموم شكرا على المشاركه

على فكرة اخوي


الشكل اليديد مو مرغوب مثل القديم

الي درجه ان من نزل اليديد اترفع سعر القديم

لو تلاحظ مو منتشر بالشارع وايد مثل القديم مع انه صارله سنه نازل

وانت وكيفك

 

[wave]

للرفع

=========

صجك والله ليم الحين ما أستقريت على راي

انت وايد صعب بمشتراك

 

[xokx]

عندي لي نهاية هالاسبوع اخذ المشوره بعد بتوكل على الله ابي راي ارسي عليه
الي عنده معلومه يقولها الله يبارك فيكم وبعدها نستخير

 

[خسران جداً]

عندي لي نهاية هالاسبوع اخذ المشوره بعد بتوكل على الله ابي راي ارسي عليه
الي عنده معلومه يقولها الله يبارك فيكم وبعدها نستخير

انا شفت اليوم موديل 2009 وسعره الكامل ال6.....ب14100
والفرق حاطين نيكل على البيبات من تحت..شكلها مخرب منظره الصراحه...اذا تبي نصيحتي اخذلك واحد مستعمل
وشفت ال VX والله بصراحه عجبني حيل...داخليته مو طبيعيه وشاشته عجيبه بس مشكلته غالي فرق 4000 دينار تقريبا...ما يسوى

ونسيبي قاعد يقول ال8 كامل المواصفات وشاشة وتلفزيون وحركات حلوه..بالسعوديه ب12900 انصحك تاخذه من هناك...مع ان بالمستقبل لما واحد يقولك من الساير احسن من لما يقولك مواصفات الخليج...(اقصد للبيع)......بس عموماً اللاندكروزر مرغوب

وبالنسبه للشكل انا اشوف ان الجديد احلى من القديم والناس اذواق

 

[سوق خضرة]

ما شاء الله عليكم والله استفدت من هالموضوع ​

 

[xokx]

للرفع

 

[xokx]

للرفع على شان نرسي على بر

 

[sulaiman79]

نصيحة لا تاخذ 6 انا شاريت على ابو انا عادي انا مابي سرعة بس تبي الصج لاعبت جبدي وايد ثقيل بشكل ما اتصوره والي يقولك مو ثقيل هذا قاعد يقارن ال6 القديم مع اليديد بس انا بعته وخذيت 8 سلندر...تبي الصج والله فرق السما عن الارض صج صح صج فرق السيارة تحسها خفيفة وماشية مرتاحة وبالنسبة عن البنزين لا تحاتي تقريبا ماكو فرق. والامر راجع لك.
بس نصيحة سوق الاثنين اذا تقدر عشان تقرر.
واتمنى اني ساعدتك

 

[xokx]

نصيحة لا تاخذ 6 انا شاريت على ابو انا عادي انا مابي سرعة بس تبي الصج لاعبت جبدي وايد ثقيل بشكل ما اتصوره والي يقولك مو ثقيل هذا قاعد يقارن ال6 القديم مع اليديد بس انا بعته وخذيت 8 سلندر...تبي الصج والله فرق السما عن الارض صج صح صج فرق السيارة تحسها خفيفة وماشية مرتاحة وبالنسبة عن البنزين لا تحاتي تقريبا ماكو فرق. والامر راجع لك.
بس نصيحة سوق الاثنين اذا تقدر عشان تقرر.
واتمنى اني ساعدتك

الف شكر