جهاز كاشف الشريطية

[A.M.W]

ياجماعه تراهم بكل مكان مو بس هني وعليهم خباثة اعوذ بالله منهم وانا معاي واحد بالدوام لايحوشك عسى ما يشوف سيارة الا وقالك تبيع باربعمية واذا زفيته شوي زادهم خمسين كل شي عنده اربعمية
الله يكافينا شرهم

هههههههههههههه والله ضحكتني حلوة

 

[أدهم]

هههههههههههههه والله ضحكتني حلوة

ان شاء الله دوم تضحك مو بس اليوم

 

[q8240z]

السلام عليكم

مرة بعت رقم نقال ب400 وبعته لعدم الحاجة

يعني ما استعمله وادري انه يسوي اكثر من هالسعر بوايد بس قلت خلي الريال يترزق من وراه

وكان الرقم يبدأ ب 6666 وآخر رقم 6

وعند التحويل آنة ماخذ ولدي معاي

يقولي الشريطي نزل 10 دنانير عشان راس ولدك ؟؟

فرديت عليه وقلتله تصدق انك ما تستحي راس ولدي ب10 دنانير

 

[almbtlsh]

بل على عشره

 

[red1981man]

هههههههههههههههههههههههههههه

هالاشكال ماتستحي يناشبك بحلالك

ما كو الا شريطية الوكالات عسى ما وديت سيارتك بتبيعها صكوووووووووووك عين الا تبيع انزين عطني سعرها ما نبي زود لا يعطيك سعر بعيد حيل يستغفلون الناس عبالهم الاوادم مو داشين مدارس ولا دارسين بجامعات ولا فيهم دكاتره
انا من اشوفهم ويسالني اقوله السياره اجار يامعود هم ماسلمنا منهم لازم يصير شي بالسياره حسد اعوذ بالله والطامه الكبرى محد يمنعهم وين القانون عنهم .

 

[المرياني]

انا اقول لازم يحطون ماده في المدرسه

تعلم مواصفات الشريطي * عمرك ماتحتاج لشرطي

 

[BADR-1]

الحلوة اذا نزل السيارة يكون متفق من الدلال وفرقة حسب اللة ويتمسكن ويطقون راسة بالدبة بيع بيييييييييع ولك وقععععععع بييييييييع وتشوفة كالحمل الوديع ويلعب بمشاعر الموجودين واللة السيارة نظيفة توها يايية من بيت الله الناس تفكر انها من مكة وهي من المسجد اللي بالحراج بيت الله هههههههههههههههههههه والله نصابين ويتفيخرون بالمقاهي واللة اليوم شفت فلان ماشالله علية صرف سيارتة دبس فيها واحد ككككككك (ماشالله علية)انا موقاهرني الا قولة(ماشالله علية) تذكرالله بشي حرام ياخايس علي نصب يامعفن يا اكال النجش تفووووة عليك وعلي رفيجك ومن هم علي شاكلتكم انا اقترح تغيير اسم الشريطي النصاب الي علج..اسمحولي علي بعض الالفاظ