سبورتى الله يوفقك شنو السهم الى ندخل عليه الحين نبى واحد مستوي
أخوي حمود الله يوفقنا ويوفقك
لو ترجع حق جميع مشاركاتي ماراح تلقى ولا توصية ولا مرة قلت حق أحد اشتري
خليها قاعدة في ذهنك لو مدير محفظة ولو رئيس مجلس إدارة للشركة الفلانية قالك اشتري خلي الكاش جاهز ولاتشتري انما فقط راقب واذا صدق الخبر عقبها اشتري عن قناعة ولاتنسى مهم جدا جدا تفعيل وقف الخسارة خليها قاعدة في حياتك المالية
والحين أقولك عندي بعض الأسهم للمراقبة وليست للشراء للمراقبة فقط يعني متى ماشفت السهم نايم وصار عليه تدوير حاول تصيدة بالنازل شوي وبيع متى ماشفت بدا التصريف عاد انت وقناعتك
للمراقبة : صفاة عالمي - الجبس - المعامل - المواساة
طبعا أكيد الكل يستغرب من هالاسهم الي مامنها فايدة ولا عليها تداول لكن هذي الأسهم الي تخص موضوع الصفحة
توضيح : شنو الفايدة من هالأسهم المختارة والأسهم الي انا مختارها باللستة بالصفحة السابقة ؟
الجواب : لو ندخلت على سهم من الأسهم الثقيلة وارتفع معاك في الغالب يرتفع معاك 5 أو 10 أو 15 فلس بالكثير وماتقدر تبيع الا بربح 10 فلس
لكن مع الاسهم الخفيفة من حد أدنى وبصفقتين ممكن الملاك يودونه حد أعلى نفس ماصار مع المواساة الأسبوع الي طاف ونفس صفوان يوم الأربعاء من -20 الى حد أعلى يعني فرق 45 فلس وانا شخصيا يوم الخميس شريت مشرف بسعر 335 وبعد 5 دقايق بعتها 355 ورديت شريها بالحد الأدنى وبعتها بسعر 345
هذا والله أعلم