شركة هيتس تيليكوم القابضه (هيتس تيليكوم)....3

[قنوع ؟]

كنت ضيف عزيز معانا والله ان شاء الله يرزقك .

الله يعز قدرك ويرفع شانك

اللهم ارزق الجميع الرزق الحلال المبارك

 

[zooz]

لا تحاتون وتحسفون الطيور ما طارت برزاقها
الفيلم إللي قاعد يصير في هيتس أتوقع إن بتكرر في باقي المجموعة وخاصة إكتتاب وبرقان جروب ... هيتس مطلعه من ورا هالإكتتاب سيولة تتعدى الـ 100 مليون دينار ، تكفي لعمل أفلام على مدار الساعة في باقيي شركات الجروب وخاصة (إكتتاب وبرقان جروب) لأنهم مو تحت رقابة البنك المركزي ... وما يشجعهم على تكرير الفيلم هو سعر إكتتاب إللي وصل اليوم 83 فلس ورأسمال شركة برقان جروب بمبلغ 6 ملايين دينار ، فيحتاجون يزيدونه علشان يحفظون كرسيهم في السوق الرسمي ولا يتحولون إلى الموازي ... هذه الأنواع من الشركات لا تبحث عن الربح التشغيلي كثر ما تبحث عن الربح السريع من خلال البورصة (وهذا إختصاص الشربيني) هو أستاذ ومعلم في إنتاج وإخراج هذه الأنواع من الأفلام

والعلم عند الله سبحانه وتعالى وبالتوفيق للجميع إن شاء الله

 

[rahaly]

طالع وجه العنز واحلب لبن ...

.............. يا اخوان
العادة نقول لبست هذه دعوة للببيع او الشراء

وانا اقولكم هذه دعوة واضحة وصريحة ونصيحة للابتعاد عن السهم ...

بتشوفون نزولات .... الله لا يراويكم

............. اشتات اشتووووت يا الشربيني
طاعووووون ... يطعن ما ينطعن " على قولة سعد الفرج"

خلي الكاش عندك ونام عليه

والمشكلة ........... 99% مننا مجمعين غلى ذلك
فمن سيكون الضحية ؟!!!!!

 

[بيتك للتداول]

سؤال؟؟

ليش الشركة تدفع هالاموال من اجل الدعاية؟؟

ليش الشركة ترفع السهم بهذي الطريقة (طبعا مو تجميع)؟؟

ليش الطلبات ب40و50و60 مليون؟؟؟

اذا جاوبت على هذي الاسئلة راح تحدد قرار البيع او الشراء..

والله اعلم

 

[عبدالله الشمري]

بالرغم من ان الطلبات اليوم تطمئن لكنها خوفتني كانهم يتعمدون يطمنونا لكني بعت و انحشت تطبيقا للمقوله ان الهرب نص الجدعنه

 

[Cha3bar]

دازينلي مسج يقولون بلشوا خدمات في أسبانيا .. شنو الخدمات مادري

شبيعون هذيل؟

 

[baselko]

شباب انا مو متابع السهم ولا املك فيه بس دشيت الصفحة علشان اعرف سالفة صعود السهم ولكن تفاجاة ان كم عضو قاعد يبيعون والسهم معلق بالملايين . فماني عارف السبب ليش متخوفين ياليت واحد يوضح لي ؟

ولكم جزيل الشكر

 

[قنوع ؟]

عليكم بالحذر والمتابعه اللصيقه للسهم

لان اذا شال طلباته ما راح تلقون من يشترى

والله يكتب اللى فيه الخير للجميع

 

[rahaly]

بالرغم من ان الطلبات اليوم تطمئن لكنها خوفتني كانهم يتعمدون يطمنونا لكني بعت و انحشت تطبيقا للمقوله ان الهرب نص الجدعنه

كفو .... زين سويت
ولو صعد لا تتحسف ... لان اذا نزل .... يا سااااتر

 

[المدير]

السلام عليكم

افضل وقت للبيع والهروب من السهم هو غدا .

لا يمسكونكم يا اخوان ​

 

[بوخمسين]

اتوقع حد ادني غداااااااا والله يستر

 

[سيدة اعمااال]

اتوقع حد ادني غداااااااا والله يستر

فالك ما قبلناه

 

[DAISKY]

منطقيا مثل مافي صعو عمودي يقابله نزول بنفس الطريقه لكن
اعتقد اذا ياب السهم احد ادنى يعني يقول لاتكتتبون ليش يخسر نفسه !!
اعتقد ممكن يهدي الوضع لكن يرد السهم تحت قبل نهايه الاكتتاب صعبه
لا تنسون ان الاسهم اللي بالسوق قفط ١٥ ٪
اي ما يعادل
٢٩،٢٥٠،٠٠٠
و صارله جم يوم كل يوم يشتري ٣ ملايين
والله اعلم

 

[nawafhma]

فالك ما قبلناه

ولا الله يقبله

 

[bo fawaz]

السلام عليكم

افضل وقت للبيع والهروب من السهم هو غدا .

لا يمسكونكم يا اخوان ​

صدقت وكلامك سليم

 

[hg 17]

آنا مستغر البورصه ماوقفت السهم وسألت عن أسباب الصعود

 

[البرك]

انا اقول السهم رايح 700فلس والوعد جدام وبتشوفون باذن الله وعسي الله يرزق الجميع

 

[حمود_1]

كفو .... زين سويت
ولو صعد لا تتحسف ... لان اذا نزل .... يا سااااتر

بو نواف شلونك ,, ممكن اعارضك واصدق التحليل الفني اللى عندي

يقولي الهدف 550-600

ننطر ونشوف

 

[nawafhma]

بو نواف شلونك ,, ممكن اعارضك واصدق التحليل الفني اللى عندي

يقولي الهدف 550-600

ننطر ونشوف

صباح الخير اخوي حمود انا غشيم بالتحليل لاكن علي ماذا بنيت تحليلك

صعود غريب ليس له اساس بالتحليل الفني يمكن بالاساسي او انا غلطان

 

[حمود_1]

صباح الخير اخوي حمود انا غشيم بالتحليل لاكن علي ماذا بنيت تحليلك

صعود غريب ليس له اساس بالتحليل الفني يمكن بالاساسي او انا غلطان

صباحك ورد يانواف

يسلم راسك بقولك ليش

السهم بالموجه الثالثه وهدفها اللى قلت

تري انا املك ويمكن ابيع فى اي وقت متي ما خفت الطلبات

يعني التحليل مجرد توقع والعلم عند الله وكلن ياخذ رزقه