كلامك اوله دعاء بالخير واخره كلامه فاضي :
1- اولا انت اللي جانيني ومداحرني وارجع للمشاركات والناس تشهد.
2- دقيت علي الرقم وكلمت نشات وقالي ال 500م مو اقل من 120الف .
3-الرسول صلي الله عليه وسلم بمعني الحديث يقول (( لا يؤمن احدكم حتي يحب لاخيه ما يحب لنفسه))وانت تدعي علي بالحسره.
عندي كلمه وحده بس الله يهديك ويوفقك بالدنيا والاخره اما انا عارف كلامي مضبوط 100% قبل لا اكتبه
جزاك الله خير انا بس بقول شغله بسيطه انا اللي خلاني اكتب واشارك اني لاحظت انه انت والاخ الثاني اللي اتصلتوا امس على الدلال الوحيدين اللي مو مقتنعين انه العقار نزل بالكويت ومسكرين عيونكم عن الاسعار وتحطمون خلق الله انا بقص عليك قصه يا ليت تسمعها بصدر رحب .
انا ليمن حطيت رقم الدلال اتصل عليه واحد جان يقوله اخوي انت حاط اعلان قال لا قاله ابي ارض 500م 110000 دينار قاله اشوفلك رد دق عليه جان يقوله الارض موجوده اسومها قاله ايه شوي جان يدق على الدلال ويقوله بس انا ابيها مقابل مسجد قاله الدلال لايهمك اذا وافق الرجال راح اخليك اتشوفها واذا ما عجبتك مو لازم .
الثاني اللي اهو انت وماخذ السالفه عناد وماتبي تشتري وانا ادري بهالشي دقيت عليه جان اتقوله انت نشات قالك نعم قلتله ابي ارض 500م بابو فطيره وابي ادفع 110000 دينار بس دينار واحد زايد او ناقص ما ابي سمعت قال الدلال ان شاء الله تنقص ما تزيد جان اتقول مابيها تنقص ولا تزيد 110000 بس .
اخوي زين 110000 و10 دنانير شلون يعني مايصير يا عزيزي الارض موجوده بس الدلال ما يبيع حق واحد جذي اخذ وعط الدلال يبي والتسجيل يبي انت ماتبي تشتري انت تعايي اخوي العقار بالقاع ومعروض امس علي ارضين 400م بابو فطيره شارع واحد ب 100000 وعند نفس الدلال واذا ما انت مقتنع مو غصب بس لا تاذي العالم وتقول مانزل العقار العقار نزل بشهادة بنك لكويت الوطني ودراسة لبيت التمويل الكويتي واتحاد السماسرة اعتقد اهم ابخص وسكر الموضوع الله يرحم والديك ويصلحك ويهديك انا ابيلك الزين يا اخي مالي مصلحه لكن انطر شوي وشوف باذن الله راح تشتري ارض ب 75000 دينار واذا مو مقتنع تعال خلني ابيعك ارض 500م شارع واحد ب 190000 دينار لانه العقار ماطاح ولا راح يطيح.
