شكرا للجميع
ويعطيكم الف عافيه اخوي ميشو وناصر
بشوف الجهاز الي قلتوا عنه
وبخصوص الأخ الي سئل عن الاتش بي ميني
نصيحه ابعد عنه
واذا احد بيشتريه وما بأذنه ماي ..
يشتريه من الأنترنت ارخص له
لأنه بموقع اتش بي
أفضل واحد فيهم سعره بحدود 205 دينار
والي اهنيه اقل مواصفات بـ 185
انا امس رحت محل بيست باي
وشفت الجهاز
وانا كنت متخوف من المذربورد ماله والبروسيسر
وفعلا الجهاز فيه بطيئ وحرارة قويه بالجهاز بالذات من تحت
حتى البايع قالي لأنه شغال اربعه وعشرين ساعه الجهاز من الطبيعي انه يسخن
قلت له زين الأجهزة الباقية ليش ماتسخن بس هذا يسخن
يعني البروسيسر والمذربورد ماله مو شي
قال كلامك صح اهو يحتر وبطيئ
وبنتظر هالأيام احتمال اخذ السوني 11 بوصه واذا ما اخذته بنطر الـ msi يكفي انه شركة قوية بلابتوبات
واللي يبي جهاز قوي وحلو
حصلت امس بحولي جهاز ايسوس 11 بوصه جلد
شكله حلو وصغير بحجم السوني تقريبا ومواصفاته حلوه
والأيسوس مايحتاج كلام
واسعاره من 550 الي 590 تقريبا
-------------------------
هلا اخوي PRISON BREAK
هل هو مكفول شلون حالة الجهاز وبطاريته
والمواصفات تختلف شوي شي طبيعي
فياريت تقولي مواصفاته
وشنو وياي من اغراض
وسعرك النهائي
ومشكور