الله يسامحكم
اكلتوني بقشوري
الحين انا وين ذميت السهم وقلت للناس بيعوا .
انا قريت مشاركة بنفس صفحة منا مكتوبة عن سالفة زيادة راس المال وتأثيرها على السهم ، وحاطين امثلة على اسهم سعرها عالي وشنو صار فيها بعد زيادة راس المال مثل سهم زين وسهم مشاعر ووو .
وانا كل الي قلته ان الواحد خل يدقق ويفكر عدل اذا صج في سالفة زيادة راس مال ، هل يبيع قبل الزيادة بالسعر العالي ، ولا يكتتب بسعر الزيادة ويبيع بعدين ، بس يمكن سعر السهم يكون اقل .
بس
وانت يا بوألونس الله يسامحك ناطر علي الشاره اشوفك
ويونكس بعد حبيب الجماهير اشوفه ماخذ موقف يونكساوي بعد
يبا انا قايل لكم من قبل سهم منا محد يقدر يذمه ، ومن ناحية اني متحسف بعت تحت الدينار ، فهذا كلام سليم ، اي واحد راح يتحسف ، بس مو معناته ما نحب الخير لأخوانه عاد . قلناها ونكررها الف مره ، نتمنى السهم يصعد فوق ال 5 دنانير .
بس عاد هم تره من حقنا نبدي راينا حالنا حال غيرنا ، والكل حاط رايه بهل الصفحة سواء المحلل الفاهم او المطبل او صاحبة وجهة النظر المتفائلة او المتشائمة او او او . وكل واحد يقرا ويقارن ويتخذ قراره وهو حر ،اذا قراره صح او خطأ لا يلوم احد .
بعدين سالفة اني اذا شريت سهم اوديه السما ، كلام مو صحيح ، كل واحد عنده سهم راح يهتم باخباره وبيكون متفاؤل فيه . ولما يبيعه طبيعي ما راح يهتم فيه وايد ، وراح يهتم بالسهم اليديد الي شراه . والحمد لله مو من الي يطبلون للسهم ويحث الناس انهم يشترون على غير معلومة . مثل ما يسوون بعض الناس الي يألفون اخبار من القمر عن بعض الأسهم ويقطونها بالمنتدى ويختفون ، ودايما الي يكتوبنها يكونون من النوع ( عضو جديد ) وله مشاركيتن ونص
اذا في معلومة وتحليل فني موثوق عن سهم راح نأيده ونمدحه بالحدود المعقوله دون مبالغة . سواء كان سهم منا او مبرد او تبريد او صفاة عالمي ( علشان يونكس حبيب الشعب ) او بتروجلف ( علشان حبيبكم حبيب الجماهير ) .
يعني مو شغلنا نمشي ونمدح بس على ماميش
بس الظاهر البعض يبي دايما الناس تمدح بسهم منا سواء نازل او صاعد او عليه خبر ايجابي او سلبي او اخبار غلط او مبالغ فيها ، بس مدحوا ولا تتكلمون باي كلام غير المدح لأمر . هذا الكلام غير مقبول بمنتدى يتيح حرية إبداء وجهات النظر مرفقه بالدليل سواء عجبك الراي او لا .
يبا انا وغيري بنقول راينا بأي سهم ، ولي عاجبه خل يقرا المشاركة ، وإلي مو عاجبه خل يطوفها ويقرا الي بعدها . ولا يحن ولا يرن ولا يتشكى ولا يتذمر ولا يصيد بالماي العكر ، خاصة إلي ودهم سهم منا ينزل لأنهم ما ربحوا معانا . نقولهم يوزو عن سوالفكم ، سهم منا ان شاء الله يصعد والي شراه بالعالي يربح . وانا الحمد لله ربحت ربح قوي من سهم منا . واتمنى الكل يربح ، ولما انصح احد بالبيع دايما اقوله هل العبارة
( فكر عدل متى تبيع بالوقت المناسب وتنحاش من السهم بربح قوي قبل النزول ) اتوقع الي يحب الخير للآخرين لازم يقولهم جذي ، واما الي بيقول للناس مسكوا السهم مهما صار لأن السهم بيروح فوق فوق فوق ( بس لي وين محد يدري ) فهذي نصيحة عليها علامة استفهام وما تعطي الواحد هدف معين للبيع .
وشكرا لكم . ونتمنى يخيب أمل بعض الناس سواء محللين او مطبلين الي ودهم سهم منا ينزل علشان يشترونا حتى لو اخوانهم الي شروا بالعالي يخسرون ، يبيون الربح لهم وبس ، نقولهم راح يخيب املكم وشوفولكم سهم ثاني ، او دشوا على منا بالعالي وربحوا الي تبقى من الصعود . ولا اتدوخونا وايد بالقيل والقال ، وإذا عندكم خبر او معلومة حطوها خل الناس تستفيد ، ولا تدشون ابضماير العالم ونياتهم
وهم عاش بوعادل
