دورة المؤشرنت للتحليل الفني
50 دينار كويتي
اخوي العزيز فرش مشكور ما قصرت
الله يسامحك
المهم استفيد من الي تشوفه مفيد . بارك الله فيك
هل الملاحظات غابت عن ناس وايد يوم الخميس ، وشروا بسبب تشجيع البعض .
اخوي حبيبكم ، تره ممكن يكون صرف وخلص ، لأن صانع السوق ما يصير يصرف كل كميته اذا ناوي ينزل السهم ويلم من تحت ، لازم عنده كمية مؤثرة من خلالها يقدر ينزل السهم .
بس انا قلت لك ، الي شراه بالنازل 15 مليون ، والكمية الي انباعت بالصعود الأخير فوق ال 15 مليون .
وحبيبكم ، تره حتى وقت النزول من 1960 ، بهل اليوم كان الصعود فقط 40 فلس ، ما نزله حد ادنى ، بعدين بدأ المسلس التراجيدي .
عموما دشوا على صفحة الشركة وشوفوا اسهم الخزينه ، تره صفر .
هذا ينفي كلام البعض ان شركة منا اهي شرت اسهمها علشان لحد ينزل السهم مثل اول مره .
الا اذا جان شارين اسهم من خلال حساب تويجر ، هذا شي ثاني
عيل ليش طلبوا موافقة البنك المركزي لشراء 10% من اسهمهم بالسوق
المهم خل نشوف بو عادل ووايلي شنو رايهم بالتحليل
ابوألونز وينك ما تدلو بدلوك
لا تفاول على السهم يا بوألونز ، قول ان شاء الله السهم يطوف الدينارين خل الشباب بعوضون خسايرهم ويربحون .
ما يصير تره هل الكلام .
بوألونز لا يكون انت الي ودك السهم ينزل
اشوفك وايد تكرر سالفة النزول هذي .
خل بوخمسين والشباب يربحون ، وراح اييك رزقك لا تحاتي ، وراح اقولك عن سهم بيصير فيه مثل منا وأكثر ، بس بعد ما الشباب يربحون من منا ربح حلو ويعصرونه عصار راح نقول السهم الثاني ، بس عاد لاتفاول بسالفة النزول هذي مو زين تكررها وايد ، قول نبي السهم يطوف 3 دنانير خل يفرحون الشباب ، يستاهلون
انت ليش ما شريته امس على 1500 ، جان الحين رباح 100 فلس
حبيبكم انا وقت بدش على السهم ، راح اقولك بالخاص
بس ان اذا بدش ، ماراح ادش الا بعد ما اكون متأكد من هل الدشه
وصراحه ، الحين بهل الصعود ، نا راح ادش لأنه خطر ، وفي اسهم ثانيه فيه ربح مضمون وحلو بعد . بس عاد بالنسبة لسهم منا ، انا اتمنى يكمل صعود فوق ال 3 دنانير لأن وايد ناس شارينا بالعلي ، ومنهم صديقنا العزيز بو خمسين ، وايضا عندي صديقي شرى يوم الخميس بالعالي .
وفي واحد من الأخوان قرأ التحليل ، وراسلني على الخاص ، وقال أنه حاط الي ما وراه ودونه بالسهم يوم الخميس وخايف يتطلع السالفة تصريف وينزل السهم .
ولذلك بسبب كل هؤلاء اتمنى من كل قلبي واتوقع كلكم معاي ، ان السهم يكمل صعود فوق الدينارين خل هل الشباب الطيب يبيع بربح ن وبعدين خل صانع السوق يتفاهم مع تويجر ومن لف لفه ، يبون ينزلونه او يكملون المشوار
بس تره بو عادل ما عطانا رايه كلش ، ولا وايلي
وايلي لا يكون زعلان من بو خمسين وما تحط رايك لنا .
اشدعوه يبا ، وسع صدرك وسع صدرك ، وعطنا رايك
مقابلة صحفية مع تويجر بأرض العياط في مصر التابعة لمنا
الصحفي : تويجر انت شنو وصيتك للناس حول الدخول على سهم منا .
تويجر : متى قصدك ، وقت السهم صاعد او نازل .
الصحفي : وقت السهم صاعد .
تويجر : اقولهم دشوا على السهم رايح رايح فوق 3 دنانير .
الصحفي : طيب واذا السهم نازل .
تويجر : هم اقولهم دشوا على السهم رايح رايح فوق 3 دنانير .
الصحفي : انزين انت شنو تقول للناس لما يطلع خبر عن منا ؟
تويجر : متى تقصد ، لما الخبر يكون ايجابي او سلبي .
الصحفي : لما يكون الخبر ايجابي .
تويجر : اقولهم دشوا على السهم رايح رايح فوق 3 دنانير .
الصحفي : انزين واذا الخبر سلبي .
تويجر : هم اقولهم دشوا على السهم رايح رايح فوق 3 دنانير .
الصحفي : انزين انت شنو تقولهم عن سهم منا لما تشوف المؤشر الوزني والسعري للسوق .
تويجر : متى قصدك ، لما المؤشر أحمر ولا أخضر .
الصحفي : ( وهو متعصب ) لما المؤشر أخضر .
تويجر : اقولهم دشوا على السهم رايح رايح فوق 3 دنانير .
الصحفي : ( هو معصب أكثر ) انزين ولما المؤشر أحمر .
تويجر : هم اقولهم دشوا على السهم رايح رايح فوق 3 دنانير .
الصحفي : تويجر بسألك ، انت مادام دوم جوابك دشوا على السهم رايح رايح فوق 3 دنانير ، شكو كل شوي تسألني إذا أحمر أو اخضر ، واذا نازل او صاعد ، وإذا خبر ايجابي او سلبي .
تويجر : لأن إذا سهم منا امربح الناس ، راح اقولهم دشوا على السهم رايح رايح فوق 3 دنانير .
الصحفي : طيب وإذا سهم منا امخسر الناس .
تويجر : هم اقولهم دشوا على السهم رايح رايح فوق 3 دنانير .
الصحفي وهو ينظر للجمهور ويقول بأعلى صوته : وهم عاش بو عادل
هلا حبيبكم وحبيبي.
شوف النبض يوم الاحد ودش
خلك بايعها نفس موظفينك
حبيبكم لأنه مو بايعها مثل موظفينا ، ففخلوه المدير ( او وكيل وزارة يا حبيبكم واحنه ما ندري )
حبيبكم لأنه مو بايعها مثل موظفينا ، ففخلوه المدير ( او وكيل وزارة يا حبيبكم واحنه ما ندري )
ان شاء اللهحبيبكم انا نزلت من قطار مبرد
ولو قايلي انك معاي جان قلتلك متى النزله
وصل 320 وسكر 310 وكان ينباع على 300 و305
حبيبكم ، تر التوصيات شكلها لازم تخصم منها 50% علشان تضبط وتبيع قبل النزول
كويتي ... المشكلة أنا ماخذه على 315 ::verymad:: اعتقد ان لازال فيه صعدة لان السهم في حالة تجميع ويلمون من تحت.
عاد لا تقعد تطيح فيني تخرع ... كافي خساير منا ... هالدور بعد بمبرد.... ترى افنش بوشعيب
دورة المؤشرنت للتحليل الفني
50 دينار كويتي
