شركة الاتصالات المتنقلة - ش.م.ك (زين) ...5

[sgs_q8]

unix أنا بسألك سؤال ممكن
السهم منو قاعد يحركه السوق ولا شخص ؟

 

[ENG.electric]

ماقصرت تسلم والله

 

[Madridi]

ما أقصدك انت أخوي، الاقتباس القصد منه اللي كانوا يقولون مسكوا رايح 2200

انت عزيز و غالي.

عزيز وغالي

جزاك الله خير

 

[sgs_q8]

من قال إنها واقفه عليك يبه الله وياك ، وإذا إنت قريت كتابين و خذيت جم دورة وسويت نفسك فاهم علينا ترا حتى حنا صارلنا سنين بالسوق و عارفين خماجيرة عدل وإن يت عالدورات والدراسة ترا عندنا فلا تشوف نفسك إنت الوحيد إلي فاهم . ترا والله عيب هالكلام

 

[nawaf.g.alahmad]

اسمحولي على المداخله يا اخوان


الي قاعد اشوفه ان كل واحد قاعد يداحر الثاني

ومادري على شنو

واحنا هنيه عشان نفيد الاخوان لا اكثر والسالفه ماهي فرض عضلات ولا اهواش

كل واحد يحط شارته او الحجج الي يستند عليها

السالفه ماهى كلام وبس وراح يوصل وراح ينزل


وبالاخير مانبي نشوش على الاخوان الي يتابعون

انا راي المتواضع في هالشارت


وانا دايما استند على الويكلي

صحيح شمعة الاسبوع ما انتهت ولكن هذا تحليلي

السهم ان كسر 1600 راح يروح 1240

اما ان كمل فهدفه 2200 و2300

وهذا الي انا ارجحه انا ماقول هالهدف راح اييبه باجر ولا عقبه

لكن في شي اسمه ستوب لوز

كل واحد يحطه جدام عينه.....

وفالكم التوفيق

 

[al7km]

تحليل احلا من رائع

وكلامك معقول بارك الله فيك اخوي

 

[nawaf.g.alahmad]

تحليل احلا من رائع

وكلامك معقول بارك الله فيك اخوي

تسلم ياخوي

 

[المنيفى]

السلام عليكم ياجماعه اللى عنده راى يفيد المنتدى يقوله مانبى احد يطبل ولا يحبط والجماعه المراقبين وين دوركم فيه ناس قاعده تلعب بدون لا يقدمون راى له اساس علمى ولا وزياده على ذلك اللى عنده راى يهاجمونه بصراحه مانبى بالنهايه نكون ضحايا لبعض المتورطين فى بعض الاسهم ودمتم بصحه وعافيه0

 

[hamdam]

للي فرح بنزلة السهم لمجرد تأكيد كلامه وليخ يوم صعد انقوله ما تشوف شر والبركه بالناس الموجودين بهالصفحه وهذا السوق يوم اخضر ويوم احمر.
و 900 فلس ضرب من الخيال وبسكم تكسير مجاديف .

 

[ان قام حظك]

الحمدالله على نعمه العقل
يعنى كل واحد مدح السهم وقال عنه سهم اسثمارى وماينخاف عليه , صار مطبل حق السهم , انا اعتقد ان كلن عقله براسه ويميز بين اللى يطبل وبين اللى يشكك بسهم
انا اعتقد مافيه اثنين يختلفون على سهم زين بقوتة , ويعتبر الافضل بالسوق للأستثمار
لاكن اهم شى انعرف التوقيت المناسب لدخول والخروج من السهم سواء كان استثمار او مضاربه شكرا للجميع

 

[nawaf.g.alahmad]

السلام عليكم ياجماعه اللى عنده راى يفيد المنتدى يقوله مانبى احد يطبل ولا يحبط والجماعه المراقبين وين دوركم فيه ناس قاعده تلعب بدون لا يقدمون راى له اساس علمى ولا وزياده على ذلك اللى عنده راى يهاجمونه بصراحه مانبى بالنهايه نكون ضحايا لبعض المتورطين فى بعض الاسهم ودمتم بصحه وعافيه0

ارجع ياخوي للصفحه السابقه وراح تشوف ردي وهو فني بحت بعيد عن العواطف والقيل والقال

 

[Black]

السلام عليكم
اللي أعرفه ان أي سهم اذا صارت له زيادة راس مال ممكن يحوشه حركه خفيفة بإتجاه صاعد بس الوضع الطبيعي له انه إذا تم تزويع الاسهم المخصصة لزيادة راس المال و خصوصا اذا كانت النسبة عالية لابد للسهم من انه ينزل لأسعار تكون متعبة جدا خصوصا للناس اللي ماخذينة بالعالي و مع ملاحظة ان السوق راح يختنق بكميات الأسهم المعروضة و هذا النزول يكون لفترة مو قليلة حتى يتم تجميع السهم بأسعار نازلة و تصفية الاسهم من المضاربين و الابقاء على المستثمر طويل الأمد علشان اذا تم رفع السهم يكون نصيب الاسد للمساهمين الاستراتيجيين بالشركة و مهما ارتفع السهم يكون المستثمر طويل الامد غير مهتم لأنه يعتمد بالغالب على الارباح السنوية .
و الله أعلم بالغيب و بعواقب الأمور ، اتوقع ان السهم راح ينزل لأسعار أقل بكثير من الاسعار الحالية و راح اتكون فرصة لكثير من الناس علشان تستفيد منه و الشركة عارفة بالموضوع هذا ، و كثير من الناس ينتظرون السهم في بحر 1,500 و 1,600 علشان ياخذونه آجل و الشركة عارفة ان اذا تم الشي هذا الناس راح تاخذ كميات كبيرة جدا ، فهل راح تسمح الشركة للناس من انها تاخذ مثل ما تبي من الاسهم و بعدين يرفعون السهم الى حدود 2,500 و تستفيد غالبية الناس او تتركهم ياخذون آجل بكميات ضخمة و بعدها تترك السهم ينزل الى حدود 900 فلس و اللي بدوره يكون كافي لفسخ عقد الآجل و بذلك يكون تكسير العظام للكثيرين و خروجهم من السوق و لو لفترة مؤقتة .
و للعلم ، يجب الانتباه ، اذا كانت النية لرفع السهم بشكل سريع السهم ماراح ينزل لأسعار متدنية كثيرا ، و اذا تم اخذ قرار من الشركة بالانتظار لفترة أشهر قبل رفع السهم ، ما راح يكترث اصحاب الشركة بالسعر المنخفض للسهم لأنهم عارفين ان المدة القصوى لغالبية الناس بالانتظار على السهم هي بحدود 10 أشهر و هي الفترة التي تسمح للمتداول بتجديد عقد الآجل لفترة مماثلة مرتين (المدة الكلية 9 شهور) و في هذه اللحظة يحوش المتداول احباط كبير من عدم تحرك السهم هذا اذا ما نزل الى سعر الفسخ و ما كان في سيولة لدفع 10% و تجديد العقد .
و الله أعلم

 

[وايلي]

السلام عليكم ياجماعه اللى عنده راى يفيد المنتدى يقوله مانبى احد يطبل ولا يحبط والجماعه المراقبين وين دوركم فيه ناس قاعده تلعب بدون لا يقدمون راى له اساس علمى ولا وزياده على ذلك اللى عنده راى يهاجمونه بصراحه مانبى بالنهايه نكون ضحايا

لبعض المتورطين فى بعض الاسهم ودمتم بصحه وعافيه0​

​

السلام عليكم
السهم امامة الان 1700 دعم ان شاء الله يرتد منه الى 1780
او يكسر 1700 والذهاب من ثم الى 1650 والتي تعتبر دعم قوي
اما كسر الاخيره فلا محال من 1600

بالتوفيق للجميع​

 

[المنيفى]

ارجع ياخوي للصفحه السابقه وراح تشوف ردي وهو فني بحت بعيد عن العواطف والقيل والقال

ياليت كل المشاركات مثل مشاركتك 0

 

[anar]

السلام عليكم
اللي أعرفه ان أي سهم اذا صارت له زيادة راس مال ممكن يحوشه حركه خفيفة بإتجاه صاعد بس الوضع الطبيعي له انه إذا تم تزويع الاسهم المخصصة لزيادة راس المال و خصوصا اذا كانت النسبة عالية لابد للسهم من انه ينزل لأسعار تكون متعبة جدا خصوصا للناس اللي ماخذينة بالعالي و مع ملاحظة ان السوق راح يختنق بكميات الأسهم المعروضة و هذا النزول يكون لفترة مو قليلة حتى يتم تجميع السهم بأسعار نازلة و تصفية الاسهم من المضاربين و الابقاء على المستثمر طويل الأمد علشان اذا تم رفع السهم يكون نصيب الاسد للمساهمين الاستراتيجيين بالشركة و مهما ارتفع السهم يكون المستثمر طويل الامد غير مهتم لأنه يعتمد بالغالب على الارباح السنوية .
و الله أعلم بالغيب و بعواقب الأمور ، اتوقع ان السهم راح ينزل لأسعار أقل بكثير من الاسعار الحالية و راح اتكون فرصة لكثير من الناس علشان تستفيد منه و الشركة عارفة بالموضوع هذا ، و كثير من الناس ينتظرون السهم في بحر 1,500 و 1,600 علشان ياخذونه آجل و الشركة عارفة ان اذا تم الشي هذا الناس راح تاخذ كميات كبيرة جدا ، فهل راح تسمح الشركة للناس من انها تاخذ مثل ما تبي من الاسهم و بعدين يرفعون السهم الى حدود 2,500 و تستفيد غالبية الناس او تتركهم ياخذون آجل بكميات ضخمة و بعدها تترك السهم ينزل الى حدود 900 فلس و اللي بدوره يكون كافي لفسخ عقد الآجل و بذلك يكون تكسير العظام للكثيرين و خروجهم من السوق و لو لفترة مؤقتة .
و للعلم ، يجب الانتباه ، اذا كانت النية لرفع السهم بشكل سريع السهم ماراح ينزل لأسعار متدنية كثيرا ، و اذا تم اخذ قرار من الشركة بالانتظار لفترة أشهر قبل رفع السهم ، ما راح يكترث اصحاب الشركة بالسعر المنخفض للسهم لأنهم عارفين ان المدة القصوى لغالبية الناس بالانتظار على السهم هي بحدود 10 أشهر و هي الفترة التي تسمح للمتداول بتجديد عقد الآجل لفترة مماثلة مرتين (المدة الكلية 9 شهور) و في هذه اللحظة يحوش المتداول احباط كبير من عدم تحرك السهم هذا اذا ما نزل الى سعر الفسخ و ما كان في سيولة لدفع 10% و تجديد العقد .
و الله أعلم

كلامك عجبني ... مشكور

 

[أسد في البورصة]

السلام عليكم وكفاكم فتاوي على زين اللي مايعرف السهم لا يحفر فيه

 

[(فزاع)]

بسم الله الرحمن الرحيم ..

رسالة الى ( UNIX ، قنوع ؟ ) ..
تحيه طيبه معطره بالاستبرق والسندس .. بماء الورد المعتق على أنسام الزيزفون والجوري ،، أما بعد ..

اثمن دوركم الفعّال في خدمة اخوانكم الاعضاء ..
والذي لا تبتغون من وراءه الا الدعاء بظهر الغيب ..
وتأجرون على ذلك ..
حيث انه في ديننا .. بأنه زكاة العلم .. هو تبليغه ..
وانتم تزكون وتصدقون على علمكم .. ولم تحبسوه لأنفسكم ..
الذي يحتاجه الصغير قبل الكبير من المستثمرين ..

فـ أنني اطلب من سيادتكم .. عدم الاكتراث بما يقوله السفهاء ..
ولا يؤاخذنا الرب .. ولا تآخذوننا اخي ( UNIX ، قنوع ؟ )بما فعله السفهاء منا ..
حيث قال الرب .. ولا تزر وازره وزر اخرى ..
اي أننا لم نقترف ذنبا ً حتى يتم حرماننا من علمكم \ معرفتكم \ تحليلكم \ ردودكم \ ورودكم ..

لذلك اطلب منكم الرجوع عن قراركم وتجاهل كل شخص يؤمن بنظرية
" رآي صواب لا يحتمل الخطأ .. ورآي غيري خطأ لا يحتمل الصواب" ..

وأنا اعلم علم اليقين بأنكم ستقولون لي ..
بأن باب الرساله الخاصه مفتوح .. ولكنني اطلب منكم وضع ردودكم هنا حتى يستفيد منها الزائر والعضو .. والمارين مرور الكرام -أمثالي - ..

هذا وآخر دعوانا ان الحمد لله رب العالمين ..

تقبلوا فائق الاحترام وعظيم الامتنان
كوبرا​

 

[بديع الزمان]

والله أعلم إن سبب نزول السهم اليوم هو الضغط المتعمد من الخرافي


لأن اليوم في بداية التداول ما كان في عروض بيع فظل يضغط ويقط على نفسه إلى أن حصل المقصود

والدليل النسبة السابقة كانت 12.474%

وصارت اليوم كالتالي


2.473 % / غير مباشــرة شركة الخير الوطنية للاسهم والعقارات / 12.498%

يعني اللي قاعد يشتري السهم هم أصحاب الشركة اللي عارفين قيمتها

كانت نسبتهم 7.77% إلى أن وصلت تقريباً 12.5% يعني زادت 5% يعني 150 مليون سهم تقريباً

يعني لو مايضغطون على السهم جان صار سعره فوق 3 دنانير

الخلاصة اللي قاعد يشتري السهم محترف وذكي جداً جمع بهالأسعار بدون ارتفاع

 

[DAISKY]

والله أعلم إن سبب نزول السهم اليوم هو الضغط المتعمد من الخرافي


لأن اليوم في بداية التداول ما كان في عروض بيع فظل يضغط ويقط على نفسه إلى أن حصل المقصود

والدليل النسبة السابقة كانت 12.474%

وصارت اليوم كالتالي


2.473 % / غير مباشــرة شركة الخير الوطنية للاسهم والعقارات / 12.498%

يعني اللي قاعد يشتري السهم هم أصحاب الشركة اللي عارفين قيمتها

كانت نسبتهم 7.77% إلى أن وصلت تقريباً 12.5% يعني زادت 5% يعني 150 مليون سهم تقريباً

يعني لو مايضغطون على السهم جان صار سعره فوق 3 دنانير

الخلاصة اللي قاعد يشتري السهم محترف وذكي جداً جمع بهالأسعار بدون ارتفاع

انت بديع اسم على مسمى

 

[kow80]

أعوذ بالله من الشيطان الرجيم ....

الله لا يجيب الزعل ترى كلنا أهل وإخوان ...والإختلاف مايفسد للود قضيه ....وكل

واحد دخل هذا المنتدى إما قصده يفيد أو يستفيد ...وإللي عنده فايده يحط رايه ودليله

...أما إذا كان قصده التعصب حق رأيه

وتحقير آراء الآخرين والحط منها...فهذا ما أعتقد إنه يقدر يتواصل مع الناس أو يستفيد من الإختلاف معاهم .

...يا جماعة الخير إختلاف الآراء فرصه ثمينه لاكتشاف المعلومات والتحفيز للوصول

إليها ...خلونا نستفيد من إختلاف آراؤك الثمينه ....ولا يستبد أحد برأيه ويشوفه صواب وغيره

ما يفهم .

يقول الإمام الشافعي رأيي صواب يحتمل الخطأ ...ورأي غيري خطأ يحتمل الصواب ...

والله يحفظكم..... ويرزق الجميع على قدر نياتهم ....والله في عون العبد مادام العبد في عون أخيه ...والمستشار مؤتمن كما قال النبي صلى الله عليه وسلم ...

ودمتم.....