شركه السور لتسويق الوقود (السور) ..3

[على قاسم على]

اتوقع باجر يقل الطلب عليها يعني ما تزيد اكثر من جذي بكثير

 

[حفار قبور]

أتوقع باجر تعليقة ثالثة وبعدها نزول

 

[c200]

انشالله وبحيل الله وبعزت الله وبركته رااح تشوفون تعليقاات ال50 فلس بعد يووومين وانشالله ادخل عليه بكرة واطلب ال5 مليون لا لا لا اسف ال5 الاف من سوق الكسر واقطها برسمي
للعلم والحيطه والحذر السهم الي اشتري فيه يجي علاا دماغه روايس بدون منازع

 

[a9eel]

السلام عليكم شباب ممكن سؤال اقدر ادمج سهم السور وشنو اللي يطلبون من اوراق ووين في اي مكان ممكن التفاصيل ولكم جزيل الشكر والله يرزق الجميع يارب​

 

[السور]

ياجماعة لا تنخدعون فى ناس طالبين بالحد الاعلى وقاعدين يصرفون كميات كبيرة بالكسور !!

 

[مستثمر عنيد]

صفقات الكسور


10,275,206 سهم

 

[بو بدر]

أمس و اليوم ... حاولت أشتري من سوق الكسور .. وما قدرت ... قالي الدلال أن أحد المكاتب ... عنده نظام ... يشتري المعروض .. من سوق الكسور ... قبل أي شخص ...؟؟؟؟؟ معقوله هذا الكلام

 

[Wise]

لو يلغون سوق الكسور ريحو العالم

 

[خير الكلام]

السلام عليكم

وربي حكم

اليوم الحمدلله قطينا بالكسور والحمدلله على الرزق

نسأل الله ان يرزق الاخوان ولكن اوصيكم الحذر

ما ابي اخوفكم ولكن الكل مترقب بس ما يشوفون طلب حد اعلى

بيقطون على الطلب وتصير تحذف

انا عن نفسي قلت الحمدلله والله يوفقكم جميعا

========
اول كلامك تقول الحمدلله ؟
وبعدين تقول الحذر ؟
وماتبي تخوفنا ؟
ابي اسالك سؤال واحد بس .
انت بعت شكو داش تحذر بكلام غير منطقي ؟
هذي النوعيه من الاسهم يبيلها نفس طويل ومادام انك بعت اسكت والله يوفقنا جميعا .

 

[خير الكلام]

السلام عليكم

الله يسلمك ..
اذا السهم طالع علينا امية فلس ..
اطمع على 25 فلس ..؟

الطمع ضر ما نفع ..​

===========
اخوي العزيز كلامك مردود عليك .
انت تشتري سهم حكومي وتبيعه وتقول السهم ب100 شحقه اطمع ب25 فلس ؟
بذمتك هذا كلام ؟
مادام جذي شحقه الناس طالبه الاتصالات ب1600 وهو بالاساس كان ب100 فلس ؟
انصحك نصيحه مادامك بعت اسكت .
كلامك غير منطقي .

 

[خير الكلام]

السلام عليكم

اتوقع باجر يقل الطلب عليها يعني ما تزيد اكثر من جذي بكثير

==============
لاوالله ؟

 

[خير الكلام]

السلام عليكم

ياجماعة لا تنخدعون فى ناس طالبين بالحد الاعلى وقاعدين يصرفون كميات كبيرة بالكسور !!

=========
ياحبيبي ياعزيز سؤال واحد اتمنى تجاوب بكل صراحه
منو اللي قاعد يصرف ومنو اللي يشتري
لايكون عبالك صغار المستثمرين يشترون هههههههههههههههههه

 

[nestla]

مرحبا
عندي 100 سهم كيف يمكن ابيعهم ؟ وهل يسوي ابيعهم او انطر ؟
ارجو افادتي

 

[Boufaress]

مبروك عليكم حد اعلى ثاني يوم والله يرزقنا جميعا.

اليوم اجمالي تداول الكسور 10,273,158سهم.

بالتوفيق.

صفقات الكسور


10,275,206 سهم

اخي مستثمر عنيد شلونك عم ضارب علي
من وين الفرق بينا

 

[مبارك الهاجري]

سؤال : اللي انباع حتى الآن تقريبا نحو 38 مليون ، مع احتمال أن بعض من اشترى بالأمس باع اليوم ، وعدد أسهم شركة السور نحو 299 مليون ، ألا يعني ذلك أنها راح تعلق غدا ، وبعد غد ، ولعله أيضا يوم الأحد القادم ، لأن الناس موراضية تقط بكثرة ، إلا إذا سووا لهم هزة بالنازل حد أدنى ، وسلامتكم .

 

[(فزاع)]

حبيت اوصل رساله حق الاعضاء المطبلين ..
اللي يبي يدنبك ويطبل .. ترى مكانه مو اهني ..!
في اماكن وايد يقدر يطبل على راحته .. ولي الصبح ..

لذلك اذكرهم بحديث الرسول عليه الصلاة والسلام ..
" فلتقل خيرا ً .. او لتصمت " ..

يعني بالعاميه .. انطم يا دنبكجي ..!
واللي ما يعرف ينطم .. يقول لي ..
وانا اعلمه اشلون يخيط حلجه .. بـ خيط جوتي ..!

لأن لا يوجد مكان للدنبكجيه في منتدى المؤشر .. بإمكانهم يروحون منتديات ثانيه ويدنبكون لي الصبح .. لدرجه انهم راح يلقون الناس ينقطون عليهم خرده حديد ( امية فلس واخواتها ) .. !

لذلك .. منتدى المؤشر ليس مكانا ً للمطبلين والدنبكجيه ..!
​

 

[مبارك الهاجري]

سؤال : اللي انباع حتى الآن تقريبا نحو 38 مليون ، مع احتمال أن بعض من اشترى بالأمس باع اليوم ، وعدد أسهم شركة السور نحو 299 مليون ، ألا يعني ذلك أنها راح تعلق غدا ، وبعد غد ، ولعله أيضا يوم الأحد القادم ، لأن الناس موراضية تقط بكثرة ، إلا إذا سووا لهم هزة بالنازل حد أدنى ، وسلامتكم .

ولكن أحب أضيف أيضا :
موؤسسة البترول تملك 24% من أسهم الشركة ، يعني تقريبا 72 مليون سهم ، بعملية حسابية بسيطة ، ما زال نحو 190 مليون سهم بأيدي ملاكها لم تعرض للبيع .
الأخ كوبرا هون عليك ولا تهتهم بكل أحد ، فأنا من المتابعين لتعليقاتك ولكشاتك الظريفة ، وما توعت إن أي واحد يقدر يطلعك من طورك ، ولو إنك ما كتبت اللي كتبته كان أحسن ، والله يحفظك ، وسلامتكم .

 

[(فزاع)]

الأخ كوبرا هون عليك ولا تهتهم بكل أحد ، فأنا من المتابعين لتعليقاتك ولكشاتك الظريفة ، وما توعت إن أي واحد يقدر يطلعك من طورك.

هلابك .. هلا والله الهاجري ..
كيف الحال ..؟ بشرني عنك وعن كل من يعز عليك ..؟

والله يا اخوي لاني معصب ولا هم يحزنون ..
لكن حبيت ادقر واكسر بكل واحد يايب كاسوره .. ويطبل بالمنتدى ..
لأني كنت مار على القسم واسمع الـ ( طرططو طرططو طرططو )
واضطريت اني اكتب ردي ..​

 

[مبارك الهاجري]

بخير والحمد لله ، والله يحفظك ويحفظ الجميع ، وأذكرك بحديث النبي صلى الله عليه وسلم : "ليس الشديد بالصرعة ، ولكن الشديد الذي يملك نفسه عند الغضب"
لكن:
أحب أعرف تعليقك ، وكذلك الأخوة المتابعين ، على ما ذكرته عن أسهم السور وعددها ، الكمية التي عرضت إلى الآن ، مع إننا جميعا نعرف أن هنا من يرغب بالسيطرة على مجلس إدارة الشركة ، وهذا يلزم منه أن يمتلك أكبر عدد من أسهم الشركة ، والطريقة المتبقية لهم الآن المعروض بالسوق حاليا . وسلامتك .

 

[(فزاع)]

بخير والحمد لله ، والله يحفظك ويحفظ الجميع ، وأذكرك بحديث النبي صلى الله عليه وسلم : "ليس الشديد بالصرعة ، ولكن الشديد الذي يملك نفسه عند الغضب"
لكن:
أحب أعرف تعليقك ، وكذلك الأخوة المتابعين ، على ما ذكرته عن أسهم السور وعددها ، الكمية التي عرضت إلى الآن ، مع إننا جميعا نعرف أن هنا من يرغب بالسيطرة على مجلس إدارة الشركة ، وهذا يلزم منه أن يمتلك أكبر عدد من أسهم الشركة ، والطريقة المتبقية لهم الآن المعروض بالسوق حاليا . وسلامتك .

بداية اتمنى ان تدوم عليك نعمة الصحه والعافيه عليك وعلى كل من يعز عليك ..
ثانيا ً اشكرك على ذكرك حديث الرسول عليه افضل الصلاة والسلام ..

اخي الكريم الهاجري .. في رد سابق اعطيت ردي للأخ jeme_E .. وهذا هو انقله لك ..​

الله يسلمك يا بعد حيي وميتي ..
والله يا اخي الكميات اللي عندنا ما تنذكر والدليل انها تنباع بسوق الكسور ..
لكن انا بعت لأني قلت ان عصفور باليد خيرا ً من عشره على الشجره ..
ما ابي احط نفسي بمواقف بايخه مثل نزول السوق .. تصحيحه .. او أي سبب ثاني ..
بالاضافه الى ذلك الاولى للوقود كانت اول يوم مرتفعه وبعدين طاحت رواسي ..

لذلك ..
عمري ما تحسفت على نسبة الربح .. لكن دوم اتحسف على نسبة الخساره ..
علشان جذي انا بعت اليوم ..​