شركة منا القابضه (منا قابضه) .... 2

[حفار قبور]

يمسيكم بالخير جميعاً ..

الواحد مايدري من وين يبدي صراحة .. لي اكبرت السالفة سبحان الله تييك المعلومات من كل صوب .. عاد جان زين معلومات إيجابية .. !!

عالعموم ..

ناس للأمانة راحوا للشركة مشكورين اليوم علشان يسئلون عن السبب في هالنزول .. ما وصلوا إلى نتيجة للأسف .. فالشركة أبدت استياءها صراحة على الوضع إللي قاعد يصير .. راح يكون لهم اجتماع ثاني في هاليومين احتمال كبير مع أهل الشركة أيضاً .. وان شاءالله على إيدهم يكون الحل ..

الشركة انفجرت ووصلت إلى أسعار تستحقها وبجدارة للأمانة .. لكن للأسف بدون صانع سوق .. وإلى الآن ماكو صانع سوق لها ..

أخبار تقول بأن السهم بتشوفه يا بوتسنيم بسعر 750فلس (فال الله ولا فال إللي وصلي هالأخبار) ..

كلام كبير عن محافظ قاعدة تكسّر مجاديف منا قابضة (الاستثمارات الوطنية) على رأسهم وإهي السبب في هذا كله .. طبعاً التكسير هذا لأن شنو انتي يا منا يإللي صاعدة من 200فلس إلى 1900 .. وتصريحات وغيره .. خل نشوف منو إللي أقوى من الثاني .. (طبعاً لسان حالهم يقول جذي) .. وأمرنا لله سبحانه ..

وجهة نظري .. إللي ما وصلت له هالأخبار من الـ 1800 وماطلع .. ولا طلع بالـ 1500 .. أعتقد ماكو فايدة يطلع .. والسهم برأس ماله وهذي هي أرباحه أشوفه رخيص جداً .. والحلال حلالكم للمرة الـ80 أقولها .. وانت إللي تعرف كيف تسيّر هالحلال ..

ميخالف معلومات سلبية للأسف .. لكن وصلت وما أعرف أسكت ..

بوتسنيم​

المشرف بو تسنيم في منتدى سوق الكويت

http://www.sooqalkuwait.com/vb/t7942-78.html

 

[حبيبكم]

بوفواز ....
يمكن أكون متاخر شوي بس أنا كنت انسخ الصور للتغيرات في فترات متباينه اليوم للعروض على سهم منا.
يمكن هذي الصور تنفعنا بالتحليل (حطيت عليهم الوقت اللي سجلتهم فيه)

 

[بو سليمان]

يا هلا وغلايالغالي

وثقتنا فيكم اكبر ياخوي

بوسليمان نبي توصيه مثل الوطنيه م ب :d

.

هلا بو عبدالعزيز
انا ملاحظ فعلا اني مكسل حيل هالايام و قمت ما اتابع القوائم المالية و اكتفيت بالشارتات

لكن هالايام اشوف وطنية م ب تستاهل بسعرها 520-510 تدري انها حقتت نمو 63% بالاضافة ان انها من الشركات الزميلة لمجموعة الخير و الانشاءات الشرقية و شركة الصناعات لنقل البري و تعتبر الاخير دخول جيد اليوم لاحظة و قد تكون موجودة

عموما وطنية اخذها من اخوك ما فيها خسارة بالاسعار الحالية

 

[Crusher]

تاريخ النشر: الاثنين 2/6/2008 الوطن

المؤشر يفقد 10.3 نقاط والقيمة تنخفض إلى 122.2 مليون دينار
البورصة تشهد تراجعاً فنياً نتيجة جني الأرباح وعمليات تغيير المراكز
»الاستثمارات«.. و»الصناعة«

مازالت مجموعة الاستثمارات الوطنية هي اللاعب الرئيسي العقاري والقيادي لمعظم القطاعات بالسوق وخصوصاً قطاع الصناعة، والذي بدا تأثره واضحاً بالحركة النشطة نسبياً بالأمس، وتركزت التداولات على الاسهم التابعة للمجموعة، والمرتبطة بها كالأنابيب والصناعات والكابلات والتي ارتفعت اسعارها جميعاً بنسب متباينة، بينما تأثر مؤشر القطاع بالتراجع الكبير لسهم منا القابضة الذي انخفض معروضاً بالحد الادنى وبكمية عروض تجاوزت الـ 2.5 مليون سهم، وكان قد اشرنا الى عمليات الضغط وجني الارباح التي سيشهد السهم بعد ارتفاعه لمستويات قياسية وخصوصاً على حملة اسهم والآجل.​

 

[كويتي2006]

شعر هجاء ضد تويجر الفقر ، بعنوان ( تويجر مال نحرقه ونطفيه بنعال )

شعر إهداء لأخوننا الخسرانين بسبب تويجر الفقر ، بعنوان ( تويجر مال نحرقه ونطفيه بنعال ) :

يا توجير الفقر جنك سم امعفن بستكانه
كلك نصب ودجل وتطبيل وهم مو تكانه
ياريت نشوفك ونحرقك واطفيك بنعال انا
طلعت واحد ما تخاف الله وما تسوى أنَ ( عملة كويتية قديمه )
يا تويجر الفقر استح ولا اشوفك معانه
لكن ادري ما تستحي وهم بتكتب ويانه


ويسقط تويجر الفقر يسقط يسقط


وهم عاش بو عادل

 

[المبدا جوهر]

شعر إهداء لأخوننا الخسرانين بسبب تويجر الفقر ، بعنوان ( تويجر مال نحرقه ونطفيه بنعال ) :

يا توجير الفقر جنك سم امعفن بستكانه
كلك نصب ودجل وتطبيل وهم مو تكانه
ياريت نشوفك ونحرقك واطفيك بنعال انا
طلعت واحد ما تخاف الله وما تسوى أنَ ( عملة كويتية قديمه )
يا تويجر الفقر استح ولا اشوفك معانه
لكن ادري ما تستحي وهم بتكتب ويانه


ويسقط تويجر الفقر يسقط يسقط


وهم عاش بو عادل

هاجمه ما في مانع أحرقك بالكلام أكيد كلنا نتمنى بعد اللي شفناه منه وضيع خلقك الله بس اتمنى من الجميع المكان له حشمة ونترفع بالالفاظ ولا شرايكم يا محترمين

 

[Madridi]

عدد إجمالي الأسهم للبيع 2.277.500 سهم

2.020.000 سهم حد أدنى

108 عدد أوامر الحد الأدنى

الله يصبركم

 

[garmin]

نسيت أقولكم
بان سامي البدر

يملك أراضي في مصر قبل لا منا قابضه تدل طريج مصر

ليش سهمه 300 فلس ..
أنا بروح أقول حق سامي البدر شوف منا قابضه والعب معاهم عدل


لاحول ولاقوه الا بالله

هذي المشاركه هديه حق تاجر بن تاجر

خل يعرف ان الناس لما تكتب لازم تكون عندها مصداقية
كلامي ذكرته والظاهر سامي البدر
قال والله شلون طافت علي

عاد بوبدر قول مشكور نبهتك على شغله




أخوكم
بوفواز


والله يعين

 

[garmin]

عدد إجمالي الأسهم للبيع 2.277.500 سهم

2.020.000 سهم حد أدنى

108 عدد أوامر الحد الأدنى

الله يصبركم

أغلبهم صغار المستثمرين عارضين


لاحول ولاقوة الا بالله

 

[كويتي2006]

اتصور لو الصغار يسحبون كمياتهم ممكن الوضع يتغير اشوي

ممكن محفظة تدخل على السهم اتلم الأولي والتالي

ممكن يصير شي

بس انا الي امضحكني ، ان احد الأخوه يقول واصله كلام ان احمد عبدالسلام متوهق ومو لاقي من يشيل السهم كصانع سوق ، طيب شركة منا نفسه ليش ما تشيل السهم وتلم المعروض مادام من حقها تلم 10% من الأسهم

هههههههههههههههههه

الظاهر مافيش فلوس ، لأن الأرباح غير محققه

يا عيني عليهم

انا اقترح اخونا بو عبدالعزيز مع بو عادل يدشون اليوم على السهم ويلمون كل المعروض ويميا يعلقون السهم ليمن تنتبه المحافظ وتدش ، فيبدون يصرفون على المحافظ واحنه نصرف معاهم ، ونخلي المحافظ تتفاهم مع احمد عبدالسلام




عاد بو عبد العزيز وبوعادل الظاهر عندهم خوش محافظ ممكن تغير اتجاه السهم


شد حيلك بو عادل تره بس 3 ملايين معروضين

 

[كويتي2006]

زادت كمية المعروض بالحد الأدنى ( 3,105,000 )

خل اخربها انا واعرض كميتي وياهم بعد خل الرقم يصعد

والي عنده خل يعرض ، خل انخلي رقم المعروض اليوم اكبر رقم بتاريخ منا

انوصله 10 ملايين معروض ، علشان الي وده يستحوذ على السهم يدش بطقه وحده ويفكنه منه ومن شره

 

[حبيبكم]

زادت كمية المعروض بالحد الأدنى ( 3,105,000 )

خل اخربها انا واعرض كميتي وياهم بعد خل الرقم يصعد

والي عنده خل يعرض ، خل انخلي رقم المعروض اليوم اكبر رقم بتاريخ منا

انوصله 10 ملايين معروض ، علشان الي وده يستحوذ على السهم يدش بطقه وحده ويفكنه منه ومن شره

سويتها من صجك و عرضت !؟
زاد واحد بعد

 

[كويتي2006]

زادت صارت
3.115,000

وينك يا بوعادل ما تلمهم

 

[كويتي2006]

خل اروح اييب دشاديشي من المصبغة احسن من مجابل هل السهم

خل اشوف اعرض على الي يكوي الدشاديش ممكن يلم المعروض

يشكله بيرد علي ( لا بابا ، كوي دشداشه مال انت واجد يخلي انا يربح ، كاثر من سهم منا وسوالف مال تاير وبيانات مال تاير )

 

[حبيبكم]

نشال 500 ألف من الحد الأدنى

 

[Madridi]

اذا استمر السهم على هالحال

بدون أي صفقة وكله حد أدنى

باجر يصير الحد الأدنى 200 فلس ؟؟

 

[كويتي2006]

الي المضحك ان ولا صفقة صايره

اقول السهم نازل لأن مافي شراي ولا شنو

يعني لو محفظة بتضغطه مثل ما يقولون ، طيب ما السهم لما ينزل اهي هم بتخسر ، فليش تغضط

اتصور يمكن ماكو شراي خلاص ، يعني الحين الميدان لنا وحدنه مافي غيرنا

وحيدين فريدين

 

[كويتي2006]

ان شاء الله بعد اشوي يلمون كل المعروض

 

[Madridi]

انزين اللي شره أمس واحد 2500 والثاني تقريبا 5000

شنو حالهم اليوم ؟؟

الله يكون بعونهم وشوفوا منو قص عليهم

 

[كويتي2006]

السوق صاعد صعده قويه

وسهمنا يا عيني