شركة المصالح العقاريه ش.م.ك. مقفلة ( المصالح ع )

[مستثمر مبتدئ]

والله بالعكس يا شباب

هالحين تشتري مو تبيع
والا شلون احنا نخسر إذا شب السوق شرينا واذا خفسوا فينا بعنا

لازم نغير الاستراتيجية​

 

[TechnoFund]

أضم صوتي لصوت الأخ مستثمر مبتدئ ..
سياسه البيع السريع ما تنفع مع هالسهمين - خصوصا المصالح بحكم الخبره الصغيره نسبيا معاه - احتفظ بالأسهم حتى يأتي الوقت المناسب للبيع ..
ما يربح الهوامير غيرنا والسبب .. البيع السريع وعدم التريث .. التداول المتوسط المدى - طويل المدى هو الأنسب.

 

[kuwaity_kuwaity]

undefined
بصراحه هذول ما ينفع فيهم الا رصاصه طايشه او الخطف والنحر يبيلهم جم واحد من الارهابيين يطلعون حرتنا فيهم خل يديرون بالهم ترا الكويت متروسه من اللي مستعدين يقومون بالواجب

 

[خوش ولد]

كويتي تبي تعوض خسارتك؟

اسحب فلوسك من المصالح وغيره وحط نص بجيزان ونص بالمخازن ونطر لي اخر السنه وذكر كلامي

 

[CCI]

خبر اكيد... المصالح العقارية

المصالح العقارية تبيع حصتها بالبنك العقاري ب (12,000,000) مليون دينار وهلكلام من شهر تقريبا.

 

[خوش ولد]

يمعود زين باعتها هالخبر راح يرفع العقاري الي صارلة مدة من بعد التفصيخ ثابت

المصالح امقبسة

 

[kuwaity_kuwaity]

المصالح مع العقاري مو مترقعه بدون العقاري سهمها راح يصير قيمته نعال زنوبه مثل قيمة اصحاب الشركه

 

[TechnoFund]

أهل المصالح ع .. يتفضل .. ويدلني على حل ..

أنا شاري المصالح ع بسعر 260 قبل شهر واليوم.. 255 ..
ودي أبيع وأفتك منها .. بس متردد .. الطيور طارت بأرزاقها وانا قاعد أنطر
شرايكم .. أبيع ولا في بصيص أمل أنه يكسر ال 260 .. ووين راح يوصل
انا اللي معطيني أمل أنه السوق بدأ يغير أتجاهه نحو الصعود ..


ودي تكون الإجابة منطقية ومبنية على شي من التحليل
ولكم من أخوكم راعي المصالح المتبهدل معاها أطيب المنى وجزيل الشكر

 

[نصار]

الاخ المحترم ستار بكس اذا قصدك التحليل الفنى للسهم فأنالا اعترف فية

ليس لجهلى ولكن قناعة منى بأنة غير مجدى , وما سأقولة رأيى الخاص .

عند انعقاد جمعية المصالح قال رئيس مجلسها بأنة مستحيل ان تحقق

الشركة ما حققتة فى عام 2003 من ارباح , ربحية الربع الاول 5 فلوس

والربع الثانى باقى لة شهرين فكما قلت انت فى ما كتبت بأنك تخاف

ان يفوت عليك الفرصة , ارى بأن فرق السعر الآن عن سعر الشراء ليس

بكثير مما يعنى بأن الخسارة ليست كبيرة , كما ارى ان هناك أكثر من سهم

افضل بكثير من المصالح .

يبقى القرار لك أخيرا كما يبقى ما كتبت وجهة نضر خاصة

 

[almotaktak]

اقدر شعورك

اقدر شعورك ان الطيور طارت بأرزاقها اخوي ستار بكس وادري انك ودك تعطي المصالح ع بكس بس لا تظن انك الوحيد الكثير من الناس شرت بالغالي والربع اكثرهم يقولون السوق صعد واسهمنا ما ردت راس مالها واحنا قاعدين ننطر بس الناس شتسوي الخسارة جايده وإذا تركض ورا المضاربات يمكن تصيب و70 بالمية تخيب وإليك اوضاع بعض الربع اللي شرو لأنه اللي يشوف مصايب الناس تهون عليه مصيبته ، عقارات الكويت ب 550 بيت التمويل الخليجي 500 الصناعات الوطنية 670 المواشي 305 وشركات العقار بشكل عام عدا المضاربية ما عليها اي اقبال صار لها من بداية السنه ولكن المصالح ع يرى بعض من اخالطهم ان سعرها الآن جيد وانت متضايق شي يقول اللي خذاها ب 600 فلس قول الحمد الله واصبر يجيها الدور وشكرا .

 

[TechnoFund]

شكرا أخوي المتكتك، ونصار .. ما قصرتوا
اليوم .. كنت ناوي أبيع 255 .. بس تعوذت من الشيطان وقلت انا صبرت كل هالمده .. أصبر بعد .. ما كو مشكلة .. والحمدالله سكرت 260 ..
بنطر عليها .. وبشوف وين احتمال توصل .. مع فزة السوق الفترة اليايه انشاء الله
والله كريم .. ويعينا وياكم على الخير

 

[بوحسن]

هاهاهاها والله ضحكتني يا ستاربكس .......... شقووول انا عيل الي شاري السهم ايام ال 600 فلس
لاني كل ما شريت السهم قبل كنت اربح فيه من ايام ال 295 فلس جان اقول خلاص هذا سهمي اشما اشتري فيه راح اربح جان جان جان ابط بالنهاية

عموما انا صابر ليم يوصل ال 500 فلس وببيع بخسارة املي عجيب مو ..بس صدقني بصبر

انشالله ليم تعرف اني شاريه اب 600 تهون عليك مصيبتك حبي

 

[بن عاقول]

السلام عليكم..

أخوى ستاربكس.. أنا واحد من الناس اللى شروا ب 590 فلس وعندى كمية فيها. كل اللى أعرفه أن:

1) الشركة سددة أغلب الديون اللى عليها.
2) ثلاث مشاريع ضخمة فى شهر سبتمبر المقبل
3) ما زالت الشركة تملك 5 % من أسهم البنك العقارى.
4) أرباح الربع الاول 2004 نفس أرباح الربع الاول لعام 2003 ، واتوقع أن اعلان الربع الثانى لهذه السنة سوف يحدد مصير سعر السهم.

ملاحظه: هذه دعوة لا للشراء ولا للبيع

والله الموفق

 

[CCI]

اخوى بن عاقول الشركة باعت ال 5% من اسهم البنك العقاري بقيمة

(12,000.000) دينار وتم البيع من شهر ونص تقريبا والارباح ستعلن في الربع الثاني .


أتوقع السهم بروح فوق ال (500) فلس بس هلكلام شهر 11-2004

 

[أبو عبدالمحسن]

بدأت علامات خير ان شاء الله بارتداده طيبه
اتوقع الهدف الاول 270 وان تعداها فله انطلاقه طيبه

هذا والله اعلم

بالتوفيق جميعا

السهم الان مطلوب 270 والتداول شبه قوي الهاي اليوم 280 فلس

اتوقع اخترق المقاومه عند 270 فلس للمتابعه الجاده

والي بيشترى كيفه لكن الي بيبيع مو بكيفه يصبر احسن له

والله اعلم



تحياتي

 

[TechnoFund]

السلام عليكم .. شخبارك يا بوعبد المحسن أن شاء الله تكون طيب والصحة
طيبة والبيزات ترس المخابي

الصراحة انا بعت وموغصبن علي .. 265 فلس .. ودخلت على سهم المستثمر الدولي .. سهم المصالح الظاهر قاعدين يطبخون فيه على نار هادية وانا دشيت
بخط مو خطي .. وسكه ماهي سكتي .. انا اشوف انه اللي طول في المصالح
ويبي يقولب براس ماله .. يغير .. يطلع منها هاليومين .. ويدشله على سهم اسرع من المصالح ..

 

[boalons]

شركة المصالح العقارية: صعود 15 فلس على حجم تداول 2.6 مليون دينار. يشاع بأن الشركة قد قيمت بعض العقارات لديها بأسعار السوق الحالية، مما نتج عنه ربح كبيرا غير محققا من تطبيق المعايير المحاسبية الدولية سوف تظهر نتائجه في الربع الثاني.


المركز الشرقي للاستشارات

 

[يوسف غضنفري]

شنو سالفة المصالح ؟؟؟

التدوال اكثر من 7 مليون سهم والسعر بحد أقصى .. اكود شي بالأفق احنا مو شايفينا والا بدأ قطار المصالح بالانطلاق؟؟؟؟

 

[kuwaity_kuwaity]

السعر القادم 800

كلام يدور خلف الكواليس ان المحطه الاولى هي 400 فلس والسعر المستهدف هو 800 فلس هذا نقلا عن وكالة يقولون وشخصيا لا انصح بالبيع قبل 650 فلس.[/B]

 

[بن عاقول]

السلام عليكم

أرد وأكرر وأقول الموعد شهر 9 ، السعر بيكون دبل. هذه دعوة لا شراء و لا للبيع هذا قرار شخصى.

والله الموفق