ياجماعه وين الجيماز نبى تحليلاته نشوف مشاركاته بصعود السهم وينه بالنزول ياجماعة الخير نبى تحليلاتكم
ترى الخساره جايده
ليش يبه من بد العالم اخترت الجيماز يطلع لك تحليل
بوفواز الجيماز ما قصر ورايته بيضه الريال موصي عليها من زمان
كانت قبل 200 فلس وراحت الى 510 فلس بعد شتبون يعني
شيسوي الريال
الي طمع خسر هذا الكلام الصحيح بالملي
والي عنده بالاسعار هذه ما عليه خوف
لكن الخوف من اهل الاجل
قاعد يبيع عشان يعدل وضعه قبل لا يتفسخ عليه الاجل وبعضهم تفسخ عليه وبيجدد عنده المشكله سعر انهاء وعنده تجديد عقد الاجل والي مسكين ما يقدر يسدد قاعد يبيع بخساره كبيره عشان يطلع له بجم بيزه
فلا نحمل الريال بوفواز اية مسئوليه والريال مو مقصر على احد
الي يعرفه يقوله ما يقصر والي ما يعرفه يقول ما ادري
ومو كل شي بيده
وبعدين قرار الشراء قرارك لاتحمل الريال المسئوليه
وعساه بوفواز ذخر يعتبر اخ عزيز لو مهما صار
ويا اخوان ترى السوق نازل صارله يومين هم نحطها بالحسبان
وخل نشوف عقود الاجل ؟ شصار فيها الله يعينهم
اخوكم بوحسين