شركة الاتصالات المتنقلة - ش.م.ك (زين) ...4

[hassana]

شباب نبي تحليل منطقي ليش اليوم زين حد أدنى

شباب نبي تحليل منطقي مدعم بالدليل ليش سهم زين بالحد الادنى اليوم مع ان ارباحه مقارنة بزيادة رأس المال 75% تعتبر جيده من وجهة نظري نبي راي الجميع وبدون غشمره يا جماعة ترى في ناس حاطه فلوسها كلها بسهم زين حتى نبرد على قلوبهم ولا نزيد همهم

 

[Madridi]

ضغط رهيب على السهم واضح هالشي

تصريف

العالم تبي سيولة بعد ما خذت الأرباح

المنحة كانت 50% والعالم تبي تخلي الأسهم الأساس وقاعد تبيع المنحة


في ناس ما عجبتهم الأرباح

بانتظار الخبراء

 

[hassana]

ضغط رهيب على السهم واضح هالشي

تصريف

العالم تبي سيولة بعد ما خذت الأرباح

المنحة كانت 50% والعالم تبي تخلي الأسهم الأساس وقاعد تبيع المنحة


في ناس ما عجبتهم الأرباح

بانتظار الخبراء

تحليل منطقي بس خل نشوف بعد بعض التحاليل وانا أتمنى من المراقبين والمحللين يشتركون بعد

 

[al7mly]

شباب نبي تحليل منطقي مدعم بالدليل ليش سهم زين بالحد الادنى اليوم مع ان ارباحه بزيادة مقارنة رأس المال 75% تعتبر جيده من وجهة نظري نبي راي الجميع وبدون غشمره يا جماعة ترى في ناس حاطه فلوسها كلها بسهم زين حتى نبرد على قلوبهم ولا نزيد همهم

زيادة رأس المال 75% غير محسوبه بالارباح

واللي باع السهم اليوم اهو اللي حسب راس االمال الجديد علي الارباح وقارنها بالربع الاول في العام 2006وطلعت الحسبه مو من صالح السهم وصرف اليوم

نظرتهم الي بعيد مو مثلنا اشتر ونام علي السهم ويفرجها الله

 

[Navigator]

من اجتهادات اخوكم نبيل ابو عادل وموجود فيه السبب
http://www.indexsignal.com/vb/showthread.php?t=75570&page=15

وكذلك الاخ يونكس حط تحليل لزين بصفحتها ونبه ان السهم راح ينزل

 

[Madridi]

زيادة رأس المال 75% غير محسوبه بالارباح

واللي باع السهم اليوم اهو اللي حسب راس االمال الجديد علي الارباح وقارنها بالربع الاول في العام 2006وطلعت الحسبه مو من صالح السهم وصرف اليوم

نظرتهم الي بعيد مو مثلنا اشتر ونام علي السهم ويفرجها الله

زيادة رأس المال ماله أي علاقة بسعر السهم، السوق اهوا اللي يحدد سعر السهم

هذي مشكلة سوق الكويت

وهذا اللي اعرفه عن زيادة رأس المال ماله أي تأثير على سعر السهم

 

[Navigator]

نسبة النمو في الارباح هي اللتي تؤثر في وضع السهم

ولكم العبرة باجيليتي

 

[sarem]

لا تقول ليش أنت في سوق الكويت للاوراق المالية ،
الجواب باختصار مخرج الفلم عايز كده !!!

 

[قاروه]

باذن الله نرى ارتداد من نقطه 1700-1680

 

[UNIX]

باذن الله نرى ارتداد من نقطه 1700-1680

على أي اساس راح يرتد من النقاط اللي ذكرتها؟ 50% فيبوناتشووو ؟؟

دير بالك ترى بو سعود منوي على الدخله هاهاها

 

[قاروه]

على أي اساس راح يرتد من النقاط اللي ذكرتها؟ 50% فيبوناتشووو ؟؟

دير بالك ترى بو سعود منوي على الدخله هاهاها

لع ال لع

على خلطه من بعض النماذج والمؤشرات اتمنى تصدق

برايي السهم غير قابل للدخول حتى نرى ارتداد فعلي

ونصيحه للاخوان الي حابين يبردون على اسهمهم

التبريد لايكون اثناء نزول السهم

بل من بعد الارتداد

 

[بوسعود66666]

على أي اساس راح يرتد من النقاط اللي ذكرتها؟ 50% فيبوناتشووو ؟؟

دير بالك ترى بو سعود منوي على الدخله هاهاها

خلاص هونت بنطره على 1500 وان شاء الله بيوصل مجهز له خوش مبلغ

 

[الشاعر]

دعوى قضائية ضّد شركة (زين) و عبدالله الرويشد..!

--------------------------------------------------------------------------------

هل تعوّض (زين) الشاعر علي المعتوق 1000000 دينار كويتي ..!

أقام الشاعر الغنائي / علي المعتوق دعوى تعويض على شركة (زين) إثر قيام الشركة بالإستيلاء على كلمات قصيدته الوطنية (ياكويت)، التي غناها الفنان عبدالله رويشد، و الجدير بالذكر بأن الرويشد هو الوحيد الذي لديه النسخة الأصلية للأغنية التي إشترتها (زين) من عبدالله دون حصول الإثنان على أي تنازل من الشاعر علي المعتوق ...

مشاهدة المرفق اعتداء شركة زين على حقوق المؤلف - علي المعتوق.doc





مشاهدة المرفق صورة بيع الأغنية كنغمة إنتظار.doc

مشاهدة المرفق صورة إسم الشاعر على الأغنية بعد التجديد 2008.doc

 

[Madridi]

اخوي الشاعر ممكن تصغر الصورة


واعتقد مثل هالأمور تحدث وتعتبر عادية

 

[الشاعر]

ما أعرف أصغر الصورة ..

أنا آسف ما أعرف أصغر الصورة .. بعدين الموضوع مو عادي خصوصاً لما يصدر من شركة بحجم (زين) ...


و أتمنى كلامي هذا ما يزّعل أحد ..

 

[bo_hamood]

صح كلام ساريم المخرج عاوز كده والدليل شركه ارباحها فلس منا قابضه بعد تعليقتين اوثلاث توصل لسعر زين السوقي بينما سهم زين قيمته السوقيه اكثر من6 مليار دولار؟؟؟؟؟؟؟؟

 

[معشي الجن]

سهم زين صار مطقاقه ( اللهم لا شماته )
وهم انا ناطر السهم يكع اشوي وبصير بوخماط رقم 2

الله يذكره بالخير بوخماط

 

[المعوشرجي79]

انا استغربت تصريح شركة زين في توقعها عن ارباحها حتى نهاية العام 5% بصراحة ليست المرجوة على الرغم من تكاليف الرخصة في السعودية وغيرها ولكن كأنها تقصد من الاعلان شيء معين والله يستر

 

[ALSERHAN]

ما أعتقد السوق ساحبها اليوم..

إلي صاير واضح ضغط مو طبيعي على السهم خصوصاً بعد ما طمأن الجميع بزيادة الربع الأول الطيبه عن السنه إلي طافت..

 

[Madridi]

الشاعر

لا اخوي قصدي انه عادي يحصل مع شركات وايد من اخذ شعار او لوجو او مقدمة او اغنية وينسبونها لنفسهم ومن شركات كبيرة

مايكروسفت سوت نفس الشي وشركات ثانية


وبالنهاية غالباً اللي عنده واسطة راح يفوز


الله ينصر صاحب كل حق