شركة الاتصالات المتنقلة - ش.م.ك (زين) ...4

[فيصل25]

الله يجزاك خير ويبارك فيك
لم اتطرق لدمار الشركه الممتازه جدا جدا
كل منا طرح وجهة نظره واتمنى وجهة نظرك تكون صحيحه

لنترك السهم للايام القادمه ونرى ونترك النقاش لان بالنهايه السعر يكون هو الحكم
والله يكتب اللى فيه الخير للجميع

اخوي نبي تحليل على سهم زين

 

[Abu 3ali]

متى زيادة رأس المال

 

[UNIX]

لا جديد على زين و الشارت واضح و أرجو مقارنته مع الشارتات السابقة.

 

[قنوع ؟]

يعلم اللة انى مرتاح وانى شارى السهم قبل سنة 3 دنانير وطالع السهم على الحين بدينار و600 ولو يرجع ثلاثة دنانير ماراح ابيع لانى مخلية استثمار وانا على ثقة انة فترة بسيطة وانة بيرجع فوق السعر اللى تفصخ علية دينارين و60 لكن السهم علية ضغط قوى والامور كلها تقدير العزيز الحكيم لكن التشويش على الناس مايجوز واى تحليل اللى يقول انة رايح 1340 (لايوءمن احدكم حتي يحب لاخية مايحب لنفسة )

ارجو الاحترام لكى تحترم اوكى
ومن لا يحترم نفسه فليس له احترام
وبفضل الله نحن اناس متقين الله سبحانه
واترك عنك الكلام الفاضى فطاحل البورصات العالميه

ومو انت اللى يعلمنا اللى يجوز من اللى ما يجوز
والتحليل الاخوان فيهم بركه انا ما احلل اى سهم اتركه لاهل الخبره

 

[stock sniper]

الظاهر هالسهم فيه عزيزو دايما متناجرين عليه ناس تقول صاعد وناس تقول نازل

وناس تقول يجوز وناس تقول مايجوز

يا اخوان اللي يبي يحتفظ بالسهم يحتفظ فيه حسب قناعته واللي يبي يبيع خل يبيع حسب قناعته

فيه تحاليل تقول شي ممكن تصدق وممكن ماتصدق حسب الاجتهادات

بالنهاية اهي لعبة محافظ يعرفون متى يضغطون ومتا يفردونها على الاخر

بس للامانه انا حاليا ما املك بالسهم ولا شي اشوف بان نسبة الخرافي حسب الملكيات الاخيرة زادت في زين دليل على ان السهم للحين فيه خير

السهم ممتاز للمضارب الشاطر وممتاز للمستثمر الذكي

خلو نفوسكم وسيعة بالنهاية اهو رزق من الله سبحانه وتعالى اذا بييك محد يقدر يمنعه عنك

واذا مو لك محد يقدر يعطيك اياه لو اكبر محللين بالعالم وسعو صدركم وطيبوا خواطركم على بعض وانشاء الله صاحب الارزاق ماينسى أحد

 

[bo_hamood]

صح لسانك قناص

 

[mo24mo]

السلام عليكم

اخواني بعض الاعضاء محللين اخذوا دورات وتعلموا واجتهدوا(الله يجزاهم خير) وحابين ينقلون خبراتهم لكم وهم انفسهم يتعلمون من بعض عن طريق الردود((النافعه)) حتى وان كانت تعارضهم في الاخير هو راي ولا هم انبياء حتى نؤمن بكل ما يقولونه (العياذ بالله) ولكن هو اجتهاد منهم مشكورين عليه
قرار البيع والشراء انت الي تحطه وتتحمله

نصيحه اخويه(( المحللين مع احترامي لهم جميعا بشر مثلنا تعلموا واجتهدوا فيا اخي ادرس واخذ دورات وتعلم وريح نفسك منهم وخليك محلل لنفسك وتراها والله مو صعبه وانها سهله ولكن تحتاج ارادة))

اللهم وفق كل من سعى لخير الناس

 

[بونوااف]

ا حب اقول شي ترا مايجوز تطبيل ياخواني ترا السهم فيه خيرا انشاء الله اقول لي عندها تحليل ميه ميه يقول مو يقول راي الشخصي ترا هذ تخيوف اخونكم المسلمين ترا تضرارو منكم هذا يقول كذا وهذا يقول كذا يعلم الله اني شاريه 1760 والله يوافق الجميع ان انشاء الله

 

[fhfh]

اللة يربحك يابو نواف وتشوف خيرة عن قريب وصدقنى اللى قاعدين يطبلون على السهم ماعندهم لاتحليل ولاسهم بس شياطين الانس وانا بسال هاللى قاعد يسعر السهم على كيفة بكرة تداولة نازل ولا صاعد ( نسهلها لة علشان يشيرها) ولاقلت لة اتق اللة اخدتة العزة بالاثم

 

[(طموح وقنوع)]

نتمنى ان يعكس السهم اتجاهة للصعود وذلك لايحصل مع حالة البيع الحاصلة بالسهم.
غير هالكلام فالسهم الى نزول حسب الشارت اللي حاطة الاخ UNIX واللي عندة كمية برأيي ان لايحتفظ فيها كلها.يثبت جزء على امل الصعود ويحرك الجزء الاخر مع متابعة التحليل.
بالتوفيق.​

 

[بصرك]

ان اتوقع دام الخير كل يوم تشتري وتنقل بالمحافظ وشغله من اسبوع يوميا مليونيين سهم
حاليا نسبتها9.5%تقريبا واتوقع مكمل لي فوق ال20%
مافيه خوف على السهم ولوتلاحظون حتى بارتفاع السوق الاسبوع الماضي كانو متعمدين مايرتفع
فتوقع حتى الوصول للكميه المطلوبه راح يكون السعر بين 1.780و1.720والله اعلم

 

[بونوااف]

طموح وقنوع الله يهديك لي يعلم الغيب المحلل ولي الله انت كاعد تضرا اخوانك كل يوم تقول نزول نزول ياخي خاف الله يمكن السهم يصعد ثم الناس يدعون عليك اتق الله جزاك الله خير وبعدين هذا سهم عالمي موهذا سعره وشكرا

 

[(طموح وقنوع)]

طموح وقنوع الله يهديك لي يعلم الغيب المحلل ولي الله انت كاعد تضرا اخوانك كل يوم تقول نزول نزول ياخي خاف الله يمكن السهم يصعد ثم الناس يدعون عليك اتق الله جزاك الله خير وبعدين هذا سهم عالمي موهذا سعره وشكرا

اخوي بونواف ردك لايتناسب مع اللي قلتة.اولا انا شاري بهالسهم وودي يصعد واربح. بس من الخطأ انا نعض بضروسنا على سهم تكلم اهل الخبرة عن نزولة!! وصدقني اللي ينصحك ويبينلك امر اكيد يبيلك الخير.
وبعدين اللي قاعدين ينزلون السهم ويصعدونة مايدرون عني وعنك ولاتظن ان كلامنا بيأثر على نظرتهم وقرارهم.ولكن الحذر واجب فممكن الواحد يتفادى جزء من الخسارة ويسترد السهم بالنازل وهذا امر طبيعي.الا اذا كنت مستثر فمايهمك النزول بس لاتتابع السهم يوميا راح تتعب. الامر الاخر انا قلت نحتفظ بجزء ونضارب بجزء علشان تاخذ بالرأيين.بالتوفيق​

 

[UNIX]

قنوع تكلم عن السهم من سعره 2200 انه تصريف و اليوم سعره 1720 فلس

نزول = 480 فلس، فلس ينطح فلس.

و اللي قاعد يهرف بما لا يعرف و يقول اتق الله اتق الله انتوا قاعدين تخسرون اخوانكم، بس لأنا قاعدين نحلل السهم و ننصح بعدم الدخول على السهم في الوقت الحالي صرنا كفار و تبون تدعون علينا؟ ترى انتوا بأسلوبكم المتأسلم قاعدين تخدرون الناس ان يشترون، انتوا اللي قاعدين تخسرون الناس.

يبه اللي يبي يدعي خل يدعي و أتحدى دعوته ما تحوش السقف و لا احنا خايفين من دعاويه، و اذا في واحد يبي يدعي عنده اسرائيل خل يدعي عليها، احنا هدفنا بالمنتدى توعية الناس و وضع خطط البيع و الشراء على الأسهم و هذا اجتهاد و لكل مجتهد نصيب، اذا مو عاجبك الكلام تقدر ما تدخل على الصفحة.

جزاك الله خير أخوي قنوع خليتني أبيع بالعالي و أحفظ راس مالي.

 

[بونوااف]

كلام غير لائق الله يسامحك وشكرا

 

[UNIX]

كلام غير لائق الله يسامحك وشكرا

اللائق انكم تطبلون للسهم و هو نازل و اللائق انكم تهددون بالدعاوي، اصلاً عيب الدعاوي لأن هذا شغل حريم

أمثلة من دعاوي حريم أهل الكويت:

1- "روووووووح يعلك الماحي"
2- "روووووووووح الله لا يوفجك"

هل هذا كلام يليق برجال؟

 

[(طموح وقنوع)]

قنوع تكلم عن السهم من سعره 2200 انه تصريف و اليوم سعره 1720 فلس

نزول = 480 فلس، فلس ينطح فلس.

و اللي قاعد يهرف بما لا يعرف و يقول اتق الله اتق الله انتوا قاعدين تخسرون اخوانكم، بس لأنا قاعدين نحلل السهم و ننصح بعدم الدخول على السهم في الوقت الحالي صرنا كفار و تبون تدعون علينا؟ ترى انتوا بأسلوبكم المتأسلم قاعدين تخدرون الناس ان يشترون، انتوا اللي قاعدين تخسرون الناس.

يبه اللي يبي يدعي خل يدعي و أتحدى دعوته ما تحوش السقف و لا احنا خايفين من دعاويه، و اذا في واحد يبي يدعي عنده اسرائيل خل يدعي عليها، احنا هدفنا بالمنتدى توعية الناس و وضع خطط البيع و الشراء على الأسهم و هذا اجتهاد و لكل مجتهد نصيب، اذا مو عاجبك الكلام تقدر ما تدخل على الصفحة.

جزاك الله خير أخوي قنوع خليتني أبيع بالعالي و أحفظ راس مالي.

كلامك عن السهم طيب
ولكن اتحفظ على كلمة المتأسلم!! اشتقصد فيها؟؟
ثانيا مسألة اجابة الدعوة مسألة غيبية مايعلمها الا الله عزو جل.ومانقدر نجزم توصل ولا ماتوصل!!
وأخيرا خف على اخوانك فكل منهم يحاتي حلاله. بين لهم الحق باللتي هي أحسن.بتقولي هم مخطئين ويدعون ويهاجمون.اقولك المفروض احنا نتعلم منكم اسلوب التعامل عند الاختلاف. انت واخوانك المتميزين لكم رسالة في المنتدى وهي حتما لاتقتصر على علم الربح والخسارة. تحياتي لك​

 

[UNIX]

كلامك عن السهم طيب
ولكن اتحفظ على كلمة المتأسلم!! اشتقصد فيها؟؟
ثانيا مسألة اجابة الدعوة مسألة غيبية مايعلمها الا الله عزو جل.ومانقدر نجزم توصل ولا ماتوصل!!
وأخيرا خف على اخوانك فكل منهم يحاتي حلاله. بين لهم الحق باللتي هي أحسن.بتقولي هم مخطئين ويدعون ويهاجمون.اقولك المفروض احنا نتعلم منكم اسلوب التعامل عند الاختلاف. انت واخوانك المتميزين لكم رسالة في المنتدى وهي حتما لاتقتصر على علم الربح والخسارة. تحياتي لك​

بارك الله فيك على النقد البناء و اللي كلنا بحاجة له، و هذا هو اسلوب الاختلاف بالرأي.

بالنسبة للمتأسلم أقصد فيها ادخال الطابع الاسلامي على التطبيل.

كمثال "يا أخوان جزاكم الله خير لا تحبطون الناس على السهم، ترى السهم ممتاز و الله يشهد على راسي، ترى يا أخوان ما يجوز تخسر أخوك المسلم، وين بتروح من عقاب الله و عذابه و من دعاوي الناس عليك"

هذي الصيغة أريد بها باطل!! يطبل على السهم لا تبيعون و ان المحللين بيخسرونكم، هذا اللي أنا أقصده بأسلمة التطبيل.

أخوي العزيز، احنا كمحللين رسالتنا واضحة و هي خدمة المجتمع الاستثماري فنحن لا نبحث عن مال أو شهرة أو دعوة أو أي شي. دعوة الوالدين بالخير كافية.

و بارك الله فيك

 

[(طموح وقنوع)]

بارك الله فيك على النقد البناء و اللي كلنا بحاجة له، و هذا هو اسلوب الاختلاف بالرأي.

بالنسبة للمتأسلم أقصد فيها ادخال الطابع الاسلامي على التطبيل.

كمثال "يا أخوان جزاكم الله خير لا تحبطون الناس على السهم، ترى السهم ممتاز و الله يشهد على راسي، ترى يا أخوان ما يجوز تخسر أخوك المسلم، وين بتروح من عقاب الله و عذابه و من دعاوي الناس عليك"

هذي الصيغة أريد بها باطل!! يطبل على السهم لا تبيعون و ان المحللين بيخسرونكم، هذا اللي أنا أقصده بأسلمة التطبيل.

أخوي العزيز، احنا كمحللين رسالتنا واضحة و هي خدمة المجتمع الاستثماري فنحن لا نبحث عن مال أو شهرة أو دعوة أو أي شي. دعوة الوالدين بالخير كافية.

و بارك الله فيك

بالتوفيق ان شاء الله
الحين عاد قول لنا السهم وين رايح نبيع الحين لو بخسارة؟
ومتى تتوقع من المناسب ان نستردة؟​

 

[UNIX]

بالتوفيق ان شاء الله
الحين عاد قول لنا السهم وين رايح نبيع الحين لو بخسارة؟
ومتى تتوقع من المناسب ان نستردة؟​

اذا مستثمر 6-12 شهر لا تبيع و هذي الأسعار جيدة

و زين مهما ينزل لازم يصعد لأنه شركة تشغيلية و تبيع هوا

و أتوقع الارتداد عند 1500 راح يبين وقتها، لا نجهز الدوا قبل الفلعة.

و بالتوفيق.