شركة الاتصالات المتنقلة - ش.م.ك (زين) ...4

[محاسب^المستقبل]

**

السلام عليكم و رحمه
شلونكم شخباركم جماعة الخير
والله انشالله تفيدوني
انا ناوي اشتري اسهم زين لانها صراحة شركة ثقة و مضممونة انشالله
بس بغيت اسال هل ممكن سعر السهم يوصل نفس السنة اللي طافت ؟ حول 5 دنانير و احسن وقت للشراء هو الحين بعد ماوزعو الارباح فالسهم نزل بس بعد جم شهر بيرد يتشبع بالارباح
صراحة انا قاعد احن على الوالد انه يشتري بس اهو متردد شرايكم انتو معاي ولا مع الوالد
بس انا الهدف مالي مو الاستثمار الطويل فا اللي ابيه اني اشتري و ابيع بعد جم شهر عشان احققلي شوي سيولة تخليني اوزع بعدين البيض بعده اماكن عشان لا يتكسر (بس بشركة وحده)
و يعطيكم العافيه

 

[محاسب^المستقبل]

و عندي سؤال بالنسبة للمساهمين القدم
انا يدي لما راح خذا الارباح قالوله لك تشتري بقيمه 39000 دينار اسهم و نبيعك اياه ب 1 دك بس بغيت اسال المده من متى ؟ يعني اكيد مو بأي وقت اقدر اشتري ب 1 و السوق مثلا ب 1.700 فلس

 

[fhfh]

مافهمنا ممكن توضح اكثر؟

 

[بديع الزمان]

‏-- / مباشــرة الـهـيـئـة الـعـامـة للاســتثـمـار / 24.608 %‏


6.233 % / غير مباشــرة شركة الخير الوطنية للاسهم والعقارات وأخرون / 8.272%‏

نسبة الملكية السابقة لشركة الخير 7.92%​

النسبة المرهونه / طريقة المساهمة كبــــار المســـاهــميـــن / النســــبــة

‏-- / مباشــرة الـهـيـئـة الـعـامـة للاســتثـمـار / 24.608 %‏

6.233 % / غير مباشــرة شركة الخير الوطنية للاسهم والعقارات وأخرون / 8.535%‏

 

[sam]

كميات المليون والربع التي تم شرائها بالامس على 1.720 و 1.740 اعتقد بأن تم بيعها اليوم على سعر 1.760 لو تلاحظون ؟؟؟؟؟؟؟؟؟؟؟؟

 

[UNIX]

اللي يسأل أسئلة مكررة لو الله يهديه و يرجع للمشاركات السابقة راح يلقى الاجابات اللي يبيها. خلكم بروفشينال

 

[ReeEEeeM]

السلام عليكم
ياجماعه الله يرضى عليكم عندي سؤال ياليت القى جواب واضح انا ما افهم بمصطلحاتكم انا شريت من زين بعد التفصخ ب2.160 فلس بس 2500 سهم ودفعت كل اللي يمعته والحين عندي مبلغ متى اشتري بليز فيدوني هل راح يوصل 1.600 او 1.500
ابي جواب واضح يا اهل الخبره انا بحاجه لهالنصيحه

 

[قنوع ؟]

نعم والعلم عند الله

 

[ReeEEeeM]

قنوع شنو نعم وضح راح ينزل ولا لا ؟؟
انت عندك خبره فيدنا لو سمحت ومتى تتوقع نزوله عشان ادبر مبلغ اكبر

 

[سابر ألاغوار]

السلام عليكم و رحمه
شلونكم شخباركم جماعة الخير
والله انشالله تفيدوني
انا ناوي اشتري اسهم زين لانها صراحة شركة ثقة و مضممونة انشالله
بس بغيت اسال هل ممكن سعر السهم يوصل نفس السنة اللي طافت ؟ حول 5 دنانير و احسن وقت للشراء هو الحين بعد ماوزعو الارباح فالسهم نزل بس بعد جم شهر بيرد يتشبع بالارباح
صراحة انا قاعد احن على الوالد انه يشتري بس اهو متردد شرايكم انتو معاي ولا مع الوالد
بس انا الهدف مالي مو الاستثمار الطويل فا اللي ابيه اني اشتري و ابيع بعد جم شهر عشان احققلي شوي سيولة تخليني اوزع بعدين البيض بعده اماكن عشان لا يتكسر (بس بشركة وحده)
و يعطيكم العافيه

هههههه شلون بتوزع البيض بس بشركة وحدة...يعني تشتري من نفس الشركة اول السوق وبعدين ترد تشتري الضحي...وبعدين ترد تشتري آخر السوق قبل ما يسكر؟؟

 

[IMSE]

البراك: «زين» تسعى لربح 6 مليارات دولار بحلول العام 2011


الاثنين, 5 مايو 2008
قال العضو المنتدب ونائب رئيس مجلس إدارة مجموعة «زين» الدكتور سعد البراك «لقد أطلقنا على الاستراتيجية الجديدة للنمو بالمجموعة (ACE) وهي مختصر يرمز إلى التسريع والدمج والنمو، ونحن في زين لدينا أهداف واضحة نسعى إلى تحقيقها بحلول العام 2011 وتتلخص في أن نصبح واحدة من أكبر عشر شركات اتصالات متنقلة وزيادة عملاء المجموعة إلى 110 ملايين عميل وتحقيق ربحية قبل خصم الفوائد والضرائب والاهلاكات (EBITDA ) بمقدار 6 مليارات دولار، وندرك جيداً حاجتنا إلى تعزيز عملياتنا والاستفادة من الأيدي العاملة الماهرة بالمجموعة التي يزيد عدد موظفيها عن 15 ألف موظف». وأضاف «بعد نجاحنا العام الماضي في الاستحواذ على عدد من التراخيص، فنحن نتوقع بدء العمليات التجارية في السعودية وغانا بحلول منتصف عام 2008».

وحول نظرته لتنظيم قطاع الاتصالات المتنقلة في الكويت، قال في مقابلة حصرية تنشر ضمن «التقرير:الكويت 2008» الذي يعتبر أحدث إصدارات أوكسفورد بيزنس غروب «إن أهم القضايا التي نواجهها هي افتقادنا إلى منظم مستقل. و مع وجود مشغل ثالث خلال العام 2008، فإن الحاجة إلى تنظيم القطاع تصبح أولوية هامة جداً من أجل إدارة وتوحيد المعايير ومراقبة الشركات العاملة بالدولة من أجل ضمان مبدأ تكافؤ الفرص أمام الجميع في هذا القطاع.. علاوة على أن الفائدة ستعم على المستهلك وكذلك على اقتصاد الدولة، ونتوقع الحصول على منظم يسمح لنا بتقديم تقنيات تكميلية، مثل تقنية «واي ماكس» WiMax، وهي خاصية دولية مخصصة للاتصال الدولي المباشر العابر للحدود علاوة على إمكانية تحولها إلى مزود لخدمة الانترنت».

هذا يعني أن ال EBITDA سوف تنمو بمعدل 32% خلال السنوات الأربع القادمة.

 

[محاسب^المستقبل]

هههههه شلون بتوزع البيض بس بشركة وحدة...يعني تشتري من نفس الشركة اول السوق وبعدين ترد تشتري الضحي...وبعدين ترد تشتري آخر السوق قبل ما يسكر؟؟

لا اخوي انتا ما فهمتني انا اقصد حاط بين قووسين يعني اللي اقصده انها مو بس بشركة وحدة احط كل الفلوس يعني انوع بالشركات عشان اذا لا سمح الله تكون فييي طيحة ما تكون قويه شي يشيل عن شي

 

[(طموح وقنوع)]

و عندي سؤال بالنسبة للمساهمين القدم
انا يدي لما راح خذا الارباح قالوله لك تشتري بقيمه 39000 دينار اسهم و نبيعك اياه ب 1 دك بس بغيت اسال المده من متى ؟ يعني اكيد مو بأي وقت اقدر اشتري ب 1 و السوق مثلا ب 1.700 فلس

اخوي هذا الاكتتاب بزيادة راس المال بقيمة 850فلس للسهم ومثل ماقلت ماتصير باي وقت بس اذا في زيادة براس المال. وراح تكون النسبة 75% من الاسهم المملوكة قبل انعقاد الجمعية العمومية.
بالتوفيق ليدك​

 

[عبدالله العوضى]

ياشباب انا اتوقع انه زين راح تنفجر وعندهم موضوع قوى بس مادرى فى شى

 

[bo_hamood]

يا اخت ريم انا انصحك انك تشترين زين بهالاسعار لان مستحيل يرجع مره ثانيه حق الاسعار اللي ذكرتيها

 

[kwt.to.kwt]

يأخوان ما في اخبار عن موعد زيادة راس المال

 

[عبدالله العوضى]

اتوقع بعد شهر او وره الانخابات

 

[عبدالله العوضى]

توقعاتى حق زين راح ايي يوم اتشوفونه 10 ايام حد اعلى او اكثر الانه موضوعه وضعه وايد قوى

 

[أبو باسل]

يأخوان ما في اخبار عن موعد زيادة راس المال

أخ مستثمر كويتي ... انت الاسهم الي عندك كلها فيها زيادة رأس مال؟؟!!

الظاهر أسهمي وأسهمك بنفس الشركات

على العموم وصلني خبر ماني متأكد من صحته ان الزيادة آخر اسبوع من شهر مايو أو أول أسبوع من شهر يونيو.

هذا والله أعلم

أخوك / بوباسل

 

[ReeEEeeM]

يعني مابيوصل لين 1.500 او 1.600 ردو علي ربي يرضى عليكم
اشتري ولا لا