الاتصالات الكويتية (الاتصالات الثالثة) ..2

[أبو يعقوب]

التأمينات عن المتقاعد بروحه فقط تكتتب عياله لا

 

[حمدان]

سؤال ياشباب أرجو الأجابة ..

هل طرء أي تغيير على نظام الاكتتاب للشركة الثالثة خلاف ماكان معمول به في الاكتتابات السابقه مثل القرين السور الأولى بوبيان أرجو الأفادة ؟

السلام عليكم اخوى قاصد خير ,,,
فيما يتعلق بالاكتتاب بالاتصالات لم يطراء جديد خلاف ماهو متعارف عليه فى الاكتتابات السابقة ...
ولكن هناك حديث عن تحصيل بعض البنوك عمولة 2 دينارين عن كل اسم للدمج ...ولم يتم التأكد من صحة هالمعلومة ...وبالتالى ننتظر يوم الاحد المقبل للتأكد

السلام عليكم

اذا بكتتب ااسماء اخواني وعيالهم شلون ؟؟

وشلون اكتتب برخصة تجارية ؟

وعليكم السلام اخوى السعيدي ,,,
نعم تستطيع الاكتتاب عن اخوانك واولادهم بالخصم من حسابك ...بشرط ان تسجل لكل اخ واولاده طلب منفرد ...فيما يتعلق بالرخصة التجارية يمنع منعا باتا السماح لرخص المؤسسات والشركات الاكتتاب ...فقط يقتصر الاكتتاب على الافراد

شباب سمعت ان التأمينات يكتتبون للمتقاعدين واولادهم القصر فقط هل صحيحة المعلومة هذي او لا

السلام عليكم بوعبدالرحمن ,,,
قرار التأمينات بالاكتتاب عن المتقاعد نفسه فقط لاغير ...ولن تكتتب التأمينات عن اسرة المتقاعد حتى القصر منهم ...


وبالتوفيق للجميع

 

[" قاصد خير "]

بيض الله وجهك أخوي حمدان​

 

[alani60600]

اشكر جميع الاخوه الذين تفاعلو مع الموضوع
جميع شي اكتتاب ربحه بين

بس الموضوع اكبر

حصت المواطن كانت 50% من الشركه
تقلصت الي 25% من راس المال
يعني اول بحصت50% يحوشك بيت النازل 450
والحين بحصت 25% يحوشك بالعالي 225 سهم

حصت المواطن تم سلبها النص وفوقها دينارين علي كل شخص

الموضوع اكبر من مافهمتوه
فيها غمنده وبوقه
مثل سالفة شركة التخزين الملغيه

 

[لسه فاكر]

حتى لو يعطوني سهم واحد عناااااااااااااااااد على مبرد راح اكتتب ::verymad::​

 

[Falcon]

من يقول الاكتتاب ما يسوى ...هذا لا يعرف شئ أو ان سارق حقوق الناس.

اولا: سعر السهم مكلف على الشركة السعودية 1.95 !!!

عاد شوف جم راح ينزل مو أقل من دينار و نصف....وراح يوصل الدبل اذا صار كسر للعظام ....حبايبي الشركة السعودية تبي شركة زين تطيح وهذا هو التنافس.

بالتوفيق

 

[Falcon]

شوفوا الحسبة البسيطة

120 مليون سهم = 12 مليون دينار.... من جهات حكومية
130 مليون سهم = 248.7 مليون دينار.... من الشركة السعودية
250 مليون سهم = 25 مليون دينار....من اكتتاب المواطنيين

المجموع
500 مليون سهم = 285.7 مليون دينار رأس مال الشركة( القيمة السوقية مبدئيا)

يعني قيمة السهم 574 فلس هذا هو سعر التكلفة ( يعني سعر بيع البطاقة بعد خصم سعر الاكتتاب للمشتري = 120 دينار لكل بطاقة)

 

[دكتور]

ياجماعة انا عندي 11بطاقة بياع ب120 من يشتري

 

[يوسف_007]

صبحكم الله بالخير عندي سؤال
اللي ماعنده اسهم بالاصل وفتح حساب تداول
يقدر يبيع ويشترى ولا لازم اسهم 000

والشغله الثانيه ابي نصيحة اهل الخبره ابيع اسهم السور الثانية ولا اخليها لوقت ؟؟؟

السلام عليكم ورحمة الله وبركاته
يجوز لك الشراء والبيع في حال وضعت فلوس في حسابك اللي بالبورصة وبالنسبه لبيع اسهمك هذي حسب الكميه إذا الكميه قليله وكسور أنا من وجهة نظري مافيها فايده ولك حرية الاختيار​

 

[FOCUS]

من يقول الاكتتاب ما يسوى ...هذا لا يعرف شئ أو ان سارق حقوق الناس.

اولا: سعر السهم مكلف على الشركة السعودية 1.95 !!!

عاد شوف جم راح ينزل مو أقل من دينار و نصف....وراح يوصل الدبل اذا صار كسر للعظام ....حبايبي الشركة السعودية تبي شركة زين تطيح وهذا هو التنافس.

بالتوفيق

ما أفتكر راح تتطيح زين لأنهم كلهم بالهوى سوى


يعني متفقين وطابخينها مع بعض عدل مدل


يعني شركة ترفع وشركة تكبس ويييييييييييين ؟؟؟ على روسنا أحنا الغلابا المساكين .... هذا السيناريو إلي راح يصير ويطبق ....



أخوكم فووووووكس

 

[كوت]

ما قصرت اخوي يوسف بس يعني اقل شي جم يحط بحساب البورصه

 

[kuwait1979]

اللي عنده 10 بطاقات واكثر باذن الله سوف يكون الاكتتاب طيب بالنسبه له .



.​

 

[المانع]

السلام عليكم
انا اول مره اكتتب
1- اصير اكتتب لاخوانى والشهاده تطلع بسمى
2-كم سهم حددو للفرد
3-وكم الحد الاعلى والادنى للاكتتاب

 

[ابومهاوى]

السلام عليكم
انا اول مره اكتتب
1- اصير اكتتب لاخوانى والشهاده تطلع بسمى
2-كم سهم حددو للفرد
3-وكم الحد الاعلى والادنى للاكتتاب

كل يوم مدوخنا بشركة إستحواذ وبالآخر هذا سؤالك



شر البلية مايضحك



مع التحية للجميع ..............

 

[بـوغـانـم]

اييييييييييية ستمشي الايام وكلن بشوف ابعينه شركه الاتصالات الكويتيه

 

[wzer]

كل بطاقة مدنية راح ياخذ اسهم
من 290 الى 320 سهم
افضل حل اكتتب ولما تاخذ الكرت وتعرف عدد اسهمك بالضبط
بيع الاسهم بسوق الجت مو اقل من 500 فلس السهم
الطريقه هذى افضل من بيع البطاقات .والله يوفق الجميع

 

[VISION]

راي في الموضوع

شوفو اسعار زين والوطنيه الحين

اكتتب وانسى وخلهم لعيالك ...

 

[النائب]

التوقيت عجيب ...
نهاية الصيف والسفر
مصاريف رمضان والقرقيعان هههههههه
مصاريف بداية العام الدراسي
اكتتاب زين
ضغط السوق
شيء عجيب

 

[حفار قبور]

غلطان ثم غلطان ثم غلطان اللي ما يكتتب بهالشركة

حتى لو يخصصون 100 سهم لكل شخص الحمد لله ، ولا تروح لبطون التجار

التوقيت عجيب ...
نهاية الصيف والسفر
مصاريف رمضان والقرقيعان هههههههه
مصاريف بداية العام الدراسي
اكتتاب زين
ضغط السوق
شيء عجيب

شنو المشكلة إذا أخروا الإكتتاب لشهر 10 ، الناس على الأقل خالصة من مصاريف شهر رمضان والعيد وقرقيعان والمدارس ، بس الأمور لازم تمشي من صالح التجار

 

[ابو سالم]

من يقول الاكتتاب ما يسوى ...هذا لا يعرف شئ أو ان سارق حقوق الناس.

اولا: سعر السهم مكلف على الشركة السعودية 1.95 !!!

عاد شوف جم راح ينزل مو أقل من دينار و نصف....وراح يوصل الدبل اذا صار كسر للعظام ....حبايبي الشركة السعودية تبي شركة زين تطيح وهذا هو التنافس.
بالتوفيق

شنو المشكلة كيوتل طلع عليها سهم الوطنية اربع دنانير وسعرها بسوق طايح حظه القيمة السوقية ماتهم الشركة أهم شي المردود يعني نفس طويل .

لازم يكون في تنافس أنت شوف عروض وخدمات شركة زين في الدول الثانية شي مو طبيعي وعندك في الكويت الخدمات موجودة في الشبكة بس نحاسة مايبي يوفرها لك يبيها بالقطارة شوف الشركة السعودية لما تنزل وشوف خدماتها راح تعرف الفرق والبوق إلي كنا مخدوعين فية من شركة زين وخاصة في خدمات الأنترنت