شركة الخطوط الوطنية....3

[دولاركو3]

والله يا شباب انا دشيت هذة الصفحة لكي استفيد من المعلومات بس للاسف لقيت ان 99% من المشاركات ان لم يكن اكثر تعتبر مشاركات مالها اي معني او قيمة للاسف


بصراحه ما استفدت اي شي

 

[الطراروه]

ليش ما استفد متابعه واخبار الشركه ما استفد على طول الوقت عن سعر السهم لي هذا اليوم ما استفد عن تقدم الشركه في الدراج ما استفد عن الموافقه على الادراج ما استفد جم صار سعر الشركه بعد الموافقه ما استفد جم كان العرض والحين جم الطلب

 

[نقوشي]

بياع 500000الف سهم الوطنيه منويشتري 290منو يشيل

حط رقمك عشان الناس تقدر تتفاهم وياك اذا كنت صادق ...

واذا موضوعك طلع بس جذي تهويشة نتمنى من الاشراف يتخذون اجراءات ضدك ...

 

[kuwait1979]

شهر 10 باذن الله

البيع على سعر :

600 فلس

اللي مو محتاج خل ينطر

وربي يرزقكم من خيره .

.​

 

[الطراروه]

شهر 10 باذن الله

البيع على سعر :

600 فلس

اللي مو محتاج خل ينطر

وربي يرزقكم من خيره .

.​

السلام اخوي اشمعنه حطيت هذا الرقم 600 معلومه او توقع منك او شنو بضبط فيدنا عشان نقرر نصبر او نبيع قبل الادراج وشكرا

 

[kuwait1979]

والله ياخوي توقع شخصي
وان شاء الله يصدق

مقارنه بالشركة المشابهه لنشاطها وهي :

طيران الجزيره

عموما توقعاتي بان جميع المستثمرين ودهم يدخلون على السهم
وترى شغل الشركه جدا مرتب وعلى سنع
اكثر من طيران الجزيره .

ابشر بالخير ياخوي .

.​

 

[الاسمنت الابيض]

النجره اللي صايره صج مالها داعي .. بس انا شايف الأخ عبر عن رأيه ريال

يحب بيروت .وغيره يحب يصيف بالمغرب ..بس أخونا بالله بيفرض رأيه غصب

مادري شفيه طاقته شمس يمكن ..اخوي بالله خل الناس بحالها وبعدين

هذي صفحة أسهم الله يرضي عليك أخاف مضيع..

حافظك الرحمن اخوي..[/quote

مشكور
وانا كنت اقصد ان ما لا داعي نتكلم عن اي بلد وخصوصا المنتدى للاسهم وليس سياسي او نتكلم عن الفساد في دول العالم

لكن اخونا الزعيم ماادري شفيه مو راضي

 

[rakan_yes]

بالصدفه مريت على سوق المباركيه ابشتري شغله واطلع
وكنت واقف جدام القهوه الي يم سوق البشوت
وطريجي على المكاتب
ومريت مكتب واحد فقط
وسالته عن سعر الوطنيه
طااااااااار فيني وقال اعلى سعر اعطيك بس جم عندك
وقلت له عندي 30 الف

اتفظل اخوي اتفظل حياك

المهم قعدت عنده وسالته عن السعر

قال اخوي شوف بعطيك اعلى سعر
قلت له جم
قال 250 فلس

قلت له شدعوه
عطوني اكصر وانا عند ربي صاج
قالي جم عطوك
المهم ماقلت له جم عطوني
المهم ان الريال وصل معاي لغاية 300 فلس للسهم
قلت له لا اخوي مشكور انظرها لمن تنزل

بعد مافتحت باب المكتب وكنت بطلع
قالي خل رقمك عندي اشوف لك واحد يشتري باجر
بس بشرط
قلت له تفظل
قالي تكون ياي هني تبي تبيع مو تسال عن السعر وتمشي
المهم سالته قلت له يعني جم يشتري
قالي 320 فلس وهذى اخوي اخر سعر راح يدفه الريال

شباب
السهم واصل لهالسعر يعني فيه خير

بليززز
لحد يبيع الا وقت الادراج ولاتضغطون على السهم
لاتقطونه اول يوم وتمشي لالالا
صبر شوي وانشااء الله فوق 350 انشااء الله

اخوكم
ابورااشد

 

[الاسطوره]

انا من جم يوم مسيوم منى 325 ورفضت

 

[i6aLy]

اللهم زيد وبارك

 

[المستثمر 444]

الله يعطيكم العافيه علي هالاخبار الطيبه ويوفقنا وياكم أخواني

 

[أحمـــــــد]

يسلموووو راكان ووووووووو

وكلامك هو اللي يرفع المعنوية

وعساك على القوة

 

[بوعبدالوهاب]

الكلام كثر عن سعر السهم اتمنى من اخوانا المشرفين يقولون لنا سعر سوق الجت
وينك بوعثمان ........؟

 

[VISION]

الله يبشرك بخير اخوي راكان

 

[ابوناصر2006]

السلام عليكم

سؤال متى ينزل السهم بالسوق الرسمي؟

وجم تتوقعون؟

 

[hassankoc]

بعد العيد

 

[المهندس حسين]

بإذن الله بعد العيد بشهر بعد الإنتهاء من فترة الدمج

إذا كان التداول اليوم حول ال 300 فلس ممكن يوصل سعر السهم عند الإدراج بحدود 400-500 فلس على افضل تقدير

 

[abo othman]

السلام عليكم

الطلب على السهم بالسوق ب 250 فلس وتمت بيعات ب 275 فلس ​

 

[Revolution]

ما شاء الله و الله سهم فيه خير و عليكم بالعافيه ..
يالله ايحوش سهمنا نفس السالفه ..

 

[لسه فاكر]

شباب
السهم واصل لهالسعر يعني فيه خير

بليززز
لحد يبيع الا وقت الادراج ولاتضغطون على السهم
لاتقطونه اول يوم وتمشي لالالا
صبر شوي وانشااء الله فوق 350 انشااء الله

اخوكم
ابورااشد

الله يعطيك العافية بو راشد وان شاء الله السهم فيه خير