قلم حر
عضو مميز
رغم ارتفاع الاسعار الصاروخي
اثبتت البنت الكويتيه اصالتها وحافظت على مهرها دون ارتفاع
اثبتت البنت الكويتيه اصالتها وحافظت على مهرها دون ارتفاع
دورة المؤشرنت للتحليل الفني
50 دينار كويتي
البنت الكويتية مافيها خير طلبات مالها نهاية وكله على ظهر الريال المسكين وهي معاشها بيدها وسويج سيارتها بجنطتها الماركة ولبسها اخر موضة وريلها حافي منتف
اقولكم تزوجوا من الشام ومصر واذا ما تبون تباعدون شوفوا من الخليج السعودية والبحرين ترا فيها بنات يبون الستر وما يفكرون بالمادة مثل اللي عندنا
سبحان الله كلن يتكلم عن خبرته...يمكن أخوي المحيط اللي أنت عايش فيه... فيه النوعية اللي تتكلم عنها لكن الناس أجناس والطيبون للطيبات.
ولو خلية لخربت ونصيحتك لشباب أنهم يتزوجون برا الديرة دليل على إما تجربة فاشلة أو أن ما عندك خوات...
والموضوع بدء مزح وقلب جد... يؤسفني يا أخوي وعزوتي وولد ديرتي تقول عن شوفتك جذيه...
الله يسامحك ويهديك والله لا يشمت فينا العدوان ...اللهم آمين..
من عجائب البنت الكويتية
إذا تبي شي حنت
وإذا حنت ماتسكت
إذا قلتلها اوكي, اتحن زيادة
وإذا قلتلها لا, تقلب الدنيا على راسك
لو شنو تراضيها ماترضى
واذا حاولت اتراضيها اتقولك ماحاولت وايد
وإذا ماراضيتها اتقولك انت مو حاس
اتقولها بس انتي غلطانه اتقولك بس انا زعلانة
اتقولها اوكي انا غلطان اتقولك انت للحين مو حاس !
اذا تبي اتسولف اتحش واتحش واتحش ومااتخلي احد بحاله
وبعدين اتقول اعوذ بالله من الغيبة الحمدلله مااحش باحد!
ماتطبخلك واذا قلتها طبخ زوجة فلان حلو تزعل
ماتطلع معاك واذا طلعت مع ربعك تزعل واتقول ليش ماطلعت معاي؟
تصرف عليها كل شهر كل معاشك واخر شي اتقولك انت مااتييبلي هديه
وطبعا تزعل !
عيالها 24 ساعة باليوم 7 ايام بالاسبوع عند الخدامه
وخدامتها تطبخ واتغسل واتنظف واتسوي كل شي حتى لما تطلع اتشيل عيالها عنها
واتقولك مشغوله بالبيت مو املحقه
معاش زوجها لازم عندها واذا قالها زوجها لازم اتساعديني بمصاريف البيت قالت فلوسي الشخصيه هذه
لو قلتلها خل نطلع
اتقولك اوكي وتقعد ساعه اتفكر شنو تلبس
وساعة اتفكر شنوا تحط مكياج
وساعة تلبس
وساعة اتفكر شنو تلبس مره ثانيه ليش ان اول اختيار ماكان صائب
وساعة تلبس مره ثانيه
و10 ساعات اتحط مكياج
وساعة تنفخ الحجاب لي ورى
واخر شي اتقولك شكو أخرتني؟
اذا ازعلت اتقولك مابيك طلقني
واذا قلتلها اوكي تزعل اتقول انت ماتبيني !
واذا قلتلها لا , اتقولك يلا عيل راضني !
كل هذا واتقول بعدين
'يحصلك وحده نفسي!'
منقوووووووووول
انا مالي شغل
كافي الوحده ما نبي 2 او 3 او 4
نبي وحد سنعه ومتربية و تخاف ربها
يا زين البنت الكويتية
اقسم بالله اول كلمه حق انقالت بالموضوع
انا قلت مابي ارد على الموضوع بس عجبني رد الاخ مغامرجي وقلت اكتبله رد
ورايي بالموضوع مدامي رديت اذا في رجال يخلي معاشه بيد زوجته فهذا برايي مو رجال
وسالفه اعيالي بيد الخدامه هذي من رداه الام نفسها
والباقي مالي خلق ارد عليه لان وراي مراجعه
بعد التطلع والقرأه قررت شي واحد بس
دليييييييييييييييييييييييييييييييييييت للزواج من البال وشكرا
البنت الكويتيه كلها خير وبركه وأغلبية بنات الكويت مدبرات بيوت
الى الامام يا بنت الكويت لما يرضي الله ورسوله وطاعة الزوج
رغم ارتفاع الاسعار الصاروخي
اثبتت البنت الكويتيه اصالتها وحافظت على مهرها دون ارتفاع
من الردود معظم الشباب عزوبية!!!!
تزوجوا كويتية وصدقوني والله ماراح تندمون وبتندمون اذا اخذتو غير كويتية...
واسال مجرب ولا تسال عزوبي...قصدي طبيب ...
تحياتي لكم...
بنت الكويت يبه ترى مو كل اللي بالمنتدى كويتيين هو تكلم عن البنت الكويتية بس ماقال انه كويتي ولا اعتقد انه كويتي ...وسعي صدرج وانا اخوج..
الريال ما يصير ريال الا اذا حكم بيته
و تصحيحاً لعنوان الموضوع. البنت السيبندية بدلاً من الكويتية لأن الكويتية مو طبايعها الأشياء هذي
سبحان الله كلن يتكلم عن خبرته...يمكن أخوي المحيط اللي أنت عايش فيه... فيه النوعية اللي تتكلم عنها لكن الناس أجناس والطيبون للطيبات.
ولو خلية لخربت ونصيحتك لشباب أنهم يتزوجون برا الديرة دليل على إما تجربة فاشلة أو أن ما عندك خوات...
والموضوع بدء مزح وقلب جد... يؤسفني يا أخوي وعزوتي وولد ديرتي تقول عن شوفتك جذيه...
الله يسامحك ويهديك والله لا يشمت فينا العدوان ...اللهم آمين..
دورة المؤشرنت للتحليل الفني
50 دينار كويتي