ودي اعرف في اي مجال انتم دارسين ؟ أو وش تخصص كل واحد فيكم ؟

[ولد الحجى]

الرسالة الأصلية كتبت بواسطة ازعاج
موضوع حلو

انا تخصصي بكالريوس رياضيات

ولد الحجي نبي تذاكر من الخطوط الكويتيه

======================================

غالى والطلب رخيص يا ازعاج .. بس اخوى ترى ما يعطونك تذاكر الا اذا غيرت اسمك او يودونك درجه سياحيه مو اولى ......

تستاهل انت وكل الشباب الطيبين .

 

[النوووخذه]

ماجستير قانون... والسوق مو مخليني اكمل للدكتوراه ما ادري الي قاعد اسويه صح والا غلط ..........

 

[ممدوح]

الرسالة الأصلية كتبت بواسطة النوووخذه
ماجستير قانون... والسوق مو مخليني اكمل للدكتوراه ما ادري الي قاعد اسويه صح والا غلط ..........

غلط

 

[قناص الفرص]

يا جماعه الي الاحظه انه اسهم مضاربه ودراسه لا يجتمعان ابدا ابدا...

لازم بتقصر في احد منهم او بالاحرى بتقصر في كلهم

ركز على الدراسه والسوق ما بيطير والفرص نفس ما قال احد الاخوه موجوده الا اذا انهارت امريكا.

انا أشوف للي مثل حالة الدكتور وحاله الطالب مثلي..

احسن شي لهم اسهم سوينق اسهم استثماريه...

بس وينه الي يهتم بها النوعيه من الاسهم في ها المنتدى

الكل مضاربون

من ناحيتي طالب هندسه مدنيه / جامعه الامارات

 

[island]

طبيب اسنان

اللي عنده مشاكل بالاسنان جاهزين

 

[Picasso]

طبيب


من الرياض

 

[Abu Faisal]

نقيب في مباحث امن الدوله






























ايش فيكم تخرعتم ترا امزح
بكلريوس هندسة كهربائيه+ مأجستير اتصالات لاسلكيه

بس بصراحه لو ارجع الجامعه من ثاني مارح ادرس الا فايننس او ماركتنق

 

[محلل اقتصادي]

>>>>>>>>>>>>>>> بتاااااااااااااااااع كلو
.
.
.
.
.
.
.

امزح بس دراستي توها باديه يعني اوووووورينتيشن


موضوع حلو بس ياليت لو ينضاف له العمر ومكان الاقامة علشان يزيد التعارف اكثر وتكون فرصة لتبادل الخبرات

 

[S500]

دبلوم فني طوارئ طبيه


لكن كل حياتي قراءه بالتاريخ الاسلامي والفقه

وهذا السطر من عندي

احلى كتاب قرأته في حياتي بعد القرآن الكريم والحديث الشريف كتاب الفوائد لإبن القيم انصحكم تطلعون عليه مع التمعن بما فيه من الحكم

 

[الشامري]

دبلوم ميكانيكا قوى محركه

 

[مهايف]

اخوك مهايف
بكرليوس قانون والحين احضر ماجستير تسويق وموضف بالبنك الاهلي

والعصر متواجد غالبا بالسوق واحيانا عند الحلال والسبت والاحد بالعصر اقضيها بالوادي مع الخيل

والله يرزق الجميع

 

[المتردد]

بكالوريس هندسه الكترونية

بس حولنا العمل على هندسة كمبيوتر وقراءة قوائم مالية وبيع وشراء في الاسهم والماجستير نفكر ناخذه لين انتهت امريكا وقفلوا النازداك والداو جونز والدكتوراه لين فتحوا جامعات صح في هالديره

 

[smartplayer99]

بكالوريوس صيدلة.

مدير الانتاج بمصنع ادوية.

 

[دايخ]

بكالوريوس هندسة حاسب آلي

دوختني البايتات وروحاتها وجياتها لين صرت دايخ.

 

[ma01sadah]

بكالريوس هندسة ميكانيكية "تخصص انتاج صناعي"

اخر ترم "تخرج"


ودي اكمل ماجستير فبماذا تنصحون

"ماستر في ادارة مصانع"

 

[making profit]

موضوع رهيب

طالب سنة رابعة اقتصاد ( اخر سنة )

ياشباب انا بدي اتخصص ماذا تقترحون علي ؟

انا محتار يلي اقترح محاسبة CPA ويلي اقترح Markting ويلي اقترح fianance ويلي اقترح محلل مالي ؟

بحسب خبرتكم ياشباب اي فرع افضل ؟

 

[الشامري]

اخوي ma01sadah


من وجهة نظري افضل تخصص ما جستير مع بكالريوس الهندسه
هو ما جستير الادارة

وتظل مجرد وجهة نظر

مستقبلك انت تحدده ولا احد غيرك

 

[ma01sadah]

صادق اخوي الشامري...

اغلب الشباب ينصحوني بالإدارة


وهي توجهي انشاء الله بس خلي الترم هذا يعدي على خير

 

[طموح]

الرسالة الأصلية كتبت بواسطة النوووخذه
ما ادري الي قاعد اسويه صح والا غلط .......... [/B]

هذا عين الصواب وبالتوفيق

 

[Abu Faisal]

Re: موضوع رهيب

الرسالة الأصلية كتبت بواسطة making profit
طالب سنة رابعة اقتصاد ( اخر سنة )

ياشباب انا بدي اتخصص ماذا تقترحون علي ؟

انا محتار يلي اقترح محاسبة CPA ويلي اقترح Markting ويلي اقترح fianance ويلي اقترح محلل مالي ؟

بحسب خبرتكم ياشباب اي فرع افضل ؟

انت ايش تحب؟ اذا انت متفوق وماتفرق معك اي تخصص عليك بالفايننس