شركة اكتتاب القابضة ش.م.ك (إكتتاب) ....6

[ولد البورصه]

اخوى المطرود

هذا شكل سحليه برمائيه

اسمها القيعان المضاعفه

اذا كسر الترند الهابط275واقفل 280 بكميات كبيره

ان شاءالله السهم الى 310هدف اولى
ولكــــــــــــــــــــــــــــــــن
مضارب السهم هل يقبل ام لا

 

[باش مهندس]

السلام عليكم

ممكن المحللين يشاركوني ويعطوني رايهم بالشارت وهل هو محقق الراس والكتفين المقلوبين .

ابو محمد

الله اعلم

لكن يوم كان double bottom .. عارضوا كلامي المحللين

بس ان شاء الله كلامك صح .. واذا ماني غلطان لازم يكون السهم في ترند صاعد او نازل ... مو متأكد منها

 

[المطرود]

أشكركم أخواني الأعزاء ولد البورصة والباش مهندس على مشاركاتكم المفيدة ومنكم نستفيد وإن شاء الله الهدف الأول يتحقق والكل يربح يا رب .

اخوكم بو محمد

 

[أسد في البورصة]

مرحبا المطرود وشكرا على الشارت ولو اني لااحب تحليله لان السوق لايخضع لاسس فنيه قائمه المهم ان السهم مضغوط من قبل بعض الملاك وليس المحافظ من 27/3 حتى اليوم 16/4 والواضح انه اسس نقطة دعم قويه على 265 اكثر من ثلاثة ايام وسيبدا غدا بالصعود مع بعض التهدئه على مراحل وسيقاوم على 280 و 285 وهذه مرحلة تجميع للانطلاق والاخوه المستثمرين جادين بعملهم وهذا بين اليوم بأنهم لم يتنازلوا عن السهم وحتفظوا بالسهم لثقتهم بأن المحرك للسهم قاصد التهديد للتخلي عن السهم والهروب منه وجاء عكس مايفعله من استفزاز حتى نهاية الاسبوع وسيستمر المستثمرون بعناده حتى ماقبل الجمعية العمومية الجمعية 1/5 والله الرزاق الكريم

 

[أسد في البورصة]

ارجوا من الاخوه من يملك سهم اكتتاب بان يحتفض به الى ماقبل الجمعيه ولايتاثروا بما يجري خلال ساعات التداول لان الملاك ينظرون لنا باننا لانعرف مشاهداتهم لنا خلال التداول ولهم الفصل بإقفالات الدقائق الاخيرة ********والله يرزق من حسنت نيته

 

[ناصر الخالدى]

ارجوا من الاخوه من يملك سهم اكتتاب بان يحتفض به الى ماقبل الجمعيه ولايتاثروا بما يجري خلال ساعات التداول لان الملاك ينظرون لنا باننا لانعرف مشاهداتهم لنا خلال التداول ولهم الفصل بإقفالات الدقائق الاخيرة ********والله يرزق من حسنت نيته

اسد اسد يوم وراء يوم تثبت انك محترف واتمنا من الله عز وجل يوفقك ونتمنا ان اكتتابنا يرتفع قبل لايرتفع ضغطنا

 

[ShareHolder]

باش مهندس اللى قاعد يلعب بسهم اكتتاب شخص اسمه احمد ايوب مو مثل مايقولون الشباب الشربينى لعب فينا احمد ايوب لعب وطشرنا

يا خوي منو احمد ايوب هذا؟ تفخت راسنا فيه...بصفة شنو يلعب بالسهم؟

 

[market-maker]

ياجماعه سهم اكتتاب للاعلى ان شاء الله ومو كل شي ياجماعه ينحط على صانع السوق صانع السوق مرات مو بيده يتحكم بالسهم مرات السوق يتحكم والمحافظ تتحكم يعني يكون حركة السهم خارج نطاق صانع السوق وان شاء الله يرتفع السهم وتاخذون ارباح طيبة مع وبالتوفيق لكم

 

[باركر]

الوعد تاريخ 27-4-2008 واللبيب بالاشارة يفهم والله الموفق

 

[Ugly]

الوعد تاريخ 27-4-2008 واللبيب بالاشارة يفهم والله الموفق

كل ماتشوفون السهم تحرك قلتو نطرو بعد يومين وينكم يوم السهم نازل محد عطانه تاريخ صعدت اليوم :]

 

[المرسومي]

كل ماتشوفون السهم تحرك قلتو نطرو بعد يومين وينكم يوم السهم نازل محد عطانه تاريخ صعدت اليوم :]

العوض ولا القطيعة

بس التاريخ إلي حاطه باركر منين جايبه

بكرة بيجي اليوم الموعود يا خوفي تقلب بك

 

[*بو عبدالله*]

الايام القادمة في تحرك ان شاء الله

 

[comheeros]

13:1:12 ِ.مجلس إدارة (اكتتاب) يجتمع فى 20-04-08 لمناقشة بيانات 31-03-08
يعلن سوق الكويت للأوراق المالية أن مجلس إدارة شركة اكتتاب
القابضة ِسوف يجتمع يوم الاحد الموافق 20-04-2008 ، في تمام ‏
الساعة 1:00 ظهرا ، وذلك من أجل مناقشة البيانات المالية المرحلية‏
للربع الاول عن الفترة المنتهية في 31-03-2008 .

 

[المرسومي]

حياك الله بو عبدالله

عندك أخبار معينة ولا توقع فقط

ولو اتكرم وتحط لنا تحليل الله لايهينك مع إبداء رأيك بالسهم​

 

[ناصر الخالدى]

الايام القادمة في تحرك ان شاء الله

حياك الله يابوعبدالله بروم اكتتاب انقذنا بمعلومة صار اللى يجى يعطينا راى على الاقل انت مشركاتك وحدة بوحدة عسا الله يحفظك

 

[حفار قبور]

الايام القادمة في تحرك ان شاء الله

زين اللي ييت بو عبدالله ، يا معود نبي الهدف جم علشان نستعد

 

[nice broker]

مساكم الله بالخير يا شباب
وينك يا ناصر الخالدي
اشوفك ما قمت تطبل على سهم كويت انفست كالعادة
ولا خلاص بعت ووهقت غيرك
اشوفك هالايام تحوس وايد يم مكتب الدولية للوساطة
شنو يبون منك تطبل عليه هالايام

 

[باركر]

كل ماتشوفون السهم تحرك قلتو نطرو بعد يومين وينكم يوم السهم نازل محد عطانه تاريخ صعدت اليوم :]

انا ماقلت يومين انا قلت 27-4-2008 بعدين منو قالك ان السهم تحرك انت متابع للبورصه والا بس متابع للمنتدى وبعدين اجتماعهم 1-5-2008 واللبيب بالاشارة يفهم شد حيلك عشان تصير بيوتفل مو اجلي

 

[باركر]

العوض ولا القطيعة

بس التاريخ إلي حاطه باركر منين جايبه

بكرة بيجي اليوم الموعود يا خوفي تقلب بك :d

التاريخ اللي انا حاطه جايبه من خبرتي واذا جاء بكره اللي تقول عنه محد راح يقلب غيرك واللبيب بالاشارة يفهم

 

[ناصر الخالدى]

مساكم الله بالخير يا شباب
وينك يا ناصر الخالدي
اشوفك ما قمت تطبل على سهم كويت انفست كالعادة
ولا خلاص بعت ووهقت غيرك
اشوفك هالايام تحوس وايد يم مكتب الدولية للوساطة
شنو يبون منك تطبل عليه هالايام

يالحبيب تراك مضيع انا مو اللى فى بالك وانا مارحت للبورصة من سنة انا اتداول عن طريق بيتك للتداول واحشم نفسك مو انا اللى يطبل