قصص وذكريات من السوق الكويتي

[رابح رابح]

 

[الراقي]

تصدقون اكثر سهم ربحت فيه كان سنة ٢٠١٣ مع اني في البورصة من ٢٠٠٣
الفرصة موجودة حتى في القاع ولكن المهم التوفيق من الله

 

[Navigator]

احد الاشخاص
اشترى سهم ابراج مليون سهم ب ٨٦٠ بناء على توصية من الاداره

قالو له السهم بنوديه دينارين

الرجال باع بيته وشاليهه ومزرعته

ارتفع السهم وياه ووصل ٩٢٠

كل يوم يمر علي الصبح ويقولي اخذ وخل عنك اسهمك الدايخه
هالكلام كان بسنة ٢٠٠٨

قلت له ربحان ٦٠ الف باسبوعين يا عمي بيع
احنا شغلنا على ٥٠ او ١٠٠ دينار يا زينها

فجأه بدون مقدمات اتوقع وصل سعر السهم قريب من ٩٦٠

يومياً بالحد الادنى العرض فوق ٦ مليون سهم

لغاية ما وصل السهم تحت الربع دينار والاخ مو راضي يبيع

نزل تحت ١٠٠ فلس وزاد كميته وصلها ٣ مليون

الشركه توقفت ونحاشوا اللي فيها

والاخ للحين عنده امل يرد راس ماله !

الله يعوض عليه

 

[Navigator]

تصدقون اكثر سهم ربحت فيه كان سنة ٢٠١٣ مع اني في البورصة من ٢٠٠٣
الفرصة موجودة حتى في القاع ولكن المهم التوفيق من الله

اكثر ربح سنة ٢٠١١

 

[Navigator]

ايام ازمة الافصاح في ٢٠٠٦ واعتقد حرب لبنان بعد
كنت املك سهم مشاريع وانهار السوق فجأه وعروض بالادنى يومياً للاسهم

مشاريع كان سعره فوق نص دينار ومشتراي كان بسعر ٤١٠

نزل لغاية ٤٦٠

رحت بعرض كميتي بسعر ٤٨٠ بعد دقيقه رديت للجهاز اللي كنت اتابع فيه وكان يمي مصري
ويلف الجهاز ويوريني طلبات مشاريع تقريباً ٣٠ مليون سهم بسعر ٤٧٥
وكان وقتها ما تكنسل الا بعد ٥ دقايق

زين اني قدرت اكنسل وبعته بعد فتره بسعر ٨٧٠
وراح لفوق الدينار الوقح

 

[نصوح]

احسن سهم شريته وربحت فيه هو مركز سلطان شريته ١٦٦٠
واذكر كان يوم خميس وكانت اشاعة العقد الملياري ويوم الجمعة
الصبح بالجرايد حطوا خبر الفوز بالعقد الملياري واذكر بعته
قريب الثلاث دنانير ،،،،،