علامات استفهام .. في قلب الميزانيات !

[Albaghdadi]

في هذه الصفحه راح اطرح وجهة نظري عن بعض الميزانيات بين فتره وفتره حرصا على انها ما تضيع ،،،، وطبعا الصفحه للجميع ووكما ارجوا مشاركة جميع المهتمين بالتحليل المالي .


كل التوفيق ..

 

[رابح رابح]

تحياتي بوأحمد ... دائما مبدع بمواضيعك المميزة ومجهودك الكبير

الله يوفقك ويعطيك الصحة والعافية

 

[Albaghdadi]

بوبيان دق .. بحسب البيانات الماليه للربع الثالث ( سنتها الماليه مختلفه ) راس المال 30 مليون .. وبدون اسهم خزينه ..

الموجودات 34.8 .. وهي 480 ألف تقريبا كاش .. و 32 مليون استثمارات ..1.7 مليون موجودات اخرى .. الشركه بدون كاش تقريبا .

المطلوبات 2.9 .. منها 2.7 مليون قروض .. 170 ألف تقريبا مطلوبات اخرى .

الاحتياطات 3.8 مليون .. الخساير المرحله 10 الاف دينار .. القيمه الدفتريه 106 فلس .

التعليق : بالنظر للبيانات الماليه للسنوات اللي طافت ولناخذ سنة 2011 ونقارن علشان نشوف الاداء .

الموجودات 65.5 مليون .. منها 12.5 مليون موجودات متداوله .. استثمارات 51 مليون .. موجودات ثابته 1.9 مليون .

المطلوبات 15 مليون .. منها 4.5 مليون مطلوبات متداوله .. 10.6 مليون مطلوبات غير متداوله ..

الاحتياطات 3.8 مليون .. الارباح المرحله 19.9 مليون دينار !!!!!! .. القيمه الدفتريه 168 فلس .


نلاحظ الفرق الشاسع .. وايضا تبين البيانات الماليه انهيار الشركه ابتداء من البيانات الماليه المنتهيه في 2012 .. حيث كانت اول خساره للشركه بقيمه 9.7 مليون دينار !

خلنا نشوف التفصيلي شوي وهم نسولف ..

2012 الخساره 9.7 .. 2013 الخساره 5.9 .. 2014 الخساره 3.8 .. المجموع تقريبا .. 19 مليون وكسور دينار :/

بعد الاطلاع على الميزانيه التفصيليه .. تبين الاتي

2012 خساره بقيمه 7.3 مليون دينار بسبب انخفاض في قيمه موجودات ماليه قابله للبيع ( قراطيس ) .. اما خساره الشركه الفعليه بالاضافه الى مصاريفها فقط 2.3 مليون دينار .

2013 خساره بقيمه 5.2 مليون دينار بسبب انخفاض في قيمة موجودجات ماليه قابله للبيع ( قراطيس ) .. اما خساره الشركه الفعليه بالاضافه الى مصاريفها فقط 500 ألف دينار .

2014 خسارة بقيمة 3.2 مليون دينار بسبب انخفاض في قيمة موجودات ماليه قابله للبيع ( قراطيس ) اما خسارة الشركه الفعليه بالاضافه الى مصاريفها فقط 600 ألف دينار .


اعتقد انه الميزانية واضحه


اداء رائع لمجلس الاداره للامانه .. عندي لهم بعير اصلي .. ودهم يحلبونه ؟؟ :/


ملاحظه .. انا ماني محلل مالي .. وكل اللي قاعد اسويه اني انقل البيانات الماليه من مصادرها الرسميه من كازينو الكويت للاوراق الماليه .. والله تعالى اعلم

 

[Albaghdadi]

مينا العقاريه .. الموجودات 18 مليون تقريبا .. كاش 800 ألف فقط .. 8 مليون اسهم .. 7 عقارات استثماريه 1.5 عقارات قيد التطوير .. المطلوبات 4.6 مليون .. منها 2.4 للبنوك ( قروض ) .. راس المال 19 مليون .. الاحتياطات 3.3 مليون .. الخساير المرحله 10مليون .. الايرادات ايرادات بقاله .. القيمه الدفتريه 68 فلس ..

سنتها الماليه تنتهي في 31 مارس من كل سنه ..

جميع العقارات الاستثماريه اللي تملكها تقع خارج الكويت ..

جميع الخساير اللي ححقتها الشركه نجدها في بند القراطيس من القرارات الغبيه في الاستثمار في اسهم لشركات زباله .. بند استثمارات اوراق ماليه وشركات كانت في مارس 2012 .. كان 12 مليون دينار .. اليوم 8.1 مليون .

 

[ENG.electric]

عاش العمده

 

[Albaghdadi]

الساحل .. بناء على بيانات النصف الاول من السنه الماليه هي كالتالي :

في البداية نتكلم عن البيانات الفصليه للنصف الاول ( المختصره )

راس الخمال 62 مليون .. الموجودات 185 مليون دينار .. منها 25 مليون موجودات متداوله .. و 15 مليون استثمارات .. و و 144 مليون موجودات اخرى ( سنفصلها لاحقا ) .. المطلوبات 79 مليون دينار ونص .. منها 3.5 مليون قروض .. 76 مليون مطلوبات اخرى ( سنعلق عليها لاحقا ) .. الاحتياطات 14 مليون .. الخساير المرحله 13.2 .. القيمه الدفتريه 104 فلس وزادت عن نفس الفتره من العام الماضي حيث كانت 90 فلس .

من خلال عرض بيانات قائمه الدخل نجد ان الشركه تشغيلية حيث ان ايرادات النصف الاول للسنه الماليه 2015 كانت 58 مليون دينار .. والعام الماضي لنفس الفتره كانت 62 مليون دينار .. ولكنها ومع الايرادات الضخمه لا تحقق ارباح .. لمااااذا هذا التصرف !؟ لماذا !!

خلنا ننتقل للبيانات التفصيلية عل وعسى نحصل على اجابه ..

في البيانات الموجودات اللي قلنا بنعلق عليها لاحقا .. الموجودات 185 مليون دينار .. تنقسم بنوده الدسمه لاكثر من قسم وهم كالاتي :

1- 23 مليون دينار عقار والات ومعدات .

2 - 13 مليون موجودات ماليه متاحه للبيع .

3- 72 مليون موجودات غير ملموسه ( وهنا الطامه الكبرى في الشركه حيث انه هذا البند كان في عام 2011 مقدر ب 90 مليون دينار وتقهقر ( قويه الكلمه ) الى 72 مليون اي تسبب في خسارة الشركه تقريبا 18 مليون دينار ، وكل خوفي ان هذا البند اللي يسمونه في بعض الميزانيات بند الشهره الا العهره مو الشهره :/ .

وما سبق هي الموجودات غير المتداوله .. اما الموجودات المتداوله ف تنقسم للتالي :

1- مدينون وموجودات اخرى 13 مليون .

2- بضاعه 30 مليون .

3- ودائع تحت الطلب باشعارات قصيرة الاجل 24 مليون دينار ( كاش طيب ) .

ملاحظه مهمه : البيانات الماليه للسنه الماليه 2014 لنفس الفتره كانت الموجودات تشمل فيها في بند موجودات ماليه مدرجه .. ما قمته 40 مليون دينار .. واليوم البند لا يحتوي الا على 300 ألف دينار !؟ مع العلم ان بند الموجودات المتداوله كان 124 مليون دينار .. واليوم 69 مليون دينار !!! باع شي ؟ تسويه ؟؟ :>




نيي حق المطلوبات .. الشركه نجحت بتحقيق انجاز كبير .. حيث انها استطاعت تسديد مديونيه بقيمه 57 مليون دينار تقريبا .. حيث كانت القروض في العام الماضي 61 مليون دينار .. واليوم 3 مليون وكسور ( هل هذا يفسر عملية التجميل اللي صارت في الموجودات المتداوله ؟؟

الشركه بلا قروض للبنوك .. ومع ذلك توجد بها مطلوبات صخمه .. اي نعم صخمه مو ضخمه .. الحين تعرف ليش ..

بند مطلوبات أخرى يشمل الآتي :

1- مكافأة نهاية خدمه 19 مليون دينار :>

2- مبلغ مستحق لاطراف ذات علاقه 7 مليون ( تنقيط )

3- دائنو ومطلوبات اخرى 5 مليون .

هذه غير المتداوله .....


اما المتداوله فهي كالتالي :

1- قروض 3.2 مليون . :>

2- دائنو ومطلوبات اخرى 22.2 مليون . :>

3- مصروفات مستحقه اخرى 17.5 مليون :> (منها 8 مليون مخصص حق قضيه )


هذه البنود الدسمه في الموجودات والمطلوبات ..



انا ماني محلل مالي .. وكل اللي سويته نقل المعلومه .. ولك التقييم .. واكيد في ناس متخصصين هم الاخبر في التعليق والتقييم .. والله تعالى اعلم ..

 

[Albaghdadi]

عاش من قال .. يا هلا بالحلوين .. بوخالد ومهندسنا وجميع الشباب وخاصه اللي لهم خبره في التحليل المالي .. لا تحرمونا من مشاركاتكم

 

[Albaghdadi]

كابلات
اسكان
جيران ق
بيت الطاقة
بيان

 

[ENG.electric]

ممكن منشات
صكوك

 

[Q8_123]

صكوك لوجستك السلام ،، اتوقع انها اسهم رخيصه بس ميزانيتها زينه بالنسبه للاسعار اللي ىصلت لها

 

[السعد محمد]

البيانات المالية في الميزانيات ... غير كافية لمعرفة المركز المالي للشركات

للاسف .... اغلب الشركات تدعي الالتزام بمعايير المحاسبة الدولية ... ولكنها تلتزم قانونا فقط

المعايير .. تقول بان هذا هو الحد الادنى من البيانات

والشركات تعرف ان ذلك يخفي معلومات جوهرية ولكنها لا يوجد ما يلزمها

على سبيل المثال : استثمارت متاحة للبيع .... تجد مبلغ وقدره كذا مليون ... ولا يوجد تفصيل

ممتلكات اخرى .... كذلك ...

استثمارات في شركة زميلة ... تجد بيانات الشركة الزميلة تحمل ... استثمارات متاحة للبيع ... ايضا واستثمارات في شركة زميلة

 

[Albaghdadi]

يا اخوان .. خلو طلباتكم .. وان شاء الله شويشوي راح تلقون اللي اسركم .. بس سامحوني اذا تاخرت لانه الموضوع يحتاج وقت شوي ..

 

[الموسوعه]

ممكن قراءه لمزانية المدينه

 

[الراقي]

موضوع ممتع يابواحمد
الله يعطيك العافية

 

[المقاتل]

مجهود كبير والله يعطيك العافيه اخوى ابو احمد

 

[هده خله يتحدي]

جزاك الله خير اخوي بواحمد دائما مميز ومبدع
اذا ممكن
بتروجلف
الديره
مستثمرون
اسكان
ولك جزيل الشكر وعظيم الامتنان علي جهودك الكبيره

 

[رابح رابح]

مجهود كبير بواحمد
بيض الله ويهك وجزاك الله خير

 

[Albaghdadi]

الكابلات : راس المال 21 مليون دينار تقريبا .. اسهم الخزينه صفر .. السعر السوقي 420 فلس .

نبدا بالموجودات 183 مليون دينار .. تنقسم الى موجودات متداوله بقيمه 76 مليون دينار .. استثمارات 98 مليون دينار .. موجودات ثابته 8.2 مليون دينار .

المطلوبات 63.5 مليون دينار .. منها 55.5 مليون دينار مطلوبات متداوله .. 7.9 مطلوبات غير متداوله ..

الاحتياطات 94 مليون دينار !!! ... تغييرات القيمه العادله بالسالب 29 مليون دينار ( الرقم كبير ويحتاج الى تفسير واجهله للاسف ) .. الارباح المرحله 32 مليون دينار ..


نروح حق التفصيل علشان نفهم .. بس مبدئيا ودي اعرف بكيف ام منو شركه راس مالها 21 مليون دينار .. تحتفظ باحتياطات قريب ال 100 مليون يعني 4 اضعاف راس مالها و ارباح مرحله ب قيمه تزيد عن راس المال ب 11 مليون !!! أليس المساهين احق بتلك الارباح !!!!! هذه علامه استفهام كبر الارض !!!!!!


راح نشوف البيانات الماليه التفصيليه المنتهيه في 2014 ونشوف الاتي ..

ايرادات الشركه بعد خصم تكلفة المبيعات كان 21 مليون دينار وهي تفوق العام اللي قبله حيث كانت الايرادات في عام 2013 19 مليون دينار ( بعدين اقولكم ليش ) .. بعدين دخلت عليها المصاريف فكانت ..

1- مصاريف اداريه وعموميه 2.7 مليون ( طبيعي )

2- مصاريف تجاريه 2.5 مليون ( طبيعي )

3- وهنا الطامه الكبرى .. انخفاض في قيمه استثمارات متاحه للبيع بقيمة 8.6 مليون دينار ( هذا اللي مو طبيعي )

4 - تكاليف تمويل 2 مليون دينار .

وجم بند تناتيش .. وصفت من 21 ملوين .. 4.5 مليون دينار ك صافي ارباح 2014 بعد خصم ال 16 مليون المصروفات .. مع العلم انه ارباح السنه الماليه 2013 كانت 10 مليون دينار .. اي ان الارباح انزلت الى اكثر من النصف مع العلم ان الايرادات زادت والسبب اعادة التقييم والانخفاض اللي صار بقيمه 8.6 مليون دينار ( عرفتوا ليش ) .


خلونا نشوف الحين بالتفصيل شنو تملك الشركه وراح اذكر اكبر البنود :

الموجودات المتداوله :

1- آلات ومعدات 8.4 مليون دينار .

2- استثمارات متاحه للبيع 115 مليون دينار .

الموجودات غير المتداوله :

1- بضاعه 51 مليون دينار .

2 ذمم ماليه وتجاريه 28.8 مليون دينار .

3- نقد وارصده لدى البنوك 3.6 مليون .. وانخفضت بشكل كبير حيث كانت بنهاية 2013 .. .10.1 مليون ... من التوزيعه ..



فيما يخص الاحتياطات الضخمه هي كالتالي :


1- علاوة الاصدار 29 مليون .

2- احتياطي قانوني 21 مليون دينار .

3- احتياطي اختياري 21 مليون دينار .

4- احتياطي عام 23 مليون دينار .


بهذول تفتح شركتين من الكابلات !!!


خل نتطمش زياده ...

المطلوبات ...

قصيرة الاجل او متداوله وهي الاهم :

1- الجزء الجاري من قروض طويلة الاجل 13.2 مليون دينار .

2- قروض قصيرة الاجل 33 مليون دينار .

3- مرابحات دائنه 10.5 مليون دينار .



طويلة الاجل :

1- مخصص نهاية خدمة 2.4 مليون دينار .. والساحل 19 مليون .. وهذي صناعية وهذيج استثماريه .. البطيخ شنو لونه !!!

2- قروض طويلة الاجل 7 مليون .. وكانت في العام اللي قبله 2013 20 مليون تقريبا تقريبا ...




* نقطه اخيره فيما يخص اعادة التقييم اللي حصل يبين في الايضاح رقم 12 :

الشركه عندها اوراق ماليه بالقيم التاليه :

 

[Albaghdadi]

مو راضيه تنزل الصوره .. بوخالد ولا عليك امر الايضاح رقم 12 بالميزانية المفصله لعام 2014 .. واضحه .. اذا ممكن تصورها وتنزلها ولا عليك امر ..

 

[Albaghdadi]

لازم امشي خلص الدوام .. السلام عليكم ونكمل تالي .. جميع المعلومات منقوله من الموقع الرسمي لكازينو الكويت للاوراق الماليه .. وانا لست محلل مالي .. اعتبروا هالجمله مع كل مشاركه